Astrocito
From Wikipedia, the free encyclopedia
Os astrocitos, tamén chamados colectivamente astroglía, son células de glía cunha característica forma estrelada (de onde lles vén o nome), que se encontran no encéfalo e medula espiñal. Son as célula máis abundantes do cerebro humano. Realizan moitas funcións, como colaboraren bioquimicamente coas células endoteliais da barreira hematoencefálica, a provisión de nutrientes ao tecido nervioso, o mantemento do equilibrio iónico extracelular, e interveñen na reparación e proceso de cicatrización dos tecidos danados do cerebro e medula espiñal.
![Thumb image](http://upload.wikimedia.org/wikipedia/commons/thumb/c/cd/Gfapastr5.jpg/320px-Gfapastr5.jpg)
![Thumb image](http://upload.wikimedia.org/wikipedia/commons/thumb/7/7e/Astrocyte_-_cultutures_-_GFAP.jpg/640px-Astrocyte_-_cultutures_-_GFAP.jpg)
![Thumb image](http://upload.wikimedia.org/wikipedia/commons/thumb/5/56/Human_astrocyte.png/640px-Human_astrocyte.png)
![Thumb image](http://upload.wikimedia.org/wikipedia/commons/thumb/2/2f/Astrocyte_-_rat_spinal_cord_-_GFAP.jpg/640px-Astrocyte_-_rat_spinal_cord_-_GFAP.jpg)
![Thumb image](http://upload.wikimedia.org/wikipedia/commons/4/4c/Astrocytes-mouse-cortex.png)
![Thumb image](http://upload.wikimedia.org/wikipedia/commons/thumb/3/3e/Metabolic_interactions_between_astrocytes_and_neurons_with_major_reactions.png/640px-Metabolic_interactions_between_astrocytes_and_neurons_with_major_reactions.png)
Diversas investigacións realizadas desde mediados da década de 1990 atoparon que os astrocitos propagan ondas de Ca2+ intercelulares a longas distancias en resposta á estimulación, e, igual que as neuronas, poden liberar certos transmisores (chamados gliotransmisores) dun modo dependente do Ca2+. Os datos suxiren que os astrocitos tamén envían sinais ás neuronas por medio da liberación de glutamato dependente de Ca2+.[1] Estes descubrimentos fixeron que os astrocitos sexan unha importante área de investigación en neurociencia.