Ansemil, Celanova
parroquia civil do concello de Celanova From Wikipedia, the free encyclopedia
Santa María de Ansemil é unha parroquia do concello ourensán de Celanova na comarca da Terra de Celanova. No ano 2022 tiña 86 habitantes (40 homes e 46 mulleres) distribuídos en 5 entidades de poboación, o que supón un aumento de 5 habitantes en relación ao ano 2021.
Para outras páxinas con títulos homónimos véxase: Ansemil.
| Ansemil | |
|---|---|
.JPG) Igrexa de Santa María de Ansemil | |
| Concello | Celanova[1] |
| Provincia | Ourense |
| Coordenadas | 42°08′13″N 7°56′32″O |
| Poboación | 86 hab. (2022) |
| Entidades de poboación | 5[1] |
| [ editar datos en Wikidata ] | |
É un claro exemplo de dispersión xeográfica minifundista, formada por varias aldeas que teñen á parroquia como vínculo de unión. O minifundio levou consigo o abandono das terras de cultivo, polo que actualmente apenas resisten algúns rabaños de ovellas basicamente para o autoconsumo. É salientable este desaproveitamento que se fai das terras de labradío xa que é unha zona moi fértil ó abundar as fontes e os regatos. Ademais o río Orille discorre polo leste da parroquia formando unha fronteira natural co concello da Bola.
A súa maior actividade económica céntrase no polígono industrial de Celanova situado ó carón da aldea da Lama. Nel destaca a venda e mecánica de automóbiles, os almacéns de alimentos e a manufactura de coellos. Na parroquia tamén existen outras actividades económicas como son a avicultura, a carpintería e a venda de materiais da construción. Por último tamén é de destacar a rehabilitación da reitoral de Ansemil como casa rural sendo unha das poucas ofertas de hospedaxe do concello de Celanova.
As festas patronais son o 15 de agosto mais a súa celebración varía uns días pola coincidencia coas festas de San Roque do concello de Celanova.
Igrexa de Santa María de Ansemil.
Reitoral de Ansemil.
Aldea da Lama co polígono industrial ó fondo.
Aldea de Feal de Ansemil.
.JPG)
Lugares de Ansemil
| Lugares da parroquia de Ansemil no concello de Celanova (Ourense) | |
|---|---|
|
Ansemil | Barrio | Feal de Ansemil | A Lama | Sambades |
Parroquias de Celanova
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
