![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cc/Blackberries_%2528Rubus_fruticosus%2529.jpg/640px-Blackberries_%2528Rubus_fruticosus%2529.jpg&w=640&q=50)
Amora
froito comestíbel de distintas especies botánicas / From Wikipedia, the free encyclopedia
A amora[1] é o nome de diferentes froitos comestíbeis de distintas especies botánicas, e que acostuman clasificarse coma froitos do bosque. Malia procederen de diferentes plantas ou ser froitos botanicamente diferentes, posúen un aspecto semellante e características comúns. En xeral podemos dicir que proceden de dous xéneros distintos de vexetais con trazos fenotípicos moi dispares entre si:
- Morus, as moreiras, árbores da familia das moráceas.[2]
- Rubus, as silveiras, arbustos rubideiros e espiñentos da familia das rosáceas, especialmente algunhas especies.[3]
Para outras páxinas con títulos homónimos véxase: Amora.
![Thumb image](http://upload.wikimedia.org/wikipedia/commons/thumb/c/cc/Blackberries_%28Rubus_fruticosus%29.jpg/640px-Blackberries_%28Rubus_fruticosus%29.jpg)
![Thumb image](http://upload.wikimedia.org/wikipedia/commons/thumb/2/25/Amoras.jpg/640px-Amoras.jpg)
![Thumb image](http://upload.wikimedia.org/wikipedia/commons/thumb/0/0a/Morus-alba.jpg/640px-Morus-alba.jpg)
Ambos os dous xéneros botan amoras, porén non son a mesma froita. A diferenciación é aínda maior, xa que ambos xéneros teñen un gran número de especies. En total existen máis de 300 especies de amoras diferentes.[4] Ademais, a comercialización destas bagas propiciou a creación de diversas hibridacións que non existen na natureza.[4]