![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Adam_Eckfeldt_Color_Painting_Ellipse.jpg/640px-Adam_Eckfeldt_Color_Painting_Ellipse.jpg&w=640&q=50)
Adam Eckfeldt
cuñador xefe da Casa da Moeda dos Estados Unidos / From Wikipedia, the free encyclopedia
John Adam Eckfeldt, nado en Filadelfia o 15 de xuño de 1769 e finado na mesma cidade o 6 de febreiro de 1852, foi un traballador da primeira etapa da Casa da Moeda dos Estados Unidos en Filadelfia, o segundo en ocupar o cargo de cuñador xefe, entre 1814 e 1839.
![]() | |
Biografía | |
---|---|
Nacemento | 15 de xuño de 1769.![]() |
Morte | 6 de febreiro de 1852 (82 anos)![]() |
Datos persoais | |
País de nacionalidade | ![]() |
Actividade | |
Ocupación | Cuñador xefe da Casa da Moeda de Filadelfia |
Familia![]() | |
Cónxuxe | Maria Hahn. Margaretta Baush. |
Fillos | Jacob R. Eckfeldt; Anna Mary, Elias, Susannah, Adam e Margharetta Eckfeldt. |
O pai de Adam Eckfeldt era propietario dunha gran ferraría e participou nos primeiros intentos de cuñar moeda estadounidense. Adam Eckfeldt construíu as primeiras prensas da Ceca de Filadelfia, gravou algúns dos seus primeiros cuños e foi responsable dos deseños das primeiras moedas de cobre estadounidenses, así como da famosa proba dos 5 centavos de prata (half disme) de 1792, que algunhas autoridades consideran como a primeira moeda propiamente dos Estados Unidos. Foi nomeado cuñador adxunto da Casa da Moeda en 1796, e pasou a ser cuñador xefe logo do falecemento do seu predecesor, Henry Voigt, en 1814.
Eckfeldt foi cuñador xefe durante un cuarto de século, período no que a Ceca de Filadelfia se trasladou a unhas novas instalacións. Ademais dos labores propios do seu cargo, Eckfeldt comezou a apartar e conservar as moedas raras que a poboación entregaba á casa da moeda como metal para a súa fundición e posterior recuñaxe, e puxo en marcha un gabinete numismático na casa da moeda, que evolucionou ata se converter na Colección Numismática Nacional dos Estados Unidos.
Mesmo despois da súa xubilación en 1839, Eckfeldt seguiu desempeñando voluntariamente e sen retribución as funcións de cuñador xefe, e logo do seu falecemento foi relevado por Franklin Peale.