![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/16/Fibrinolysis.svg/langgl-640px-Fibrinolysis.svg.png&w=640&q=50)
Activador do plasminóxeno
From Wikipedia, the free encyclopedia
Os activadores do plasminóxeno son serina proteases que catalizan a activación da plasmina ao clivar proteoliticamente o seu cimóxeno precursor, o plasminóxeno.[1] A plasmina é un importante factor na fibrinólise, a degradación dos polímeros de fibrina formados durante a coagulación do sangue (destrución de coágulos). Existen dous activadores do plasminóxeno:
- Activador do plasminóxeno de tipo uroquinase (ou, simplemente, uroquinase, uPA), codificado polo xene PLAU do cromosoma 10.
- Activador do plasminóxeno de tipo tisular (ou activador do plasminóxeno tisular, tPA), codificado polo xene PLAT do cromosoma 8.
![Thumb image](http://upload.wikimedia.org/wikipedia/commons/thumb/1/16/Fibrinolysis.svg/320px-Fibrinolysis.svg.png)
Os activadores do plasminóxeno úsanse en medicina. O activador do plasminóxeno tisular utilízase para tratar ictus embólicos ou trombóticos, infarto de miocardio e embolia pulmonar.[2] Prodúcese en forma recombinante, o rtPA.[3] A uroquinase utilízase para tratar embolias pulmonares.[4]
Os activadores do plasminóxeno son inhibidos polo inhibidor do activador do plasminóxeno 1 (PAI-1)[5][6], o inhibidor do activador do plasminóxeno 2 (PAI-2, producido só na placenta),[7] e o inhibidor da proteína C.[8]
![Thumb image](http://upload.wikimedia.org/wikipedia/commons/thumb/3/31/T-PA.gif/220px-T-PA.gif)
![Thumb image](http://upload.wikimedia.org/wikipedia/commons/thumb/b/bf/Protein_PLAU_PDB_1c5w.png/640px-Protein_PLAU_PDB_1c5w.png)