![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/06/Intracoronary_thrombus.png/640px-Intracoronary_thrombus.png&w=640&q=50)
Embolia
obstrución brusca producida nun vaso sanguíneo polo desprazamento dun corpo estraño que circula no torrente sanguíneo / From Wikipedia, the free encyclopedia
Chámase embolia ou embolismo a unha obstrución brusca producida nun vaso sanguíneo polo desprazamento dun corpo estraño, orgánico ou non, que circula no torrente sanguíneo, procedente doutra parte do corpo ou introducido desde o exterior. Os síntomas son dor, palidez, ausencia de pulso, parálise e alteracións da sensibilidade.
![]() | Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico. |
![](http://upload.wikimedia.org/wikipedia/commons/thumb/0/06/Intracoronary_thrombus.png/640px-Intracoronary_thrombus.png)
O corpo estraño, denominado émbolo pode ser de distinta natureza e orixe:
- Un coágulo de sangue ou trombo, e neste caso fálase dunha tromboembolia.
- Unha acumulación graxa, normalmente procedente dunha fractura ósea grave (embolia graxa).
- Aire, introducido mediante inxección intravenosa ou nunha transfusión, en operacións a corazón aberto, por irrigacións vaxinais etc. Denomínase embolia gasosa.
- Unha forma particular deste proceso é o representado polas embolias a consecuencia dunha descompresión rápida tras unha inmersión subacuática.
- Líquido amniótico, no transcurso dun parto complicado ou unha cesárea.
Segundo o órgano que afecte recibe diferentes nomes: embolia cerebral, pulmonar, coronaria etc.
Dependendo de onde teña lugar, varían os cadros e as manifestacións clínicas. Cando o émbolo para nunha arteríola, a circulación colateral adoita restablece o fluxo sanguíneo; se a arteria é dun calibre importante, ou a rexión efectúa funcións esenciais, a doenza pode resultar mortal.
Por veces recórrese a provocar unha embolia nunha área concreta para evitar unha hemorraxia excesiva durante unha intervención cirúrxica, como sería o caso da extirpación dun tumor. A esta técnica denomínase embolización terapéutica e consiste na introdución dun émbolo artificial na arteria que irriga o tumor.