![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c8/%25281928%2529_Brecht_Dreigroschenoper.jpg/640px-%25281928%2529_Brecht_Dreigroschenoper.jpg&w=640&q=50)
A ópera dos tres reás
From Wikipedia, the free encyclopedia
A ópera dos tres reás ou A ópera de a patacón, é unha peza de teatro escrita en lingua alemá por Bertolt Brecht co título de Die Dreigroschenoper, con música de Kurt Weill e colaboración de Elisabeth Hauptmann na tradución e na fixación do texto definitivo[1]. É unha versión actualizada dunha ópera inglesa do século XVIII, The Beggar's Opera. Contén unha feroz crítica social, expresada por medio dunha música composta para unha orquestina de cabaré e cantada por actores que non son cantantes profesionais.
A ópera dos tres reás | |
---|---|
![]() | |
Autor/a | Bertolt Brecht e Elisabeth Hauptmann |
Orixe | Alemaña |
Lingua | lingua alemá |
Xénero(s) | Comedia e obra de teatro |
Data de pub. | 1931 e 1928 |
[ editar datos en Wikidata ] |
![Thumb image](http://upload.wikimedia.org/wikipedia/commons/thumb/c/c8/%281928%29_Brecht_Dreigroschenoper.jpg/640px-%281928%29_Brecht_Dreigroschenoper.jpg)
A "peza con música nun prólogo e oito imaxes" foi estreada no Theater am Schiffbauerdamm de Berlín o 31 de agosto de 1928, e foi a obra de máis sona en Alemaña até a toma de poder do partido nazi o 30 de xaneiro de 1933. Algunhas das súas cancións acadaron grande éxito, como a "Moritat" de Mackie Messer.
A palabra alemá "Groschen" do título describe unha variedade de moedas de pouco valor, polo que o termo foi traducido ás diversas linguas segundo o ámbito cultural como penny, centavo, cuarto, peseta, vintém ou perra gorda, amais de real e patacón na adaptación galega.