Mehmed III
From Wikipedia, the free encyclopedia
B' e treas Sultan deug Impireachd nan Otomanach a bh' ann am Mehmed III (tiotalan: Kayser-i Rûm - 'Cèasar an Roimhe', İki Kutsal Cami'nin Hizmetkârı - Neach-glèidhidh an dà mhosg, Manisa 26 an Cèitean 1566–Istanbul 22 an Dùbhlachd 1603).[1] B' e a' chiad mhac Mhurad III agus Safiye Sultan, à Albàinia a bh' ann.[2] Bha e os cionn na dùthcha bho 1595 gus a chaochail e ann an 1603. Rugadh e nuair a bha a sheanair Süleyman I fhathast air an rìgh-chathair. Thoisich e a bhith na shultan is e a' chur a 19 bhràithrean gu bàs los gun seasadh iad na aghaidh.[3] Cha robh uidh aige air riaghladh na dùthcha leis gu robh e cho leisg leis a' chù agus b' e a mhàthair Safiye Sultan a dhèanadh an gnothach na àite. Le sin, cha b' urrainn dha còmhstri eadar a chuid mhinistearan a fhuasgladh. Bha an dùthaich ann an cogadh gu math cosgail fad 13 bliadhna an aghaidh na h-Ostaire fo na Habsburg gu ruige 1606. B' e cogadh gun toraidhean a bh' ann: bhuannaich na Otomanaich ann an Transsilvania ach chaill iad ann an Țara Românească an aghaidh Mihai Viteazul.[4] Cuideachd b' fheudar do Mhehmed III ar-a-mach a measg a chuid shaighdearan a chur sìos. Chaochail e gu math òg, aig 37 bliadhna a dh' aois, leis a' phlàigh no stròc.[5] Bha sianar mic aige, dithis dhuibh a bha nan sultain fhèin: Ahmed I agus Mustafa I.[6] Chan ann ach an t-ainm Arabais محمد (Muhammad) ann am foirm Turcais a th' ann Mehmed.
| Mehmed III | |||
|---|---|---|---|
 | |||
15 dhen Fhaoilleach 1595 - 22 dhen Dùbhlachd 1603 ← Murad III - Ahmed I → | |||
| Beatha | |||
| Breith | Manisa (en) , 26 dhen Chèitean 1566 | ||
| Dùthaich | Impireachd nan Otomanach | ||
| Bàs | Constantinople (en) , 22 dhen Dùbhlachd 1603 | ||
| Àite-adhlacaidh | Tomb of Mehmed III (en) | ||
| Teaghlach | |||
| Athair | Murad III | ||
| Màthair | Safiye Sultan | ||
| Càraid |
Handan Sultan (en) Halime Sultan (en) | ||
| Clann | |||
| Bràithrean ⁊ peathraichean | |||
| Fine | Rìgh-shliochd nan Otomanach | ||
| Foghlam | |||
| Cànain | Ottoman Turkish (en) | ||
| Dreuchd | |||
| Dreuchd | riaghladair | ||
| Creideamh | |||
| Creideamh | Ioslam | ||
 | |||
Iomraidhean
Wikiwand - on
Seamless Wikipedia browsing. On steroids.