Vinstrihreyfingin - grænt framboð

'S e partaidh poileatagach à Innis Tìle a bhios a' gabhail ri poilitigs na làimhe chlì 's a th' ann am Vinstrihreyfingin - grænt framboð (Gàidhlig: Gluasad Clì - Uaine, ainm goirrid: Vinstri Græn). Chaidh a stèidheachadh ann an Reykjavík air 6 an Gearran 1999,^[1] nuair a dhiùlt cuid a þingmenn (Gàidhlig: Buill-pàrlamaid) à ceithir pàrtaidhean beaga (Alþýðubandalagið, Alþýðuflokkurinn, Kvennalistinn agus Þjóðvaki – Hreyfing Fólksins) a ghabhail ris an aonadh a chruthaich Samfylkingin.^[2] Tha aon riochdaire deug aige fhèin san Alþingi (pàrlamaid), sianar boireannaich agus còignear fireannaich.^[3] 'S e an dara fòrsa poileataigeach as motha san Alþingi, agus tha e san riaghaltas ann an co-bhann còmhla ri Sjálfstæðisflokkurinn agus Framsóknarflokkurinn. A bharrachd air sin, tha ceannard a' phàrtaidh, Katrín Jakobsdóttir, na forsætisráðherra (Gàidhlig: Prìomh-mhinistear). 'S i an dara thè san dreuchd ann an eachdraidh Innis Tìle, an dèidh Jóhanna Sigurðardóttir,^[4] a bha na prìomh-mhinistear bho 2009 gu ruige 2013. 'S e pàrtaidh a tha gu làidir an aghaidh an Aonaidh Eòrpaich a th'ann.

Vinstrihreyfingin - grænt framboð

Fiosrachadh
Stèidheachadh	6 an Gearran 1999
Luchd-stèidheachaidh	Steingrímur Jóhann Sigfússon
Àite-Stèidheachaidh	Reykjavík
Beachd-Smuainealas An-Dràsda	Àrainneachdas, Boireann-dhligheachas, Sìochantas, Sòisealachd
Oifisean	Túngötu 14, 101 Reykjavík
Cathraiche	Katrín Jakobsdóttir
Suidheachain	11/63
Riaghaltas	San riaghaltas