![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3b/O%2527Sullivan.png/640px-O%2527Sullivan.png&w=640&q=50)
Uí Shúilleabháin
From Wikipedia, the free encyclopedia
Clann Ghaelach lonnaithe go formhór i gContae Chorcaí agus Contae Chiarraí ba ea Uí Shúilleabháin.[1] Roimh ionradh na Normannach ar Éirinn, fuarthas iad i gContae Thiobraid Árann fosta. Mar shloinne is é an tríú is coitianta i nÉirinn. De thairbhe eisimirce, is coiteann é an sloinne san an Astráil, i Meiriceá Thuaidh, sa Bhreatain agus eile.
![Thumb image](http://upload.wikimedia.org/wikipedia/commons/thumb/3/3b/O%27Sullivan.png/320px-O%27Sullivan.png)
Dar le ginealas Éireannach, de mhuintir Cenél Fíngin Eoghanacht Chaisil ba ea Uí Shúilleabháin. Ocht nglúin as Fínghin mac Aodha Dhuibh, rí Mumhan ón mbliain 601 go dtí 618, a chuirtear a sinsear.
Níos déanaí, d'éirigh siad ina dtiarnaí, faoi cheannas a ngaol Mhic Cárthaigh, i ríocht bheag ach chumhachtach Deasumhan, ríocht a tháinig i gcomharbacht ar an Mumhain féin.
Ba é taoiseach deireanach na clainne é Domhnall Cam Ó Súileabháin Bhéara, a cloíodh i gCogadh na Naoi mBliana (1594–1603).