![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1d/Auriga_constellation_map.svg/langga-640px-Auriga_constellation_map.svg.png&w=640&q=50)
Capella
From Wikipedia, the free encyclopedia
Is é Capella an réalta is gile sa réaltbhuíon thuaidh Auriga agus an séú réalta is gile i spéir na hoíche ag teacht tar éis Vega. Tá méid radharcach de 0.08 aige agus dearbhmhéid de 0.296. Níl Capella ina réalta amháin ach ina chóras réaltach de cheithre réaltaí ina bhfuil dhá chúpla dénártha. Tá sa chéad chúpla dhá réaltaí ollmhóra de chineál -G a nglaoitear Capella Aa agus Capella Ab ortha. Tá siad i bhfithis an ghearr de chianfhad 0.76 Aonaid Réalteolaíochtacha (A.R.) as a chéile agus le tréimhse fithiseach de 104 lá.
S’é Capella Aa an ceann níos gile den bheirt le rang speictreach G8III (G8 fathach) cé go bhfuil Ab giota beag níos lú agus é sa rang G0III (G0 fathach). Tá mais ag Aa a bhfuil níos mó faoi 3.05 ná sin den Ghrian agus ag Ab níos mó faoi 2.57. Tá a gcorplár de bhreosla hidrigineach caite ag a mbeirt acu agus rinneadh réaltaí ollmhóra díobh ach níl sé follasach go fóill cé'n áit go beacht a bhfuil siad ar an slí éabhlóideach réaltach. Ar chianfhad de 10,000 A.R. ón chéad chúpla tá an bheirt réaltaí eile le fail agus iad ina dhá abhac dearg, lag, beag agus go measartha fionnuar. Tugtar Capella H agus Capella L dóibh. Tá a lán réaltaí eile a bhfuil Capella mar ainm acu ó Capella C go dtí Capella G agus ó I go dtí K ach níl siad gaolta le chéile ach go bhfuil siad go léir sa réimse radharcach céanna. Tá an córas Capella go measartha in aice láithreach ar chianfhad nach bhfuil ach 42.8 solasbhlianta.