Bord Soláthair an Leictreachais
From Wikipedia, the free encyclopedia
From Wikipedia, the free encyclopedia
Comhlacht stát-tionscanta in Éirinn is ea Bord Soláthair an Leictreachais nó BSL. Bunaíodh é chun maoirseacht a dhéanamh ar chur an fáil an leictreachas ó bhliain a bhunaithe i 1927.
|
|||||
| Sonraí | |||||
|---|---|---|---|---|---|
| Cineál | gnó  | ||||
| Stair | |||||
| Dáta a bunaíodh | 1927 | ||||
| Rialachas corparáideach | |||||
| Ceanncheathrú | |||||
| Líon fostaithe | 7,870 | ||||
| Fochomhlacht | |||||
| Suíomh gréasáin | https://www.esb.ie/ | ||||
   | |||||
Is grúpa cuideachtaí leathstáit é anois, lena n-áirítear Líonraí BSL, Electric Ireland, BSL Idirnáisiúnta agus Líonraí Leictreachais Thuaisceart Éireann.[1] Níl monaplacht ag BS sa mhargadh leictreachais i bPoblacht na hÉireann. Sa bhliain 2016, bhí 95% den chomhlacht faoi úinéireacht an stáit agus an chuid eile mar scaireanna ag fostaithe an chomhlachta.
Nuair a bunaíodh Saorstát Éireann, ba léir an gá a bhí le forbairt fuinnimh agus cumhachta le cur le forbairt thionsclaíoch an stáit. Chuir innealtóir Éireannach, an Dr. Thomas A. McLoughlin, plean faoi bhráid an Rialtais chun damba a thógáil ar Abhainn na Sionainne agus stáisiún giniúna leictreachais a thógáil ag Ard na Croise chun leas a bhaint as cumhacht an uisce. Ba dhána an togra a bhí á mholadh, ach glacadh leis agus ceapadh an comhlacht Gearmánach Siemens-Schuckert chun an togra a chur i gcrích i 1925. Tosaíodh ar an obair thógála i Meán Fómhair na bliana sin.[2]
Nuair a bhí Scéim na Sionainne á tógáil, ritheadh Acht Bhord Soláthair an Leictreachais tríd an Oireachtas ar mhaithe le bunú Bhord Soláthair an Leictreachais, a bhí le bheith ina chomhlacht corparáideach chun rialáil agus forbairt a dhéanamh ar líonra leictreachais na hÉireann. Achtaíodh an tAcht Leictreachais (Soláthar), 1927,[3][4] ar an 28 Bealtaine 1927.[5] Chuir an tAcht seo Bord Soláthair an Leictreachais ar bun. Faoin Acht seo, cheap an Rialtas céad chomhaltaí an Bhoird; Cathaoirleach lánaimseartha agus seisear ball eile.
Bhí sé de dhúshlán roimh an gcomhlacht nua comhordú a dhéanamh ar chur ar fáil an leictreachais go náisiúnta, ó bhí breis is 300 soláthraí éagsúil bainteach le soláthar leictreachais in Éirinn ag an am, lenar áiríodh údaráis áitiúla agus gnólachtaí móra. Aistríodh a gcúraimí siúd go rathúil go dtí an comhlacht nuabhunaithe, de réir a chéile.
Ar an 5 Samhain 1946. thosaigh an scéim leictriú na tuaithe i gCill Shalcháin, Contae Bhaile Átha Cliath.
I measc na bhfoinsí fuinnimh neamh-in-athnuaite lena gcuireann BSL cumhacht ar fáil don phobal, tá móin, gual, ola, agus gás.[6] Is iad na foinsí in-athnuaite ná uisce agus gaoth.
Déanann an rannóg seo riaradh ar stáisiúin giniúna an chomhlachta, ag a bhfuil toilleadh suiteáilte iontu d'iomlán 4651MW.
Cuireann siad seo soláthar leictreachais ar fáil do bhreis is dhá mhilliún custaiméir in Éirinn, ar custaiméirí miondíola tís iad a bhformhór, de réir téarmaí a bhíonn ceadaithe ag an gCoimisiún um Rialáil Fuinnimh
Tá an líonra tarchurtha ard-voltais faoi úinéireacht na rannóige seo de BSL.
Is ionann seo agus an chuid idirnáisiúnta de ghnó an chomhlachta. Bíonn an rannóg seo san iomaíocht don obair a bhíonn á tairiscint go hidirnáisiúnta do chomhlachtaí fuinnimh éagsúla.
Seo rannóg lucht riartha an chomhlachta i gcoitinne.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
