Remove ads
De Spirit Lake Stamme (Ingelsk: Spirit Lake Tribe; Eastlik Dakota: Mni Wakáŋ Oyáte; útspr.: [m'ni wa'kã: o'ja:te], likrnôch: "m-ny ûa-kaang oo-jaa-tee") is in federaal erkende Yndiaanske stamme-organisaasje yn 'e Feriene Steaten, mei in eigen reservaat yn 'e steat Noard-Dakota.
| Spirit Lake Stamme | ||
| Ingelsk | Spirit Lake Tribe | |
| lânseigen | Mni Wakáŋ Oyáte | |
| flagge | ||
 | ||
| algemiene ynformaasje | ||
| lân |  Feriene Steaten | |
| steat |  Noard-Dakota | |
| haadkertier | Fort Totten (Noard-Dakota) | |
| etnisiteit | Eastlike Dakota, Westlike Dakota | |
| ledetal | 6.700 (2013) | |
| oprjochting | 1867 | |
| status | federale erkenning | |
| erkenning | Feriene Steaten | |
| reservaat | ||
| reservaat | Spirit Lake Yndianereservaat | |
| lokaasje | eastlik sintraal Noard-Dakota | |
| oerflak | 1.283,8 km² | |
| ynwennertal | 4.400 (2000) | |
| offisjele webside | ||
| www.spiritlakenation.com | ||
| kaart | ||
  Lokaasje fan it haadkertier fan 'e stamme yn Noard-Dakota.
| ||
De organisaasje waard yn 1867 oprjochte en droech foarhinne de namme fan Devils Lake Stamme (Devils Lake Tribe), mar is om 2000 hinne omneamd fanwegen de negative assosjaasjes dy't it wurd devil ("duvel") by de measte lju oprôp.
De Spirit Lake Stamme hat 6.700 leden, en it haadkertier is fêstige yn Fort Totten, yn Noard-Dakota. De leden besteane út etnyske Sû (Sioux): Eastlike Dakota fan 'e Wahpeton- en Sisseton-stammen en Westlike Dakota fan 'e Opper-Janktonai-substamme fan 'e Janktonai. De Spirit Lake Stamme foarmet mei tsien oare Sû-organisaasjes de Feriene Sû Stammen.
Remove ads
It reservaat fan 'e Spirit Lake Stamme is it Spirit Lake Yndianereservaat (Spirit Lake Indian Reservation) fan noardeastlik Noard-Dakota, dat foarhinne de namme fan Devils Lake Yndianereservaat droech en op guon lânkaarten oanjûn stiet as it Fort Totten Yndianereservaat. It hat in oerflak fan krapoan 1.300 km², en yn 2000 wennen likernôch 4.400 minsken.
Mei't it wat yn in ôfhandige úthoeke leit, mar frijwat isolearre fan grutte befolkingssintra, is it net in ryk reservaat, al beskikt it as boarne fan ynkomsten wol oer in kasino. It reservaat waard stifte yn 1867, doe't de Eastlike Dakota as gefolch fan 'e blanke kolonisaasjedruk en by wize fan repressaillemaatregel fanwegen de bloedige Dakota-Oarloch fan 1862 út harren foarâlderlike thúslân yn Minnesota ferdreaun waarden.
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads