Geerhardus Vos

Geerhardus Johannes Vos (It Hearrenfean, 14 maart 1862 – 13 augustus 1949) wie in Frysk Amearikaansk Kalvinistysk teolooch. Hy wie ien fan de meast ûnderskiedene Princeton teologen. Hy wurdt ek wol oanhelle as de heit fan de reformearre Bibelske teology.

Geerhardus Vos

Libbensrin

Vos waard berne as soan fan in Nederlânsk Herfoarme dûmny op It Hearrenfean. Yn 1881, doe’t hy 19 jier wie, krige syn heit wurk as dûmny by de mienskip fan de Kristlike Grifformearde Tsjerke yn Grand Rapids, Michigan.

Hjir begûn Vos syn skoalle by de Calvin Theological Seminary yn Grand Rapids, wêrnei't hy nei Princeton Theological Seminary gie. Yn Dútslân makke hy syn stúdzje ôf, hy krige syn doktoraal Arabyske Stúdzjes fan de Filosofy Fakulteit fan de Universiteit fan Straasburch yn 1888.

Herman Bavinck en Abraham Kuyper besochten Vos oer te heljen om professor fan it Alde Testamint te wurden oan de Frije Universiteit Amsterdam, mar Vos makke de kar om werom te gean nei de Feriene Steaten. Dêr krige hy yn de hjerst fan 1888 in funksje by de Calvin Theological Seminary fakulteit. Yn 1892 gie Vos nei de Princeton Theological Seminary, hjir waard hy de earste professor fan de Bibelske Teology. Op Princeton wurke hy neist J. Gresham Machen en B. B. Warfield. Hy makke hjir syn meast ferneamde wurken, wêrûnder Pauline Eschatology (1930) en Biblical Theology: Old and New Testaments (1948).

Vos yn syn jonge jierren

Vos syn frou, Catherine, skreau it boek Child’s Story Bible. Se is ferstoarn yn 1937. Geerhardus en Catherine hawwe 43 jier troud west; se krigen trije soannen en ien dochter. Harren soan Johannes Geerhardus Vos studearre oan de Princeton Theological Seminary en waard ek predikant.

Wurk

• The Mosaic Origin of the Pentateuchal Codes (1886) ^[1]
• The Teaching of Jesus Concerning the Kingdom of God and the Church (1903)
• The Self-Disclosure of Jesus: The Modern Debate about the Messianic Consciousness (1926)
• Jeremiah's Plaint and its Answer in The Princeton Theological Review (1928) ^[2]
• The Pauline Eschatology (1930)
• Charis, English Verses (1931) ^[3]
• Western Rhymes (1933) ^[4]
• Biblical Theology: Old and New Testaments (1948)

Nei syn dea ferskynd

• The Teaching of the Epistle to the Hebrews (1952)
• Grace and Glory (1994)
• The Eschatology of the Old Testament (2001)
• The Collected Reviews of Geerhardus Vos (2013)
• The Collected Articles of Geerhardus Vos (2013)
• The Collected Dictionary Articles of Geerhardus Vos (2013)

Boarnen, noaten en referinsjes