Fantasyfilm
From Wikipedia, the free encyclopedia
In fantasyfilm is in film dy't heart ta it fantasysjenre. Dat wol sizze dat it ferhaal boppenatuerlike eleminten befettet dy't yn it echt net foarkomme. Men kin dan tinke oan magy en tsjoenderij, mar ek oan mytyske wêzens lykas elven, dwergen of kabouters, of oan heldersjendheid of telekineze. Fantasyfilms kinne har ôfspylje yn in imazjinêre wrâld, mar ek yn 'e normale wrâld.
In dúdlike omskriuwing fan in fantasyfilm is hast net te jaan, mar almeast wurdt in film in fantasyfilm neamd wannear't in fantastysk elemint de boppetoan fiert, dus wannear't der eat bart dat ferbân hâldt mei it boppenatuerlike en dat yn werklikheid net kin. It fantasysjenre hat in soad oerienkomsten mei (benammen) science fiction, mar ek mei horror. In besibbe sjenre dat almeast net ta fantasy rekkene wurde, is de kung fu-film. Filmsjenres dy't meast wol as fantasy sjoen wurde binne de mearkefilm en de superheldefilm.
Fantasyfilms wurde faak ûnderferdield yn klassike en moderne fantasyfilms.
De klassike fantasyfilm spilet him meast ôf yn in op it Midsiuwske Jeropa basearre wrâld of in fiktive wrâld mei in ferlykber ûntwikkelingsnivo. Meast binne der noch gjin masines of fjoerwapens. Dêrfoar yn it plak wurdt faak tsjoenderij brûkt. De wrâld wurdt faak befolke troch typyske fantasywêzens as elven, feeën, dwergen, trollen en draken.
Foarbylden:
- The 10th Kingdom
- Conan the Barbarian
- The Dark Crystal
- Dragonheart
- Dungeons & Dragons
- Eragon
- The Chronicles of Narnia: The Lion, the Witch and the Wardrobe
- Ladyhawke
- Legend
- The Lord of the Rings
- Ring of the Nibelungs
- Willow
Moderne fantasyfilms binne ferbûn mei it literêre subsjenre fan urban fantasy en spylje har sawat yn de tiid fan no ôf, mar hawwe wol typyske fantasyskaaimerken lykas tsoenderij en mytyske wêzens.
Foarbylden:
- Harry Potter
- Indiana Jones
- Ghostbusters
- Highlander
- Lara Croft: Tomb Raider
- Buffy the Vampire Slayer (tillefyzjesearje)
- Jordskott
Njonken dizze haadferdieling besteane der ek in soad subsjenres fan de fantasyfilm, en in protte fermingings mei oare filmsjenres, lykas de fantasy-aventoerefilm, de fantasy-detektivefilm, de fantasykomeedzjefilm, en de romantyske fantasyfilm.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
