Fangionen

De Fangionen (of Vangiones) wienen in Germaanske stam. Sy hearden faaks oarspronklik by it stamferbân fan de Germaanske Sueben. Yn 71 f.Kr. lutsen hja mei Ariovistus de Ryn oer en fêstigen har yn 'e omkriten fan it hjoeddeiske Worms.
De Romeinen neamden dy krite civitas Vangionum en oant yn de 16e iuw neamden de ynwenners fan Worms harren noch Fangionen.

Kaart mei germaanske stammen om 50 n.Kr. mei û.o. it festigingsgebiet fan de Vangionen

De namme foar de omkriten fan Worms-Wonnegau (fan Wangengau) is fan dy namme ôflaat.

Germanen of Kelten

Hoewol't Julius Caesar de sân stammen dy't yn de slach oan de Ryn belutsen wienen as Germanen oantsjutte en njonken de Fangionen yn syn kriichsferslach noch de Haruden, Markomannen, Nemeten, Sedusjers, Sueben en Triboken neamde, sille in pear stammen wierskynlik fan Keltyske oarsprong west hawwe, dy't yn de oanswettende kriten fan it Fanioansk stamgebiet oan 'e Ryn wenne hawwe. Sa kin it wêze dat ek de Fangionen fan Keltyske komôf west hawwe.

Literatuer

• R, Häussler: The Romanisation of the Civitas Vangionum. Yn: Bulletin of the Institute of Archaeology 15, 1993 (1994), s. 41-104
• H. Cüppers: Die Römer in Rheinland-Pfalz. Stuttgart 1990
• M. Grünewald: Die Römer in Worms. Worms 1986
• G. Wiesenthal: Das Wormser Stadtgebiet in vor- und frühgeschichtlicher Zeit. Yn: Wormsgau 2.4: s. 220-33 (1939).
• R. Illert: Museum der Stadt Worms – Führer durch die Sammlungen im Andreasstift. Worms 1936.

Germaanske folken

feroarje

Allemannen · Ambroanen · Ampsivaren · Angelen · Angrivaarjers · Asdingen · Bajuwaren · Bataven · Boergonden · Bruktearen · Chasuarii · Dulgubnii · Fandalen · Fangionen · Fisigoaten · Fosy · Franken · Frisii · Gamaven . Gepiden · Goaten · Harii · Helisjers · Hermunduren · Herulen · Juten · Kananefaten · Kimbren · Kwaden · Lakringen · Langobarden · Lemovjers · Lugjers · Manimjers · Markomannen · Marobudui · Mattiakken · Naharvalen · Nemeten · Nervjers · Ostrogoaten · Rugjers · Saksen · Semnoanen · Silingen · Sitones · Sjamaven · Sjatten · Sjauken · Sjerusken · Skieren · Suëven · Sugambren · Suiones · Tenktearen · Teutoanen · Toksandrjers · Treveary · Triboken · Tubanten · Tudry · Ubjers · Usipeten · Volcae · Warnen