Bree Olson
From Wikipedia, the free encyclopedia
From Wikipedia, the free encyclopedia
Bree Olson, echte namme: Rachel Marie Oberlin (Houston, 7 oktober 1986), is in Amerikaansk rêstend neakenmodel en pornografysk aktrise fan mingd Angelsaksysk Amerikaansk en Oekraynsk-Joadsk etnysk komôf. Har artystenamme wurdt gauris misstavere as Bree Olsen. Hja sette yn 2006 útein mei in tige súksesfolle karriêre yn 'e Amerikaanske pornoyndustry. Yn maart 2008 wie se de Penthouse Pet fan de Moanne. Olson waard by in breder publyk bekend troch har opsjochjaande relaasje mei film- en tillefyzjestjer Charlie Sheen.
| Bree Olson | ||
 persoan yn de seksyndustry | ||
 | ||
| persoanlike bysûnderheden | ||
| oare artyste- nammen | Bree Olsen | |
| echte namme | Rachel Marie Oberlin | |
| nasjonaliteit |  Amerikaansk | |
| berne | 7 oktober 1986 | |
| berteplak | Houston (Teksas) | |
| etnisiteit | Angelsaksysk Amerikaansk  Joadsk | |
| wurkpaad | ||
| wurksum as | neakenmodel, pornoaktrise | |
| jierren aktyf | 2006 – 2013 | |
| offisjele webside | ||
| www.breeolson.biz | ||
Olson waard yn 1986 berne yn 'e stêd Houston, yn 'e Amerikaanske steat Teksas, as it bern fan in allinnichsteande mem. Doe't se twa jier wie, ferhuze har mem mei har nei Fort Wayne, yn 'e steat Indiana, dêr't se opgroeide. Nei't har mem jierren letter in nije relaasje oangien wie, krige Olson op 'e âldens fan njoggen jier in suske. Har pake en beppe oan memmekant wiene Oekraynske Joaden, dy't nei de Feriene Steaten ymmigrearren. Har beppe is in Holokaustoerlibbene, dy't in diel fan 'e Twadde Wrâldoarloch trochbrocht yn 'e Dútske konsintraasjekampen.
Olson har earste bybaantsje wie as maïsferwurkster yn in fabryk doe't se tolve jier wie, en mei fyftjin jier wie se servearster yn in pleatslik restaurant. Nei't se de middelbere skoalle yn Woodburn ôfmakke hie, liet se har ynskriuwe oan 'e Universiteit fan Indiana – Purdue Universiteit Fort Wayne, mei de bedoeling om biology te studearjen, mar dy stúdzje briek se foartidich ôf doe't se behelle rekke yn 'e Amerikaanske pornoyndustry.
Nei eigen sizzen hie Olson der al jierren fan dreamd om in pornostjer te wurden, en wie der iennichste reden dat se wachte om mei in karriêre yn 'e pornoyndustry útein te setten oant se njoggentjin en in heal jier âld wie, dat se oant dy tiid in fjouwer jier duorjende serieuze relaasje hie. Nei't dat útrekke wie, makke se yn novimber 2006 har debút yn in pornografyske film. Dêrby naam se skûlnamme 'Bree Olson' oan, nei de foarnamme fan in skoalkammeraatske en de efternamme fan 'e twillingaktrises Mary-Kate en Ashley Olsen.
As pornoaktrise spile Olson neffens de Internet Adult Film Database (IAFD) yn totaal yn 482 films, al sille dêr perfoarst guon kompilaasjefideo's tusken sitte dy't earder materiaal recyclje. Yn 't earstoan wurke se foar in ferskaat oan Amerikaanske pornografyske filmstudio's, wêrûnder Red Light District, Diabolic Video, Pure Play Media, Hustler Video, Zero Tolerance, Third Degree Films, Black Ice, Elegant Angel, Digital Sin, New Sensations, Jules Jordan Video en Wicked Pictures.
Fan 2007 oant 2010 wurke se ûnder in eksklusyf kontrakt allinnich foar Adam & Eve. Fierders wie se ek yn 't spier foar Girlfriends Films, in lytsere studio dy't him taleit op it meitsjen fan lesbyske pornografy, en foar pornosites op it ynternet, lykas Brazzers en Naughty America. Nei ferrin fan tiid rjochte se dêrnjonken har eigen produksjebedriuw Bree Olson Productions op. Olson wûn ûnder har karriêre as pornoaktrise fjouwer AVN Awards (de Oskars fan 'e pornowrâld), en waard foar nochris sechstjin oaren nominearre. Yn 2013 loek se har út 'e pornoyndustry werom.
_bewurke.jpg)
Njonken har aktearwurk posearre Olson ek in protte foar neakenblêden. Sa stie se yn maart 2008 as Pet fan 'e Moanne yn 'e Penthouse, en pronke se op 'e omslach fan Hustler (maart 2008), de Penthouse (maaie 2011) en de Playboy (augustus 2011). Fierders wurke se mei oan neakenfotoreportaazjes foar de blêden Club en Barely Legal. Yn 2010 waard se troch it blêd Maxim útroppen ta ien 'e tolve bêste froulike pornostjerren.
Olson die yn 2012 mei oan in ôflevering fan it realitytillefyzjeprogramma Keeping Up with the Kardashians, wêryn't se oannommen waard as bernefamke, mar deselde deis alwer ûntslein waard om't se neffens de matriarch fan 'e famylje, Kris Jenner, net fatsoenlik klaaid wie en om't har hâlden en dragen net nei winsk wêze soene. Neitiid wurke Olson mei oan ferskate oare tillefyzjeprogramma's, wêrûnder Opie and Anthony, de Howard Stern Show, Insomniac with Dave Attell, The Glass House en Tosh.0 fan Daniel Tosh.
Ek wie Olson te sjen yn 'e film Purgatory Comics en de fideoklip foar it nûmer Zoosk Girl, fan rapper Flo Rida, wêryn't se dûnset en op in lolly sobbet. Yn 2013 waard se cast yn in rol yn 'e horrorfilm The Human Centipede 3, en yn 2015 spile se yn 'e koarte film Power/Rangers. Yn jannewaris 2015 lansearre Olson in crowdfunding-kampanje wêrmei't se $38.357 byinoar brocht om 'e kosten fan har eigen websearje Bree DOES Comedy mei te dekken.
Olson is sûnt 2010 in feganiste. Nei eigen sizzen is se biseksueel. Se sei oer harsels: "Ik bin sa geil as in keardel, mar mei it lichem fan in frommes." Tegearre mei model Natalie Kenly wie Olson yn 2011 ferwikkele yn in opsjochjaande relaasje mei film- en tillefyzjestjer en it enfant terrible fan Hollywood Charlie Sheen, dy't harren syn 'goadinnen' neamde. Oer Sheen sei Olson yn in fraachpetear: "Hy is yntelligint, hy is garismatysk, hy is supergrappich. En hy is goed op bêd. Ik bedoel, hy hat in protte ûnderfining."
Op 17 juny 2015 sette Olson in iepen brief op har Twitteraccount, wêryn't se froulju advisearre om net as pornoaktrise te wurkjen: "Ik haw Jezus net fûn, ik haw gjin hekel oan porno. Ik haw ek gjin minne ûnderfinings hân. Mar leau my as ik tsjin jim sis dat jim it net dwaan moatte. Ast porno dochst, wurdst automatysk ûnderdiel fan in ôfskoattele diel fan 'e maatskippij dat it slachtoffer is fan diskriminaasje sûnder dat aktivisten har ynsette foar dyn minskerjochten. Der is neat mis mei porno – mar wol mei hoe't de lju dy de rest fan dyn libben behannelje sille."
Bree Olson is blank en hat blûn hier en brune eagen. Neffens har offisjele opjefte is se 1.60 m lang, mei in gewicht fan 47 kg. Se hat in natuerlike kupmaat 32D.
| Jier | Priis | Resultaat | Kategory | Foar har optreden yn |
|---|---|---|---|---|
| 2007 | NightMoves Award | wûn | bêste nije stjer (redakteurskar) | n.f.t. |
| 2008 | Adam Film World Guide Award | wûn | stjer fan it jier | n.f.t. |
| AVN Award | nominearre | bêste lesbyske sekssêne (fideo) (mei Sasha Grey) | Boundaries | |
| nominearre | bêste groepsekssêne (fideo) (mei Amy Ried, Sascha en Marco Banderas) | DreamGirlz | ||
| wûn | bêste anale sekssêne (fideo) (mei Brandon Iron) | Big Wet Asses 10 | ||
| wûn | bêste nije stjer | n.f.t. | ||
| FAME Award | wûn | bêste froulike nijynkommeling | n.f.t. | |
| NightMoves Award | wûn | bêste artyste (publykspriis) | n.f.t. | |
| Xbiz Award | wûn | nije stjer fan it jier | n.f.t. | |
| XRCO Award | wûn | wiete dream (cream dream) | n.f.t. | |
| wûn | bêste nije stjer | n.f.t. | ||
| 2009 | AVN Award | nominearre | bêste lesbyske sekssêne mei in pearke (mei Kayden Kross) | Roller Dollz |
| nominearre | bêste lesbyske groepsekssêne (mei Penny Flame, Kayden Kross en Aiden Starr) | Bree's Slumber Party | ||
| nominearre | bêste triosekssêne (mei Ava Rose en Zenza Raggi) | Carolina Jones and the Broken Covenant | ||
| nominearre | bêste groepsekssêne (mei Eva Angelina, Sunny Lane, Ava Rose, Mickey Butders en Eric Swiss) | Roller Dollz | ||
| nominearre | bêste byrol fan in aktrise | Carolina Jones and the Broken Covenant | ||
| nominearre | bêste aktrise | Roller Dollz | ||
| wûn | bêste nije ynternetstjer | n.f.t. | ||
| NightMoves Award | wûn | bêste artyste (publykspriis) | n.f.t. | |
| XRCO Award | nominearre | bêste inkele optreden – aktrise | Roller Dollz | |
| 2010 | AVN Award | nominearre | bêste lesbyske sekssêne mei in pearke (mei Sasha Grey) | Bree & Sasha |
| nominearre | bêste lesbyske groepsekssêne (mei Sasha Grey, Gianna Lynn en Teagan Presley) | Sun Goddess: Malibu | ||
| nominearre | bêste aktrise | One Last Ride | ||
| wûn | bêste lesbyske triosekssêne (mei Tori Black en Poppy Morgan) | The 8th Day | ||
| 2011 | AVN Award | nominearre | crossover-stjer fan it jier | n.f.t. |
| FAME Award | wûn | sosjale media-sensaasje | n.f.t. | |
| NightMoves Award | wûn | bêste sosjale-mediastjer (redakteurskar) | n.f.t. | |
| 2012 | AVN Award | nominearre | bêste solosekssêne | Not Bionic Woman & The Six Million Dollar Man XXX |
| nominearre | bêste anale sekssêne (mei Lexington Steele) | Lex the Impaler 6 | ||
| nominearre | crossover-stjer fan it jier | n.f.t. | ||
| nominearre | bêste webside fan in pornostjer (foar www.BreeOlson.biz) | n.f.t. | ||
| XRCO Award | wûn | mainstream-pornomediafavorite | n.f.t. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
