Beekbergen
From Wikipedia, the free encyclopedia
Remove ads
Beekbergen (Nedersaksysk: Bekbargen of Beekbargen) is in plak op de Feluwe, besuden Apeldoarn, mei sa'n 5000 ynwenners. Bestjoerlik falt it ûnder de gemeente Apeldoarn yn de provinsje Gelderlân. Yn it simmerseizoen fertrijefâldiget de befolking ûngefear troch it grutte tal besikers fan de kempings en fakânsjeparken dy't yn de bosken om Beekbergen lizze.
| Beekbergen | ||
 | ||
| Beekbergen | ||
| Bestjoer | ||
| Lân |  Nederlân | |
| Provinsje |  Gelderlân | |
| Gemeente |  Apeldoarn | |
| Sifers | ||
| Ynwennertal | 4.935 (2021)[1] | |
| Oerflak | 25,2 km² | |
| Befolkingsticht. | 196 / km² | |
| Oar | ||
| Ferkearsieren | A1 A50 N786 N788 | |
| Postkoade | 7360-7361 | |
| Tiidsône | UTC +1 | |
| Simmertiid | UTC +2 | |
| Koördinaten | 52° 10' NB, 5° 58' EL | |
 | ||
| Kaart | ||
  | ||
| Kaart | ||
 | ||
| Lizzing fan Beekbergen yn de gemeente Apeldoarn | ||
Beekbergen is ûntstien yn de iere midsiuwen en wie oant healwei de 20e iuw in boeredoarpke mei in tsjerke, in pear herbergen en sûnt de 17e iuw ek in pear papiermûnen. Nei de Twadde Wrâldoarloch is Beekbergen bot groeid en hat it toerisme him sterk ûntjûn.
In soad winkels steane yn de buorren. Dêr stiet ek de herfoarme tsjerke. Yn de alfte iuw waard it koar en it skip yn Romaanske styl boud, dy't yn de trettjinde iuw ferfongen waarden troch bouwurken yn Goatyske styl.[2] Yn de tsjerke is it grêf fan ien fan de earste Feluwske papiermakkers, Marten Orges († 9 septimber 1626) te finen. Ien fan syn papiermûnen bestiet noch as nôtmole De Ruitersmole.
Beekbergen leit oan de râne fan de natoergebieten Loenermark, it Beekbergerwâld en it Spelderholt. Yn en om Beekbergen binne in soad soarchynstellings, ûnder mear âlderein/fersoargingstehûs, "De Vier Dorpen", en it âldste ferpleechhûs fan Nederlân (Het Zonnehuis). Nei it plak is it tichtbylizzende ferkearsknooppunt Beekbergen neamd.
Yn it tichtbylizzend doarpke Lieren stiet stasjon Beekbergen, in stopplak foar de toeristyske stoomtrein tusken Apeldoarn en Dieren dy't simmerdeis troch de Veluwsche Stoomtrein Maatschappij (VSM) eksploitearre wurdt.
De winkelljuferiening "Bemivo" (Beekbergse Middenstand Vooruit) organisearet al sûnt 1966 yn it simmerseizoen 'Feluwske merken' dêr't âlde ambachten as spinnen, touslaan, bijehâlden en klompesnijen demonstrearre wurde en pleatslike produkten yn kreammen kocht wurde kinne fan yn dracht klaaide ferkeapers en ek yn Feluwske boeredracht klaaide muzikanten.
Remove ads
Beekbergen leit oan de Europese kuierrûte E11, ek wol Marsekreammerpaad neamd. De E11 rint fan De Haach nei it easten, no oant de grins fan Poalen mei Litouwen. Yn Beekbergen sit de fuotbalklup f.f. Beekbergen
Beekbergen hat neat te krijen mei safarypark de Beekse bergen en leit dêr sa'n hûnder kilometer ôf.
- Wilma Vermaat - wenne in grut diel fan har libben yn it tichtby lizzende doarp Oosterhuizen.
- Johnny van Doorn - (Johnny the Selfkicker) is der berne
- Willem Kolff - hat der as bern wenne
- Rita Corita (Hendrika Ooms-Sturm) - wenne der.
- Jan Jozua Barendsen, fersetsstrider wenne der.
- Marga Kool, skriuwster en dichteres, is der berne
- Alfred Haighton, miljonêr en stiper fan it faksisme - wenne der in pear jier.
- Bea Wiarda, meardere kearen Nederlânsk kampioene diskussmiten, is der berne
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads