Altena (Noard-Brabân)

Altena is in gemeente yn de Nederlânske provinsje Noard-Brabân. De gemeente hat 58.319 ynwenners (1 jannewaris 2024, boarne: CBS).

Altena
flagge	wapen
lokaasje
polityk
lân	Nederlân
provinsje	Noard-Brabân
sifers en geografy
haadplak	Almkerk
grutste plak	Werkendam
ynwennertal	58.319 (1 april 2023)[1]
befolkingstichtens	287 ynw./km²
oerflak	226,64 km²
● wêrfan lân	199,74 km²
● wêrfan wetter	26,90 km²
ferkearsieren	A27 N267 N283 N322 N831
skiednis
oprjochte	2018
oant 2018	Aalburg Werkendam Woudrichem
oar
netnûmer	0183, 0416, 0162
postkoade	4250-4255, 4260-4269, 4270-4273, 4280-4288
tiidsône	UTC +1
simmertiid	UTC +2
webside	gemeentealtena.nl

Skiednis

De gemeente ûnstie op 1 jannewaris 2019 troch it gearfoegjen fan trije Brabânske buorgemeenten yn it Lân fan Heusden en Altena: Aalburg, Werkendam en Woudrichem. Oant de foarming fan de gemeente Lân fan Cuijk op 1 jannewaris 2022 wie Altena mei in oerflak fan 226,64 km² de grutste gemeente fan de provinsje Noard-Brabân. It gemeentehûs stiet yn Almkerk, mar Werkendam hat de measte ynwenners.

By de earste ferkiezingen yn 2018 waard it CDA de grutste partij, folge troch Altena Lokaal en de SGP.

Namme

De gemeentenamme Altena ferwiist nei it Lân fan Altena, de streek dy't noardlik fan de fúzjegemeente leit. It súdeastlike part fan de gemeente leit yn it Lân fan Heusden.

Nei't in kommisje fiif opsjes foar de nije gemeentenamme makke, koene de gemeenterieden fan de te fusearjen gemeenten dêrút elk trije kieze. Dêrnei koe de befolking fan 16 jier ôf stimme oer de keazen nammeopsjes. De namme Altena waard mei goed 70% fan de stimmen de winnende namme.

Plakken

Almkerk Andel Babyloniënbroek Drongelen Dussen Eethen Giessen Genderen Hank Meeuwen

Nieuwendijk Rijswijk Sleeuwijk Uitwijk Veen Waardhuizen Werkendam Wijk en Aalburg Woudrichem

Buorskippen

• Oudendijk
• Uppel

Boarnen, noaten en referinsjes