De Netflix Albuquerque Studios, foarhinne de Albuquerque Studios, binne in studiokompleks yn 'e stêd Albuquerque, yn 'e Amerikaanske steat Nij-Meksiko. It bedriuw waard yn 2007 oprjochte en kaam yn 2018 yn 'e hannen fan streamingtsjinst Netflix.
| Netflix Albuquerque Studios | ||
 | ||
| algemien | ||
| nasjonaliteit |  Amerikaansk | |
| type | privaat | |
| sektor | tillefyzje- en filmyndustry | |
| fêstige yn | Albuquerque (Nij-Meksiko) | |
| oprjochte | 2007 | |
| mem | Netflix | |
| offisjele webside | ||
| netflixinyourneighborhoodnm.com | ||
| kaart | ||
  Lokaasje yn Albuquerque.
| ||
Skiednis
De Albuquerque Studios waarden yn 2007 oprjochte. It bedriuw fêstige him yn in nij, foar $91 miljoen boud kompleks yn 'e wyk Mesa del Sol fan 'e Amerikaanske sted Albuquerque (Nij-Meksiko), op 5650 University Bouevard SE. It studiokompleks krige bekendheid doe't it fan 2008 ôf brûkt waard foar de opnamen fan 'e súksesfolle misdiesearje Breaking Bad. De geografyske koördinaten dêr't Walter White, de haadpersoan út dy searje, yn 'e ôflevering Buried fan seizoen 5 syn jild bedobbet, ferwize eins, by wize fan inside joke, nei de lokaasje fan it studiokompleks.
Yn oktober 2018 waard bekendmakke dat de streamingtsjinst Netflix ûnderhannelings fierde oer de oername Albuquerque Studios. Dy oankeap waard op 15 oktober in feit. Neffens it Amerikaanske tydskrift Variety betelle Netflix foar it kompleks, dat neitiid omneamd waard ta de Netflix Albuquerque Studios, likernôch $30 miljoen. Neitiid waard fan it studiokompleks de haadlokaasje makke foar de opnamen fan 'e eigen film- en tillefyzjeproduksjes fan Netflix, de saneamde Netflix Originals.
Yn novimber 2020 kundige Netflix oan dat it backlot fan 'e Netflix Albuquerque Studios útwreide wurde soene mei 120 ha grûn. Ek soe it gebouwekompleks sels útwreide wurde. De nijbou sette yn maaie 2022 útein en sil nei ferwachting yn 2024 hielendal klear wêze. Tagelyk reservearre Netflix $1 miljard foar produksjes dy't yn it kompleks opnommen wurde soene.
Fasiliteiten
De Netflix Albuquerque Studios bestiene yn 2018 út acht mânske soundstages: fjouwer fan 1.650 m² en fjouwer fan 2.230 m²). In njoggende soundstage, dat tarist is mei in greenscreen, is lytser, mei in oerflak fan 280 m². Fierders omfetsje de Netflix Albuquerque Studios produksjeromten foar postproduksje, kantoaren foar film- en tillefyzjemakkers en in backlot foar opnamen yn 'e iepen loft.
Produksjes
Films
In seleksje fan films dy't alteast foar in diel yn 'e Netflix Albuquerque Studios opnommen binne:
- The Book of Eli (2010)
- The Avengers (2012)
- The Lone Ranger (2013)
- Independence Day: Resurgence (2016)
- Just Getting Started (2017)
- Logan (2017)
- El Camino: A Breaking Bad Movie (2019)
Tillefyzje
In seleksje fan tillefyzjesearjes dy't alteast foar in diel yn 'e Netflix Albuquerque Studios opnommen binne:
- Breaking Bad (2008–2013)
- Better Call Saul (2015–2022)
- Stranger Things (seizoen 4 - 2022)
Keppelings om utens
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
