De Young Artist Awards binne in groep Amerikaanske prizen dy't op jierlikse basis útrikt wurde oan nije talinten op it mêd fan film, tillefyzje, teäter en muzyk. Dizze prizen wurde ek wolris de "Oscars foar bern" neamd. De tawizing en útrikking fan 'e prizen wurdt dien troch de Young Artist Association, in non-profitorganisaasje dy't dêrta yn 1978 oprjochte waard, doe noch ûnder de namme fan Youth in Film Association.
| Young Artist Award | ||
 | ||
| algemiene ynformaasje | ||
| hist. namme | Youth in Film Award | |
| nasjonaliteit |  Amerikaansk | |
| útrikt foar | film, tillefyzje, teäter, muzyk | |
| útrikt troch | Young Artist Association | |
| frekwinsje | 1x jiers | |
| datum | sûnt 2012 begjin maaie | |
| plak | Los Angeles (Kalifornje) | |
| ynsteld | 1978 | |
| 1e útrikking | 1979 | |
| offisjele webside | ||
| www.youngartistawards.org | ||
De Young Artist Awards hieten oarspronklik Youth in Film Awards, en waarden yn 1979 foar it earst útrikt. De útrikkingsseremoanje fynt plak yn súdlik Kalifornje, ornaris yn Los Angeles (mar yn 1983 yn Beverly Hills). Sûnt 2012 wurdt de seremoanje holden yn begjin maaie. Oarspronklik wiene der alve kategoryen wêryn't de Young Artist Awards takend waarden, mar meitiid binne der almar mear bykommen. Boppedat binne de measte kategoryen tsjintwurdich opspjalte tusken jonge artysten ûnder en boppe de tsien jier.
Kandidaten foar de Young Artist Awards moatte tusken de 5 en 21 jier âld wêze, en wurde yn 'e regel oandroegen troch film-, tillefyzje-, teäter- of muzykprodusinten, of troch harren eigen ympressariaat. It kandidearringsproses wurdt oan 'e ein fan jannewaris of it begjin fan febrewaris ôfsletten, wêrnei't de organisaasje út 'e kandidaten in oersichtlik tal artysten nominearret foar de eigentlike prizen. Dêrút wurde de winners útornearre troch in stimming ûnder de leden fan 'e Young Artist Association.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
