Weerdinge (Nedersaksysk: Wering) is in buorskip en earder doarp by de Drintske stêd Emmen. De buorskip wie eartiids in selsstannich doarp, mar is hjoed-de-dei winliken in buorskip ûnder Emmen en wurdt formeel as in wyk fan dat plak sjoen. It doarp hat 595 ynwenners (2017).
| Weerdinge | ||
 | ||
| Mûne De Hondsrug | ||
| Bestjoer | ||
| Lân |  Nederlân | |
| provinsje |  Drinte | |
| gemeente |  Emmen | |
| plak | Emmen | |
| Sifers | ||
| Ynwennertal | 595 (2017)[1] | |
| Oerflak | 127 ha | |
| Oar | ||
| Postkoade | 7814 | |
| Tiidsône | UTC +1 | |
| Simmertiid | UTC +2 | |
| Koördinaten | 52° 49' 5" NB, 6° 55' 1" EL | |
| Offisjele webside | ||
| www.weerdinge.info | ||
| Kaart | ||
  Lizzing yn Drinte
| ||
| Kaart | ||
 | ||
| Lizzing yn Emmen | ||
Geografy
Weerdinge is in iesdoarp noardeastlik fan Emmen en bestiet út in trochgeande dyk, Dorpsstraat mei guon sydstrjitten. Der steane in tal Saksyske pleatsen en bultmûne De Hondsrug út 1910. Om Weerdinge hinne lizze iezen de bosken Emmerdennen en Valtherbosk dy't it doarp fan Emmen skiede. It doarp leit op de ferhege sângrûn fan de Hûnsrich wylst justjes eastlik oanmakke feanlân leit dy't wol 12,5 meter leger leit.
Namme
De namme bestiet út it taheaksel ôflaat fan -ingi kombinearre mei mooglik de persoansnamme Wardo en betsjut sokssawat as "by de lju fan Wardo". De namme komt fan in kopy fan 1327 as Weerdighen en Werdighen, yn 1362 as Waerdingh, yn 1471 as Werdinghen en Werdingen, yn 1473 as Wardinge en yn 1519 as Weerdinge.
Skiednis
Weerdinge ûntstie as in lânboudelsetting. Der waard in ikker op de ies oanlein, Kamperesch. Súdeastlik dêrfan waarden begroeings ferwidere en waarden hea en greidlân oanlein. Der waarden yn dy snuorje benammen fan de skieppehâlderij libbe. Oan 'e ein fan de midsiuwen hie Weerdinge tsien pleatsen. In tsjerke hie Weerdinge lykwols nea. Dêrfoar moasten de ynwenners nei Emmen ta.
Om 1850 hinne krige it doarp in skoalle.
Yn 1904 waarden der twa feanliken fûn by Weerdinge: it Pear fan Weerdinge.
Yn 1905 waard in stasjon yn it doarp boud oan it spoar fan Swol nei Stedskanaal, dy't yn de 1940-er jierren wer sletten waard.
Yn 1978 waard it postkoadesysteem ynfierd en doe joech de gemeente Emmen Weerdinge gjin eigen postkoade krige dus gjin eigen plaknamme yn it postkoadeboek en sadwaande leit Weerdinge "yn Emmen".
It besjen wurdich
Keppeling om utens
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
