From Wikipedia, the free encyclopedia
Tiltsjebuorren is in buorskip dy’t yn de gemeente Noardeast-Fryslân leit. Tiltsjebuorren leit noardlik fan Dokkum en súdeastlik fan Hantum. Tiltsjebuorren leit yn de himrik fan Ealsum.
De bebouwing fan de buorskip leit oan de Hantumerwei en de Droppingwei. De kearn bestiet út 11 adressen oan de Dokkumerwei en 4 adressen oan de Droppingwei.
Troch de buorskip rint De Peazens.
Tiltsjebuorren is ûntstien by in lytse brêge, in tille, oer De Peazens. De bebouwing oan de Hantumerwei waard nei de jierren 1930 wat útwreide [1] en sadwaande ûntstie der in lytse wenkearn. De buorskip krige op 15 juny 2013 in eigen plaknammeboerd en waard doe offisjeel in buorskip.
Yn de Twadde Wrâldoarloch, fan neijier 1944 ôf, wiene der wapendroppings yn it fjild benoarden de Peazens by Tiltsjebuorren. Op 5 maaie 1965 is der in tichtby lizzende pleats nei ferneamd, 'Droppinghiem'.[2] Net fier fan it âlde droppingsplak stiet it oarlochsmonumint 'Droppinghiem'.
Sûnt 2019 leit Tiltjsebuorren yn de gemeente Noardeast-Fryslân, dêrfoar lei it yn de gemeente Dongeradiel en foar 1984 lei de buorskip yn sawol de gritenij as de gemeente East-Dongeradiel.
De Fryske Tulperûte en it Fryske Wâldenpaad rinne troch Tiltsjebuorren.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.