From Wikipedia, the free encyclopedia
Kalaabrje (Italjaansk: Calabria) is in regio yn it suden fan Itaalje, súdlik fan Napels, dy't oprjochte waard yn 1861. De regio foarmet feitlik de súdwestlike punt oan de foarkant fan de Lears fan Itaalje. Yn it noarden wurdt er begrinze troch de regio Basilikata, yn it westen troch de Tyrreenske See en yn it easten troch de Ionyske See. Kalaabrje leit tsjinoer it eilân Sisylje, dêr't it fan skieden is troch de Strjitte fan Messina. It oerflak fan de regio beslacht sa'n 15.080 km² en der wenje om-ende-by 2,05 miljoen minsken.
Kalaabrje | |
---|---|
Flagge | Wapen |
![]() |
![]() |
Lokaasje yn Itaalje | |
![]() | |
Algemien | |
Haadstêd | Katanzaro |
Oerflakte | 15.082 |
Befolking | 2.009.506 |
Befolkingstichtens | 132 |
Oare ynformaasje | |
Heechste punt | Serra Dolcedorme: 2267 |
Oantal gemeenten | 409 |
Provinsjes | Katanzaro, Kosenza, Krotone, Reggio Kalabria, Fibo Falentia |
De regionale haadstêd is Katanzaro. De regio is opdield yn fiif provinsjes, dêr't de haadstêden deselde namme fan hawwe.
Kalaabrje wie eartiids in wichtich sintrum fan de Grykske beskaving, noch foar de opkomst fan it Romeinske Ryk. Dêr libbe ek de ferneamde wiskundige Pytagoras. Yn it Nasjonaal Museum fan Reggio di Kalabria steane de bekende Grykske bylden, de Bronzi di Riace.
De regio makke jierren diel út fan it Romeinske ryk en hearde dêrnei by it Byzantynske ryk. Letter kaam er ûnder de macht fan Noarmannen, dy't it keninkryk Napels stiften dat lange tiid oer Kalaabrje hearskje soe oant en mei de ienwurding fan Itaalje. Ferskate dynastyen hawwe oer it keninkryk hearske. Al dy tiid bleau Kalaabrje in earm en eftersteld gebiet. De Aspromonte, in bercheftige krite yn sintraal Kalaabrje, wie ek it toaniel fan de ferneamde slach fan de Risorgimento (ienwurding fan Itaalje) dêr't Garibaldi ferwûne rekke.
Ek de organisearre misdied wie tsientallen jierren tige sterk oanwêzich, lykwols nimt er tsjintwurdich yn betsjutting ôf.
It seewetter by Kalaabrje is tige helder, en simmers komme der in soad toeristen.
Provinsje | Ofkoarting | Haadstêd | Wichtige plakken | ||
Katanzaro | CZ | Katanzaro | Lamezia Terme | ||
Kosenza | CS | Kosenza | Rossano, Korigliano Kolabro | ||
![]() |
Krotone | KR | Krotone | Isola di Kapo Rizzuto | |
Reggio di Kalabria | RC | Reggio di Kalabria | Palmi, Gioia Tauro | ||
Fibo Falentia | VV | Fibo Falentia | Tropea |
Regio's fan Itaalje | ![]() | |
---|---|---|
Abruzzen - Aostadelling - Apûlje - Basilikata - Feneto - Emylje-Romanje - Friûly-Julysk Feneesje - Kalaabrje - Kampaanje - Latium - Liguerje - Lombardije - Marke - Molise - Piëmont - Sardynje - Sisylje - Trentino-Súd-Tiroal - Toskane - Umbrje | ||
![]() ![]() ![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.