Großwolde (Eastfrysk: Groo'woel)[1] is in doarp yn de gemeente Westoverledingen yn East-Fryslân. It doarp leit oan de B70 en leit tusken Ihrhove en Steenfelde.
Großwolde | ||
Tsjerke fan Großwolde | ||
Polityk | ||
Lân | Dútslân | |
Dielsteat | Nedersaksen | |
Lânkring | Lier | |
Gemeente | Westoverledingen | |
Sifers | ||
Ynwennertal | 1670 (31 desimber 2020) | |
Hichte | 2 m boppe seenivo | |
Oar | ||
Postkoade | 28610 |
It efterheaksel -wolde ferwiist nei in wiete net oanmakke wyldernis. It oarspronklike doarp waard om 1200 hinne ferpleatst nei it easten ta dêr't it op in sânrêch leit. De tsjerke fan Großwolde komt fan de fjirtjinde iuw en hat noch in doopfont fan de tsjerke fan it âldere doarp.
Yn de Earste Wrâldkriich wie der in lytse wurkkamp by it doarp dêr't 65 Russyske kriichsfinzenen yn in strieminne tastân 999 hektare fean oanmeitsje moasten.
Under Großwolde falle de buorskippen Großwolderfeld en Colmhusen.
Nijsgjirrich
Oll Willm ("Alde Willem"), wiere namme: Wilhelm Brechtezende (Großwolderfeld, 1886–1966), wie in dierber en kleurryk persoan yn Großwolde yn de earste helte fan de tweintichste iuw. Hy kaam út in boerehûshâlding en wie de soan fan Hinerk en Tjake Brechtezende. Hy fertsjinne de kost as Böskupploper troch foar oaren boadskippen te dwaan. Doe't de nazys oan de macht kamen, stutsen dy de gek mei him, mishannelen en narren him en skearden him keal. Guon jongelju fan de Hitler-Jongerein stutsen syn hut yn 'e brân. Yn 2011 waard foar him foar it gemeentehûs yn Ihrhove in stânbyld oprjochte.
Keppeling om utens
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.