From Wikipedia, the free encyclopedia
De Gouden Griffel is in Nederlânske literatuerpriis dy't op jierlikse basis útrikt wurdt oan it as bêste beoardiele Nederlânsktalige berneboek fan it foargeande jier. Dizze priis waard yn 1971 ynsteld, en de útrikking derfan wurdt bewurkmastere troch de CPNB, as ûnderdiel fan 'e Nederlânske Berneboekewike. Oan 'e Gouden Griffel is in jildpriis fan wikseljende hichte ferbûn (€1500 in 2014).
Gouden Griffel | ||
algemiene ynformaasje | ||
nasjonaliteit | ![]() | |
útrikt foar | berneboeken | |
útrikt troch | CPNB | |
frekwinsje | 1x jiers | |
ynsteld | 1971 | |
offisjele webside | ||
n.f.t. |
Njonken de Gouden Griffel rikt deselde organisaasje tagelyk ek de Sulveren Griffel út (dêr't ek oersettings nei it Nederlânsk foar yn oanmerking komme) en it Gouden en it Sulveren Pinseel foar de bêst yllustrearre berneboeken. Sûnt 1997 besteane fierders ek de Gouden en de Sulveren Tút (Gouden en Zilveren Zoen), foar de bêste boeken foar tiners. Fan 1954 oant 1970 bestie der ek al in berneboekepriis, mar doe waard der mar ien inkeld berneboek bekroane, dat dan útroppen waard ta it Kinderboek van het Jaar.
Bekende berneboekeskriuwers dy't alris in Gouden Griffel wûn hawwe, binne û.m. Jan Terlouw, Paul Biegel, Jaap ter Haar, Guus Kuijer, Els Pelgrom, Annie M.G. Schmidt, Toon Tellegen en Willem Wilmink. Foar in list mei alle winners fan 'e Gouden Griffel, sjoch op dizze side, op 'e Nederlânske Wikipedy.
Op 6 oktober 2004 waard, by de fiering fan fyftich jier berneboekeprizen, de " Griffel der Griffels" takend, keazen út de boeken dy 't earder in Gouden Griffel wûn hiene of Kinderboek van het jaar west hiene. It winnende boek waard De brief voor de koning fan Tonke Dragt, winner yn 1963. [ 2 ] De Griffel der Griffels waard oan de skriuwster útrikt troch prins Constantijn en syn frou Laurentien. De oare nominearre boeken wiene Kruistocht in spijkerbroek, Het sleutelkruid, De kleine kapitein, Krassen in het tafelblad en Kleine Sofie en Lange Wapper.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.