Sedean al è un comun intal Friûl di Mieç, che al dì di vuê al fâs part de provincie di Udin e al à 3 827 abitants[1].
| Sedean | |
| Non uficiâl par talian | Sedegliano |
| Provincie | Udin |
| Part | Friûl di Mieç |
| Altitudin | 84 m s.n.m |
| Superficie | 50 km² |
| Popolazion | 3 827 ab. |
| Densitât | 76,54 ab/km² |
| Frazions | Coder, Grediscje, Grions di Sedean, Ridincic, Rivis, San Lurinç, Turide |
| Comuns confinants | Codroip, Cosean, Flaiban, Merêt di Tombe, Sant Zorç de Richinvelde, Sant Martin di Voleson (PN), Voleson Darzin (PN) |
| CAP | 33039 |
| Prefìs telefonic | 0432 |
Il toponim al è testemoneât za tal 1174 inte forme Sediliana, tal 1226 inte forme Sedeglano; no cate interpretazions che lu vuelin di origjin slave, al somee che al sedi un prediâl di divignince latine[2].
Il comun di Sedean al è nassût cun decret dal Ream di Italie napoleonic al 1n di Zenâr dal 1811, cu la incorporazion dai comuns autonoms di Sedean, Coder, Grediscje, Grions, San Lurinç, Ridincic, Rivis e Turide[3].
Al referendum dai 11 di Jugn dal 2017 pe union dai comuns di Sedean, Merêt di Tombe e Flaiban, li che al à votât il 46,85% dai eletôrs dal comun di Sedean, i "sì" a son stâts 736 (39,09%), tant che i "no" a son stâts 1.147 (60,91%)[4].
- Tiziano Tessitori (Sedean, ai 13 di Zenâr dal 1895 – Udin, ai 19 di Avrîl dal 1973) - esponent politic de DC, furlanist e storic.
- David Maria Turoldo (nassût Giuseppe Turoldo, Coder, ai 22 di Novembar dal 1916 – Milan, ai 6 di Fevrâr dal 1992) - religjôs, teolic, poete e scritôr.
- Plinio Clabassi (Sedean, ai 22 di Març dal 1920 – San Vît dal Tiliment, ai 22 di Otubar dal 1984) - cjantant liric (bas).
- Agnul di Spere (Angelo M. Pittana, Sedean, ai 22 di Avost dal 1930 – Udin, ai 11 di Zenâr dal 2005) - inzignîr, poete, scritôr, tradutôr e furlanist.
- Raffaele Nogaro (Grediscje, ai 31 di Dicembar dal 1933) - vescul emerit di Caserte, cognossût pal so impegn cuintri de mafie.
- Gilberto Pressacco (Sedean, ai 19 di Setembar dal 1945 – Udin, ai 17 di Setembar dal 1997) - musicolic, diretôr di côr e religjôs.
- Glauco Venier (Sedean, ai 8 di Setembar dal 1965) - pianist e componist.
- Massimo Donati (San Vît dal Tiliment, ai 26 di Març dal 1981) - zuiadôr di balon.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
