From Wikipedia, the free encyclopedia
Birgit Hussel (* 20. Marts 1955) es en Wüfhaur fan Weesterlön'.
Al fan di 90er Jaaren ön maaket jü en Diil fan di Söl'ring Önerrocht bi di Söl'ring Foriining. Jü aarbert uk ön di Lönskepsreer fan di Foriining me en bikömert höör ön "Niilön'" (Nuurđen fan Kaamp) sa us om di Eidem-Fügelkui ön Raantem.
Senerlig sen uk di Waneringen bi Heef, diar jü fuar di Söl'ring Foriining önber. Des skel di Liren weegi, hur'ling ja di Heef me ali Senen bigrip ken.
![]() |
Birgit Hussel es ön Hamborig-Iserbrook āpwukset. Ombi 1988 kām jü naa Söl en help di Seefüglern, diar fan Ööl forklüwet wiar. Töhop me höör Leewentspartner waar masi fuar dit Leewent bi di Weeterkanten dönen en uk masi Skeltern maaket. Des wiar aaftinoch fan Swinjswāle, diar jaa aaft fuar di Söl'ring Strön' önerwai sen.
Höör Bruarwening heer jü bi dit Alfred-Wegener-Institut ön List üs en Laboor-Asistentin fuar di Aarber diar. Jü es diar uk aaft bi Heef önerwai en nem Proowen.
Bal bigenti Birgit Hussel en liir di Söl'ring Spraak bi di Önerrocht fan di Söl'ring Foriining. Jü kām gur me di Uurtern klaar, en sa kür jüü bal uk di üđer Skuulsters help. Üs bluat jit en Skuulmaister fuar jen Kursus önberen uur kür, waar jü böören en bigen en ain Kursus fuar di Bigensters.
Aur lung Jaaren hen jaav et da tau "Klasen", jen fuar Bigensters en jen fuar dānen, diar al en bet wat liirt her. Di "taust Klas" waar tö des Tir fan Maike Ossenbrüggen önerrocht.
2013 heer Birgit Hussel en Komeedii-Stek fuar di Ofslütinj fan di Sölring Önerrocht skrewen, "Daagligs Dai bi C. P. Hansen". Diarfan es en DVD maaket uuren, diar uk Maike Ossenbrüggen bi en Önspraak weeget[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.