Eidem-Fügelkui

Di Bidrach "Eidem-Fügelkui" staant eksklusiif ön di Nuurđfriisk Wikipedia!

Di Eidem-Fügelkui es en Biotoop, wat di Heegiring Söl' önerhualt en bidreft.
Paset uur di Kui fuar't Miist fan Birgit Hussel.
Di Fügelkui liit süđuastern fan di Plaats, hur Eidem wesen es en weestern fan't Raantem-Beken, wat en Weeterbiotoop me Fügelsjutsgibiit es.

Diarbenen uur Forklaaringen fuar Bisjukers önberen.

Di Eidem-Fügelkui es ön di List fan di Teenkstairen^[1] āpskrewen.

Naam

Di Naam kumt fan't Tērp Eidem, wat nuurđweestern fan di Fügelkui wesen es. Eidem es 1436 önergingen. Hat ken gur wiis, dat di Kui üp Lön staant, wat tö des Gimiindi jert heer.

Histoorii

Di Eidem Fügelkui es bit 1932 bidrewen uuren.
Ön di twuntiger Jaaren wiar al ark Jaar mener Enen fangen uuren, aurdat di Maskiinen fan di Mensken tö gurtem fuar di Enen uuren wiar.

Deling es dit en Rastplaats fuar di forskelig Weeterfügler, man bluat, di kum ek:

Weestern giar di Lönstraat hentö Raantem en Hörnem fuarbi, süđern en uastern köör di Mülwainer fuarbi. Bi di Skitweeter-Tauiönlaag es uk di Mülplaats fan Söl. Alis fuul tö gurtem fuar di Fügler.

Di Plaats heer man en interisanti Plantenwarel, en forskelig üđer Diiren kum diar dach jit hen.

Benen di Fügelkui es en Jungensgaart itüüs, hat höm "Wurzelkindergarten (Rötenjungensgaart)" nēmt.
Tau wukseti Lir pasi diar fuar ombi aacht Jungen üp, wat diar fuar't miist büten spöli, sa dat di diarbi di Natuur keen liir ken.

Üđer Fügelkuien en Algimiins diaraur.

[1]
List fan di Teenkstairen ön di Gimiindi Söl

Fügelkui en Jungensgaart

Dat Hüs fan di Eidem-Fügelkui. Lefts sjocht em di Plaats fuar Weeterfügler.
Des Skelt es ön di Baank fan di "Rötenjungensgaart" fast maaket, wat benen di Fügelkui es.
Jungen ön di "Rötenjungensgaart" me di Karming, wat fuar jam üppaset.