Ucrèna

L’Ucrèna^{[N 4]} [y.ˈkre.na]^{[N 5],[5]} (Україна, Ukrajina [ʊ.krɐ.ˈji.nɐ] en ucrènien) est un Ètat d’Eropa levantenche, lo second d’Eropa per sa supèrficie et lo premiér tot eropèen^{[N 6]}. El est bordâye per la mar Nêre et la mar d’Azov u mié-jorn, frontaliére avouéc la Russia u nord-èste et u levant, avouéc la Bièlorussia a bise, avouéc la Pologne a l’ouèste-nord-ouèste, avouéc la Slovaquia et les Hongries u cuchient et pués avouéc la Roumania et la Mordavia u sud-ouèste. La capitâla, et la vela la ples poplâye du payis, est Kyiv.

Cél articllo est ècrit en arpetan supradialèctâl / ORB lârge.

Ucrèna

(uk) Україна / Ukrajina

[y.ˈkre.na], [y.ˈkʀe.na]

Drapél de l’Ucrèna

Armoueria de l’Ucrèna

Devisa	Niona
Himno	en ucrènien : Ще не вмерла України (Chtche ne vmerla Oukrayiny, « L’Ucrèna est p’oncor môrta »)
Féta nacionâla	24 d’oût
· Èvènament comèmorâ	Endèpendence a l’encontro de l’URSS (1991)

Localisacion de l’Ucrèna en Eropa.

•      Règions desot contrôlo du govèrnament.
•      Règions que sè trôvont u dedens de les frontiéres entèrnacionalament recognues de l’Ucrèna^{[N 1]} mas controlâyes per la Russia.

•      Tèrritouèros ocupos per la Russia.

Gentilyiço	Ucrènien, Ucrèniènaen arpetan Українець, Українкаen ucrènien

Noms arpetans

En CFLL	Ukréna(dens l’Arbanês)

Administracion

Fôrma de l’Ètat	Rèpublica parlamentèra[1]
Prèsident	Volodymyr Zelensky
Premiér ministro	Denys Chmyhal
Lengoua oficièla Lengoues de payis	Ucrènien - Russo - Hongrouès - Roumen[2]
Capitâla	Kyiv 50° 27′ 02″ B, 30° 31′ 25″ L

G·eografia

Ples granta vela	Kyiv
Supèrficie totâla	A[N 2] : 603 549 km2 B[N 3] : 576 604 km2
Supèrficie en égoua	7 %
Fus horèro	UTC + 2 : (EET) ; hora de chôd-temps : UTC + 3 : (EEST)

Histouère

Entitât devant	Modèlo:RSS d’Ucrèna
Endèpendence	de l’URSS
Dâta	24 d’oût 1991
Adopcion de la Constitucion	28 de jouin 1996

Dèmografia

Populacion totâla (janviér 2019)	A[N 2] : 44 983 019 hab.[3] B[N 3] : 42 153 201 hab. (rengiê 31émo)
Densitât	75 hab./km2

Èconomia

FDB nominâl (2014)	130,66 milyârds de $ - 27,24 % (60émo)
FDB (PPE) (2014)	373,786 milyârds de $ - 5,47 % (46émo)
FDB nominâl per hab. (2014)	3 055 $ - 27,02 % (128émo)
FDB (PPE) per hab. (2014)	8 668 $ - 5,19 % (106émo)
Monéya	Hryvnia (dês lo 2 de septembro 1996, los côps devant Karbovanets UAK) (UAH​)

Dèvelopament

EDH (2013)	0,734 (hiôt[4] ; 83émo)

De totes sôrtes

Code ISO 3166-1	UKR, UA​
Domêno Malyâjo	.ua
Endicatif tèlèfonico	+380
Organisacions entèrnacionâles	APSCO (obsèrvior)

changiér

Les origines de la cultura ucrènièna remontont a l’Ètat slâvo levantenc mèdièvâl de la Rus’ de Kyiv. Aprés la chêta de cela dèrriére per les envâsions mongoles du XIII^émo siècllo, lo tèrritouèro fât la chousa de particions et sè vêt revendicâ per un mouél de pouessiences ètrangiéres, que la rèpublica de les Doves Nacions u cuchient et l’Empiro otoman u mié-jorn. L’Hètmanat cosaco endèpendent ègziste entre-mié lo XVII^émo siècllo et lo XVIII^émo siècllo, devant que ses parties levantenche et centrâla seyont pas fêtes rentrar dedens l’Empiro russo. L’Ucrèna cuchientenche serat, de son fllanc, fêta rentrar dedens l’empiro d’Ôtriche, son succèssor l’Ôtriche-Hongries, pués la Seconda Rèpublica de Pologne.

Pendent la rebênâda russa, la Rèpublica populèra ucrènièna cognêt tot côrt l’endèpendence avouéc recognessence entèrnacionâla, farat rentrar na partia de la vielye Rèpublica populèra d’Ucrèna cuchientenche, mas chavone per vegnir la Rèpublica socialista soviètica d’Ucrèna de l’Union soviètica, dens los ans 1920 aprés la guèrra civila russa. En 1939, l’Union soviètica chavone sa conquéta de l’Ucrèna cuchientenche conforma a la pache gèrmano-soviètica.

L’Ucrèna vint oncor un côp endèpendenta en 1991, avouéc l’èfondrament de l’URSS et est adonc la trêsiéma pouessience nuclèâra mondiâla en nombro d’ogives^[6]. Lo 5 de dècembro 1994, l’Ucrèna abandone ses ârmes nuclèâres dens lo câdro du Mèmorandon de Budapèst en èchanjo de garanties sus sa sècuritât et son entègritât tèrritoriâla que la Russia, los Ètats-Unis et lo Reyômo-Uni sont garants. Aprés la rebênâda de 2014, la Crimèa est anèxâye per la Russia et na guèrra civila ècllafe dens lo levant du payis avouéc los sèparatistos pro-Russos. Contre la menace russa et lo nan-rèspèct per la Russia de sos engagements de 1994, l’Ucrèna chèrche adonc de novèles garanties de sècuritât en sè raprochient de l’OTAB. La crisa prend na novèla dimension lo 24 de fevriér 2022, quand l’Ucrèna est envayia per les fôrces armâyes russes sus ôrdre de Vladimir Poutine.

La solèta lengoua oficièla est l’ucrènien, mas lo russo est avouéc prod empleyê, notament dens lo mié-jorn et dens lo levant du payis, a côsa de la dominacion du viely empiro russo et d’un mouél de siècllos de russificacion qu’at cognu cela partia du payis.

Geografia fesica

Tèrritouèro

Veles

• Kyiv
• Kharkiv
• Lviv
• Odèssa
• Mykolaïv

Histouère

• Envâsion de l’Ucrèna per la Russia en 2022

Sociètât

Dèmografia

Populacion

Lenguoues

Religions

Èducacion

Mèdias

Politica et administracion

Èconomia

Cultura

Ârts

Endrêts et monuments

Bona chiéra

Sport

Pèrsonalitâts

Vêde avouéc

Articllos liyês

Lims de defôr

Notes et rèferences

Notes

1. Rèsolucion 68/262 por l’anèccion de la Crimèa en 2014, et rèsolucion ES-11/1 por l’envasion de 2022
2. Avouéc la Crimèa.
3. Sen la Crimèa.
4. Dês son endèpendence en 1991, l’Ucrèna at gins de fôrma longe por son nom, cen que la Constitucion de 1996 at confirmâ.
5. Prononçont asse-ben [y.ˈkʀe.na] d’aprés los patouesants.
6. Aprés la partia eropèèna de la Russia (4 320 025 km²). Lo Cazacstan, la Turquia, lo Danemârc (avouéc lo Groenland) et la France (avouéc la Guiyana) sont asse-ben ples èpatâs dens lor ensemblo, mas les parties de celos payis que sè trôvont èxcllusivament en Eropa sont ples petiôtes que l’Ucrèna.

Rèferences

1. (fr) « BHL propose un "plan Marshall" pour sauver l’Ukraine » (viu en 17 de fevriér 2016)
2. La louè sus les lengoues de payis (uk) balye des drêts a les tropes lengouistiques que dèpâssont localament 10 % de la populacion. El est adés en vigor, puésque son anulacion per la Rada lo 23 de fevriér 2014, factor que dècllenche los èvènaments de 2014, est jamés étâ aprovâye per la prèsidence ucrènièna.
3. (en) State Statistics Service of Ukraine : Sèrviço de les statistiques de l’ètat ucrènien. Clicâd d’amont a drêta dessus « ENG » por arrevar u tèxto en angllès, lo lim balye d’abôrd accès a un tèxto en ucrènien.
4. (en) « Cllassement EDH 2013 », PNUD.
5. (fr) Rogiér Virèt, « Dikchonéro Fransé - Savoyâ - Dictionnaire Français - Savoyard » [PDF], 8^éma èdicion reviua et ôgmentâye, mârs 2021, p. 3323.
6. (en) « Estimated Russian (CIS) Nuclear Stockpile », Bulletin of the Atomic Scientists, vol. 50, n^o 5,‎ de septembro 1994 (en legne).