Chambèri
comena francêsa et arpetana du dèpartament de la Savouè-d’Avâl (ch·èf-luè) / From Wikipedia, the free encyclopedia
Chambèri[Nota 1],[3],[4],[5] [θɑ̃.bɛ.ˈri][Nota 2],[4],[5] [CFLL : Shanbêri][5] (Chambéry [ʃɑ̃.be.ʁi][4] en francês) est na comena francêsa et arpetana de la Savouè ducâla, que sè trôve diens le dèpartament de la Savouè-d’Avâl en règ·ion Ôvèrgne-Rôno-Ârpes.
Cél articllo z-est ècrit en arpetan savoyârd / ORB lârge. |
Chambèri | |
[θɑ̃.bɛ.ˈri], [θɑ̃.be.ˈri] | |
Bèla viua de Chambèri dês los Monts. | |
Blâson |
|
Gentilyiço | Chambèrien, Chambèrièna [θɑ̃.be.ˈrjɛ̃, θɑ̃.be.ˈrjɛ̃.na]en grafia lârge |
---|---|
Noms arpetans | |
En CFLL | Shanbêri, Shanbéri,et pués : Shanbari, Shanbairi, Shanbri, Stanbri, Stanbêri, Stinbéryé, Tsanbéri, Tsanbèri |
Noms ètrangiérs | |
Nom latin (racena) | Lemincum Cambarĭăcum |
Nom francês | Chambéry |
Nom occitan | Chamberí |
Nom étalien | Ciamberì[1] ou ben Sciamberì[2] |
Administracion | |
Règion culturâla |
Arpetania |
Règion historica |
Savouè(en Savouè ducâla) |
Payis | France |
Règion | Ôvèrgne-Rôno-Ârpes |
Dèpartament | Savouè-d’Avâl (prèfèctura) |
Arrondissement | Chambèri (ch·èf-luè) |
Entèrcomunalitât | Chambèri mètropola |
Sendeco Mandat |
Michel Dantin (UMP) 2014-2020 |
Code postâl | 73000 |
Code comena | 73065 |
Dèmografia | |
Populacion municipâla |
58 653 hab. (2013) |
Densitât | 2 794 hab./km2 |
Populacion agllomèracion |
216 528 hab. (2011) |
Geografia | |
Coordonâs | 45° 34′ 12″ bise, 5° 54′ 42″ levant |
Hôtior | Min. 245 m Max. 560 m |
Supèrficie | 20,99 km2 |
Èlèccions | |
Dèpartamentâles | Burô centralisior de três cantons |
Localisacion | |
Lims | |
Seto Vouèbe | chambery.fr |
changiér |
Enstalâ diens les Prèârpes de Bise entre-mié los massis de les Bôges et de la Châtrossa, a los regonfllos de l’Èsse et de l’Arbana pués de la Yére, la vela est la prèfèctura d’ora de la Savouè-d’Avâl, et pués la sièta d’una cort d’apèl et d’un arcevèchiê. Avouéc na populacion municipâla de 59 490 habitents en 2014, Chambèri sè renge u 91émo rang nacionâl.
La vela est surnomâ la « Citât de los ducs », reçua per la mêson de Savouè en 1232, vint la capitâla politica de los comtos de Savouè en 1295 pendent l’emplèta du châtél et l’ètablissement oficièl du Consèly rèsident[6], pués du duchiê de Savouè dês 1416 tant qu’a son dèplacement de vers Turin en 1562[7]. Portant Chambèri réste la capitâla historica de los Ètats de Savouè. Grâce a la mêtrisa de los grants cols arpencs et de la rota d’Étalia, que lor at valu le surnom de « Portiérs de les Ârpes », los comtos, pués ducs de Savouè, vegnus rês de Sardègne en 1718, z-ant de sûr ègzèrciê un’enflluence en Eropa, notament en fondent un veré laboratior de l’« absolutismo ècllarâ ». Dês 1792 tant qu’a 1815 et pués dês 1860, la vela est avouéc la France.
Marcâ per un’endustrialisacion tardiva, l’èconomia de la vela at grant-temps reposâ sus la presence de les administracions et de l’armê. Son centro historico at étâ a mêtiêt dèmoli pendent los bombardaments de mê 1944. Dês sa fusion avouéc doves comenes campagnârdes et la crèacion de novéls quartiérs et zones endustrièles diens los ans 1950 et 1960, Chambèri cognêt un fôrt crêt dèmografico. La presence de l’univèrsitât de Savouè Mont Blanc, emplanta en 1979, at étot aportâ a Chambèri un’importanta populacion univèrsitèra.
Los habitents de la vela sont apelâs los Chambèriens [lo θɑ̃.be.ˈrjɛ̃] et les Chambèriènes [le θɑ̃.be.ˈrjɛ̃n][Nota 3].