From Wikipedia, the free encyclopedia
Amians [a.ˈmjã] (Amiens [a.mjɛ̃] en francês, Anmien ou ben Anmiens en pecârd) est na vela francêsa et pecârda, prèfèctura du dèpartament de la Soma en règ·ion D’Amont-de-France. Capitâla historica de la Pecardia, el est, avouéc ses 133 755 habitents u dèrriér recensement en 2016, la seconda vela de la règ·ion aprés Lila et la vengt-sèptiéma de France. Placiêe u dedens du triangllo Paris – Londro – Brussèla, el est u côr du polo mètropolitan du Grant Amianês que rassemble prés de 400 000 habitents[1],[2].
 |
Cél articllo est ècrit en arpetan supradialèctâl / ORB lârge. |  |
Por los articllos homonimos, vêde Amians.
Premiére vela de France en nombro d’enscripcions u patrimouèno de l’UNÈSCÔ[3], Amians est ben cognua por sa catèdrâla Noutra-Dama, bij·ou de l’ârt gotico et yona de les més vâstes catèdrâles du mondo[4].
Surnomâye la « petiôta Vènisa de Bise » a côsa d’un mouél de canâls que la travèrsont et des hortelyonâjos (ensemblo de cortils fllotents que côvront 300 hèctâres), Amians ofre un recho patrimouèno et pués de quartiérs pitorèscos, tèmouens d’un’histouère bimilènèra. Dês 1992, lo lambél Vela d’ârt et d’histouère rècompense la protèccion et la mês’en valor de cél patrimouèno.
L’émâge d’houé de la vela est fortament liyêe a três activitâts que rayonont per delé de ses frontiéres : son statut de capitâla historica de la Pecardia, l’importance de son univèrsitât et la vitalitât de sa via culturâla portâye per des enfrastructures et des manifèstacions d’ètendua nacionâla.
Los habitents de la vela sont apelâs los Amianês [luz a.mja.ˈnɛ] et les Amianêses [lez a.mja.ˈnɛːz].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
