Rithøvundafelag Føroya er felag fyri føroyskar rithøvundar og týðarar. Felagið varð sett á stovn 24. mars 1957. Í 2018 vóru umleið 110 limir.
Endamál felagsins er at virka fyri áhugamálunum hjá føroyskum rithøvundum og verja rættindi teirra. Harumframt virkar felagið fyri, at føroyskar bókmentir fáa góðar umstøður at mennast og trívast.
Rætt til at gerast limur hava øll, ið skriva bøkur á føroyskum máli ella á annan hátt starvast sum rithøvundar. sum skrivað antin fagrar ella yrkisbókmentir.
Nevndin
Dagført í oktober 2019
Nevdarlimir:
- Sissal Kampmann, forkvinna
- Vónbjørt Vang, næstkvinna
- Bergur Rasmussen, kassameistari
- Lív Maria Róadóttir Jæger, nevndarlimur
- Anna Malan Jógvansdóttir, nevndarlimur
Tiltakslimir:
Formenn
- Sissal Kampmann, 2020-
- Vónbjørt Vang 2015-2020[1]
- Ludvík á Brekku 2015[2]
- Sámal Soll 2014-2015
- Helle Thede Johansen 2012-2014
- Malan Poulsen 2011–2012
- Rakel Helmsdal 2009–2011
- Arnbjørn Ó. Dalsgarð 2007–2009
- Heðin M. Klein 2006–2007
- Carl Jóhan Jensen 2004–2006
- Gunnar Hoydal 1998–2004
- Lydia Didriksen 1997–1998
- Heðin M. Klein 1994–1997
- Hanus Kamban 1992–1994
- Carl Jóhan Jensen 1991–1992
- Turið Sigurðardóttir 1989–1991
- Martin Næs 1986–1989
- Gunnar Hoydal 1981–1986
- Marianna Debes Dahl 1980–1981
- Karsten Hoydal 1976–1980
- Jákup í Jákupsstovu 1973–1976
- Jens Pauli Heinesen 1970–1973
- Ólavur Michelsen 1968–1970
- Valdemar Poulsen 1967–1968
- Ongin formaður 1960-1966 (felagið óvirkið)
- Martin Joensen 1957–1959
EBBA virðisløn
Virðislønin ber navnið eftir rithøvundan Ebbu Hentze, sum livdi 25. Sep.1929 – 20. Mai 2015.
Tað er nevndin í Rithøvundafelag Føroya, ið ger av, hvør fær virðislønirnar, sum er ásett at vera 25.000 kr. Nevndin hevur heimild at lata eina virðisløn árliga, men eisini onga at lata.
Ebba Hentze var ein fjølltáttaður og viðurkendur høvundur, sum skrivaði bæði barnabøkur, stuttsøgur og yrkingar. Mest kend var hon tó fyri sítt virki sum týðari. Gjøgnum árini hevur Ebba Hentze umsett eitt ótal av bókum til danskt úr enskum, týskum og svenskum, men mest úr føroyskum. Hennara íðna virki við at umseta føroyskar bøkur hevur havt ómetaligan týdning fyri kunnleika til og útbreiðslu av føroyskum bókmentum í Danmark og hinum norðurlondunum.
Umframt sítt víðfevndi virksemi sum rithøvundur og týðari legði Ebba stóran dent á at veita yngri høvundum ráð og vegleiðing. Tá ið hon skrivaði testamenti, hevði hon eisini rithøvundar og serliga teir yngru rithøvundarnar í huganum. Í testamentinum stendur soleiðis skrivað:
“Eftir mín deyð skal Listasavn Føroya arva málningar og onnur myndlistaverk, sum eftir meg eru. Annað, sum er eftir meg, herundir pengar, bøkur og allar aðrar ognir, skal Rithøvundafelag Føroya arva at nýta til stuðul til ungar rithøvundar, ið hava sýnt serligar gávur. Somuleiðis skal Rithøvundafelag Føroya til sama endamál arva øll rættindi míni sum rithøvundur, herundir framtíðar inntøkur frá danska bókasavnsgrunninum.”
Við hesum í huga setti nevndin fyri Rithøvundafelag Føroya 26. november 2017 á stovn EBBU-virðislønina, við krónum 570.155,54 á konto.
Fyrsta virðislønin verður handað 20. Mai 2018.
Keldur
Slóðir
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
