21. januar - Milliónir mans savnast til kvinnugongur runt heimin í mótmæli móti innsetan Donald Trumps sum forseta dagin fyri. 420 gongur verða skrásettar í USA, og 168 aðrar runt um í heiminum. Hetta gjørdist tí tann størsta mótmælistiltak í amerikanskari og og nýggjari heimstíð.
22. mai - Yvirgangsatsókn á eini Ariana Grande konsert í Manchester, hevur við sær at 22 lata lív og yvir 500 verða særd.
Juni
1. juni - USA tekur seg úr altjóða klimasáttmálanum.
3. juni - Islamst yvirgangsálop á London Bridge hevur við sær at 8 lata lív og 48 verða særd í Bretlandi.
7. juni - Tvær yvirgangsatsóknir verða samstundis í Tehran, ein í tinginum og ein í einum gravhýsi. 17 lata lív og 43 verða særd. Hetta er fyrsta álop ISIL á Iran.
12. juni - Amerikanski Otto Warmbier kemur aftur til USA í koma, eftir at hava verið í Norðukoreanskum fongsli í 17 mánar. Hann letur lív viku seinni.
14. juni - Eldur tekur seg upp í íbúðarbygninginum Grenfell Tower í London, og hevur við sær at 71 lata lív.
21. juni - Yvirgangsatsókn í Irak hevur við sær at stóra moskan al-Nuri í býnum Mosul verður oyðiløgd av Islamskum Stati.
25. juni - WHO metur at Jemen hevur yvir 200.000 tilfelli av kolera í landinum.
Juli
4. juli - Russland og Kina eggja Norðurkorea at gevast við kjarorkuvopnsroyndum
7. juli - ST Sáttmálin um bannan av kjarorkuvopnum verður undirskrivaður av 122 londum í New York.
25. august - Hernaðarlig atsókn ímóti Rohingya muslimum í Myanmar, verður sæð av ST sum etnisk útreinskan.
25. - 30. august - Ódnin Harvey rakar USA. Ódnin er av katagori 4, ger stóran skaða í Houston í Texas, og hevur við sær at 90 lata lív. Ognartjónið er stórt, og gerst Harvey tí dýrasta náttúrvanlukka í amerikanskari søgu.
15. september - Cassini-Huygens endar sína 13 ára starvsleið við at brotlenda á Saturn. Hetta er fyrsta rúmdarfar, ið fer inn í lofthav Saturn.
19. september - Ellivu dagar aftaná annan jarðskjálvta, og á 32 ára ársdegnum fyri stóra jarðskjálvtan í Meksikobýi í 1986, rakar ein 7.1 Mw jarðskálvti Miðmeksiko, og hevur við sær at 350 lata lív, 6.000 verða særd, og túsindir fleiri heimleys.
19. - 20. september - Bert tvær vikur eftir at ódnin Irma rakar Karibiska Havið, rakar ódnin Maria sama stað. Minst 94 lata lív, og stórir skaðar fylgja.
25. september - Irakiska Kurdistan hevur fólkaatkvøðu um sjálvstýri, ið verður mótmælt av Irak.
Oktober
1. oktober - 58 lata lív og 546 verða særd tá Stephen Paddock byrjar at skjóta til eina konsert í Las Vegas. Aldrin hava so mong fallið fyri hond einsamals byrsumans í amerikanskari søgu.
12. november - Ein jarðskjálvti við styrkini 7,3, ið rakar markið ímillum Irak og Iran, hevur við sær at 530 lata lív og 70.000 gerast heimleys.
15. November - Forseti Simbabvi, Robert Mugabe verður tikin í húsavarðhald, tá herurin tekur valdið í landinum. Hann leggur frá sær seks dagar seinni eftir 37 ára setu.
Leonardo Da Vince málningurin Salvator Mundi verður seldur á uppisølu hjá Christie's í New York fyri metprísin 450 milliónir dollarar. Hetta er mesti prísur fyri nakað listaverk nakrantíð.
5. desember - Russland verður bannað at luttaka á olumpisku leikunum í Pyeongchang, Suðurkorea, ímeðan rannsókn viðvíkjandi stats-stuðlandi doping fer fram.
9. desember - Irakiski herurin boðar frá at hann hevur leyslatið øll irakisk økir frá ISIS, og tikið fullt kontroll yvir Irak-Sýria markinum.
14. desember - The Walt Disney Company boðar frá ætlanum um at keypa størstapartin í filmsframleiðaranum 21st Century Fox, harímillum filmstudio teirra, fyri 66 milliardir dollarir.
22. desember - Trygdaráð ST atkvøður, við 15 atkvøðum ímóti ongari, at herða revsitiltøkini ímóti Norðurkorea. Hesu ferð við at skerja petroliumútflutning landsins við 90 prosentum.
22. desember - Gvatemala fetar í fótaspor USA, og boðar frá flyting ísraelska sendiráðs síns til Jerusalem. Honduras og Panama gera tað sama tveir dagar seinni.