Directol de cini

Un directil de cini (en femeninu, directora de cini; sinónimus: realiçaol o realiçaora; ciniasta, realiçaol/a de cini)^[1] es la pressona que dirigi la filmación o rodagi duna pinícula de cini, da instrucionis al equipu ténicu i artísticu, decide la colocación delas cámaras, supervisa el decorau i el vestuariu, i toas aquellas funcionis necesarias pa lleval a buen término la produción^[2]. Previamenti abrá interveniu en numerosas laboris, prencipalmenti la realización del guion ténico (encuadri, planu, movimientus de cámara, objetivu i angulación), comu la seleción o repartu de quienis actuarán i delos demás profesionalis, los escenarius naturalis enos que se rodará la pinícula, los decoraus o la redación final del guion.

Alfred Hitchcock

Federico Fellini

Akira Kurosawa

Steven Spielberg en Sri Lanka duranti el rodagi de Indiana Jones.

Estória

La importancia que se tien dada al diretol ena estória del cini es abondu variá. Por exempru, ena dómina d'oru de Hollywood, la pressona más emportanti ena creación duna pinícula era el produtor cinematográdicu, y el personagi mas relevanti era el actor o l'atriz, siendu considerau ena mayoria delos casus el diretol como un meru técnicu que dirigia cada dia la filmación.

Jue primeru n'Uropa i endispués enus Estaus Uníus ondi el diretol jue tomandu mayol relevancia ata aportal a considerallu nalguna manera comu l'autol dela piníncula.