Remove ads
Uropa es unu los continentis que holman el supicontinenti Urásia, assitiá entri los paralelus 36º i 70º de latitú norti. De holma convencional i ebiu a motivus estóricus es consierá un continenti, inque de maea natural nu lo seya. Se destiendi ena metá oriental el emisfériu Norti, dendi el Océanu Glacial Árticu pol norti hata el mari Mediterráneu pol sul. Pol oesti, llega hata el Océanu Atlánticu, pol esti arraya con Ásia, de la que la aseparan los Montis Uralis[1].
Uropa es el segundu continentí más chiquinu en términus de superficii. Abarca 10 530 751 km² u el 2 % dela superficii del mundiu i alreol de 6,8 % del total delas tierras emergiás. Alberga un gran númeru d’Estaus soberanus (alreol de 50) el númeru essautu dependi dela definición dela huenti d’Uropa, asín cumu dela esclusión u inclusión d’Estaus parcialmenti reconocíus. De tous los paísis uropeus, Rusia (país uroasiáticu) es el mayol en superficii (al mesmu tiempu que es el Estau soberanu reconocíu internacionalmenti más estensu del mundu), mientris que la Ciá del Vaticanu es el más chiquinu (al mesmu tiempu qu'es el Estau soberanu i internacionalmenti reconocíu más chiquinu del mundiu). Uropa es el cuartu continentí más puebrau endispués d’Asia, África i América, col Prantilla:Formatnum % dela puebración mundial (2017).[2]
Uropa, en particulal la Antigua Grecia, es la cuna dela coltura ocidental. La caída del Imperio romano de Ocidente, duranti el períou delas grandis migracionis, marcó el fin dela Edá Antigua i el prencipiu duna era conocía cumu la Edá Meya.
El Renacimientu, colus sus consiguientis umanismu, arti i ciencia, amás dela esploración, llevun al «vieju continentí», i finalmenti al restu del mundu, ala Edá Moelna. A partil d’esti períou, las nacionis uropeas desempeñan un papel preponderanti enos asuntus mundialis, dendi el sigru XVIpalanti especialmenti, endispués del prencipiu dela colonización (ogañu, nacionis que ejercin podel egemónicu mundial cumu Estaus Uníus son el resultau dela colonización uropea). Enos sigrus siglu XVII i siglu XVIII, las nacionis uropeas controlarun la mayol parti d’África, América, i gran parti d’Asia, i posteriormenti tamién Oceanía.
La Revolución Industrial, que prencipió nel Reinu Uníu nel sigru XVIII, diu lugal a un cambiu radical enos ámbitus económicu, tecnológicu, coltural i social en Uropa Ocidental, que impató nel restu del mundu.
La Primera i la Segundera Guerra Mundial condujun a una disminución nel dominiu d’Uropa enos asuntus mundialis, quandu los Estaus Uníus i la Unión Soviética tomarun la preeminencia.
La Guerra Fría entri las dos superpotencias dividió Uropa alo largu del Telón de Acero. La integración uropea diu lugal a la hormación del Conseju d’Uropa i la Unión Uropea en Uropa ocidental, las qualis s’an espandíu acia el esti dendi la disolución dela Unión Soviética en 1991.
Remove ads
El términu Uropa tien diversus usus, i los prencipalis son de caráctel geográficu i pulíticu.
Geográficamenti, Uropa es la península más ocidental d’Urasia; limitá al norti, oesti i sul pol océanu Atlánticu, el mari Bálticu, el mari del Norti, el mari Mediterráneo (encruyendu los sus maris interioris, cumu el Egeo, Adriático i Tirreno, entri otrus), el mari de Mármara, i el mari Negru i al esti polos montis Uralis, el ríu Ural, el mari Caspio i la cordillera del Cáucasu. La UE considera cumu talis a tolus aquellus situáus dentru delos límitis geográficus tradicionalis, incluyendu Chipri, Georgia, Armenia i Azerbaiyán.[3]
Enas obras d’Homeru, Εὐρώπη es solu la reina mitológica de Creta i nu una denominación geográfica, sin embargu, el (assín llamaú) Himnu Homéricu a Apolu (250-251) usa el términu pa referilsi a la parti continental de Grecia, pol oposición al Peloponesu i alas islas. Hesíodo, ena conclusión dela su Teogonía (versu 964) aludi a «los continentis» peru sin precizal los sus nombris, con to se duda que dichu pasaji pertenezca a esti autol. Más tardi, dendi el añu 500 a. C. el su significau se refieri a tola tierra al oesti del mari Egeo. En Heródoto Uropa es el mayol delos continentis, estendiéndusi al norti del Mediterráneo dendi las Columnas de Hércules del estrecho de Gibraltar ata más allá del ríu Indu.
Dendi la época helenística, se consideró a Uropa cumu el territoriu ubicau al norti del Mediterráneo, el Helesponto (Dardanelos), la Propóntide (mari de Mármara) i el Bósforo, siendu el ríu Tanais (Don) la su huenti nororiental. Asín, Varrón[4] considera que el mundiu puei sel dividíu a partil del Bósforo, las tierras situás al norti d’esi ríu corresponderían a Uropa. A pesal de ellu, el términu nu tuvun entoncís denguna connotación política. De hechu dendi el sigru IV esistió una provincia romana llamá Uropa cumu una subdivisión menol dela provincia romana de Tracia,[5] ena cual estuvu incluyía Constantinopla. Uropa, en sentíu literariu u meramenti geográficu, correspondía a una delas tres partis del mundiu, separá d’África por Gibraltar, i d’Asia pol Don. Flavio Josefo, cuya obra influyó enas concepcionis medievalis, agregaba que a siu otorgá por Noé al su hiju Jafet.
Ata finalis del Meyevu se mantuvun estas huentis d’Uropa, peru a medía que s’ampliaba el mundiu conocíu polos uropeus, resultaba insuficienti. Fue el geógrafu suecu Philip Johan von Strahlenberg, quien hacia 1730 propusu fijal el límiti oriental del continentí enos montis Uralis, propuesta acoyía cun agrau pola monarquía rusa.
Ata el sigru XVI el términu Uropa nu era d’usu general i se prefería referilsi a ella cumu «la Cristiandá». Esta espresión, dendi el Renacimientu i la Reforma, prencipió a sel sustituía pol nombri propiu del continentí, con menus conotacionis confesionalis-colturalis i teniendu en cuenta la invasión i ocupación turca de gran parti delos Balcanis.
Ogañu, el términu Uropa puei sel gastau tantu de manera amplia, pa designal a la península más occidental d’Eurasia, cumu dun modu más restringíu; los Estaus miembrus dela Unión Uropea. Tamién se gasta pa aludil a una serii de nacionis que compartin una identidá coltural común ala qual se califica de «uropea». En esti sentíu es cumu lo gasta el Conseju d’Uropa delos cualis 49 paísis miembrus solu 27 pertenecin a la Unión Uropea i la pertenencia de Turquía, país que mayoritariamenti se sitúa geográficamenti en Asia.[6] Pol otru lau, los habitantis d’algunas islas uropeas; especialmenti Irlanda u el Reinu Uníu, peru tamién Escandinavia, se refierin a la Uropa continental cumu «el Continentí».[7]
Remove ads
Tradicionalmenti s'asocia l'origin del topónimu Uropa cun pressonaji dela mitología griega. En efeutu, Uropa (en griego antiguo, Εὐρώπη, Eurṓpē) era hija d’Agénor i de Telefasa, germana de Cadmo, una prencesa fenicia. Quandu estaba divirtiéndusi cunas sus compañeras ena playa, Zeus l'observó i acabó enamorándu-si della. Zeus se transformó nun toru blancu, tan mansu, que Uropa se acercó aél, pussu floris sobri el su pescueçu i finalmenti s'atrevió a montal-llu; entoncís, Zeus se levantó i cruzó el mari, llevándo-la ala isla de Creta, ondi Uropa diu a luz a Minos i a Sarpedón, col cual regresó a Asia. Del nombri desta mujel provendríe el del continenti.
Una delas ipótesis más conocía, considera que surdi dela composición delas palabras griegas εὖρος («anchu») i ὤψ («vista, oju»)[8]. Sin embargu, otra hipótesis más aceptá por lingüistas, proponi qu'Uropa provieni dela raíz –semítica– del acadio "erebu", que significa «ponelsi el sol» (Ocidenti); irib en asiriu, ereb n'arameu, abiéndu-si propuestu la forma *ʔurūbā cumu la denominación original delas «tierras ocidentalis».[9][10] Dendi una perspectiva asiática u mediooriental, el sol se poni efectivamenti n'Uropa, la tierra al oesti. Aun quandu esta seya la etimología más acetá ogañu, algunus envestigaoris cumu M. L. West an sosteniu que «fonológicamenti, la coincidencia entri el nombri d’Uropa i qualsequia delas formas semíticas del vocabu es mu probi».[11]
La mayol parti delas lenguas gastan palabras derivás d’Uropa pa referil-si al continentí. En chinu, por exemplu, s’emplea Ōuzhōu (歐洲), qu'es una abreviatura del nombri transliterau; Ōuluóbā zhōu (歐羅巴洲). Sin embargu, nalgunas lenguas túrquicas se gasta el términu Frangistán ('Tierra delos Francus') de manera coloquial, anqui el nombri «oficial» del continentí sea Avrupa u Evropa.[12]
El primel usu del términu «uropeus» (uropensis) paici abel-si dau ena Crónica mozárabe de 754, pa referilsi al enfrentamientu entri los reinus cristianus i la expansión musulmana.[13]
Remove ads
Prestoria
La neandertal está considerá cumu la única especii humana autótona d’Uropa. En efeutu, sigún las hallauras paleontológicas, se alcuentraba presenti en Uropa quandu aportó el Homo sapiens (identificau polos fósilis del Cromagnon), especii ala que perteneci tola la umanidá atual. Las dos especiis umanas conviviun duranti bastanti tiempu ata que el neandertal s'extinguió, probabilmenti debíu ala competiencia col sapiens, si bien entavía quean abundus interrogantis sobri dichu eventu i acerca dela posibilidá d’hibridación entri dambas dos especis.[15]
Duranti los 2,5 millonis d’añus del Pleistocenu (era geológica), numerosas fasis frías llamás glacialis (Era de Yelu Cuaternaria), u avanzis significantis delas capas de yelu continental, n’Uropa i América del Norti, ocurrierun a intervalus d’alreol de 40.000 a 100.000 añus. Los largus periodus glacialis estavan separaus por periodus más templaus i más cortus llamáus interglacialis que duraban alreol de 10.000–15.000 añus. El últimu episodiu fríu del últimu periodu glacial acabó alreol de 10.000 añus dantis. La Tierra está ogañu nun periodu interglacial del Cuaternariu, llamau el Holocenu (era geológica atual).
El Homo erectus georgicus, que vivía aprosimadamenti aicí 1,8 millonis d’añus en Georgia, es el homininu (miembru dela tribu humana) más antiguu que s’a descubiertu n’Uropa. Otrus restus d’homininus, que datan d’aprosimadamenti 1 millón d’añus, s’an descubiertu en Atapuerca, España. El ombri de Neandertal (nombráu assina pol valli de Neandertal n’Alemania) apareció n’Uropa aicí 150.000 añus dantis (a aicí 115.000 añus ya se alcuentra nel territoriu dela Polónia atual[60]) i desapareció del registru fósil aicí 40.000 añus dantis, siendu el su últimu refugiu la Península Ibérica. Los Neandertalis fuerun reemplazaus por humanus moernus (Cro-Magnons), que paici que aparecierun n’Uropa alreol de 43.000 a 40.000 añus dantis. Sin embargu, tamién dessisti evidencia de que el Homo sapiens llegó a Uropa alreol de 54.000 añus dantis, unus 10.000 añus dantis de lo que se pensaba dantis. Los lugaris más antigus d’Uropa que datan de 48.000 añus dantis son Riparo Mochi (Italia), Geissenklösterle (Alemania) i Isturitz (Francia).
El periodu Neolíticu uropeu —marcau pola coltivación de cosechas i la cría de ganaú, el aumentu del númeru d’asentamientus i el gastu generalizau dela alfarería— prencipió alreol del 7000 dantis dela Era Común en Grecia i los Balcanis, probablimenti influyenciau por prácticas agrícolas anterioris n’Anatolia i el Cercanu Orienti. S’estendió dendi los Balcanis a lo largu delos vallis del Danubiu i el Rin (coltura dela Alfarería Lineal), i a lo largu dela costa mediterránea (coltura Cardial). Entri el 4500 i el 3000 dantis dela Era Común, estas culturas neolíticas dela Uropa central se desarrollarun más pal oesti i el norti, transmitiendu nuevas habilidais adquirías ena producción d’artefactus de cobri. En Uropa Occidental el periodu Neolíticu se caracterizó no por grandis asentamientus agrícolas, sinu por monumentus de campu, cumu recintus de calzá, túmulus funerarius i tumbas megalíticas. El horizonti cultural dela Cerámica Cordá floreció ena transición del Neolíticu al Calcolíticu. Duranti esti periodu se construyerun monumentus megalíticus gigantis, cumu los Templus Megalíticus de Malta i Stonehenge, por toa Uropa Occidental i del Sul.[
Las puebracionis nativas moernas d’Uropa desciendin en gran parti de tres linajis distintus: cazadoris-recoletoris mesolíticus, descendientis de puebracionis asociás cola coltura Epigravetiansi paleolítica; agricultoris uropeus tempranus neolíticus que migrarun dendi Anatolia duranti la Revolución Neolítica aicí 9.000 añus dantis; i ganaerus dela estepa Yamnaya que s’expandierun n’Uropa dendi la estepa póntica-cáspica d’Ucrania i el sul de Rusia en el contestu delas migracionis indoeuropeas aicí 5.000 añus dantis. La Edá de Bronci uropea prencipió aicí el 3200 dantis dela Era Común en Grecia cola civilización minoica en Creta, la primera civilización avanzá n’Uropa. Los minoicus fuerun seguíus polos micénicus, que colapsarun repentinamenti alreol del 1200 dantis dela Era Común, dando prencipiu a la Edá de Hierru uropea. La colonización dela Edá de Hierru polos griegus i fenicius diu lugal a ciais mediterráneas tempranas. El prencipiu dela Italia i Grecia dela Edá de Hierru dendi alreol del sigru VIII dantis dela Era Común diu lugal gradualmenti a la Antigüedad Clásica estórica, cuyo prencipiu a vezis se data en el 776 dantis dela Era Común, el añu delos primerus Juegus Olímpicus.
Antigüedá crássica
La Antigüedá estuvu marcá pol influju dela civilización grecolatina, i del Imperiu Romanu sobri el restu d’Uropa. La caía del Imperio romanu de Ocidenti i la llegá de nuevus grupus étnicus cun nuevus reinus, llevó ala fragmentación política d’Uropa. Duranti essi períou debíu ala mayol produtividá dela agricultura mediterránea i la mayol eficiencia del transporti marítimu sobri el terrestri, la çona mediterránea soportaba mayoris densidais de puebración i tenía las prencipalis ciais. Por esa razón, los fatoris demográficus i geográficus condicionun nessa época el mayol desarrollu económicu relativu del sul d’Uropa, frenti al norti d’Uropa más fríu i, en general, cun peoris recursus agrícolas.
Edá Meya
El prencipiu dela Edá Meya se sitúa tradicionalmenti nel añu 476 cola caída del Imperiu romanu d'Ocidenti. Esti acontecimientu fue seguíu por sucesivus intentus d’unificación i conquista, que sumierun al continentí n'abundus confliutus i guerras duranti la Edá Meya, cumu la guerra delos Cien Añus que duró más dun sigru.
Edá Moerna
L'Edá Moerna marca, pa Uropa, el prencepiu de processus que muchu endispués darán lugal a la globalización, i es el tiempu nel que los confliutus bélicus se hizun ca vezi más desastrosus, cumu la llamá guerra delos Trenta Añus. Duranti esti períodu, las armas de fuegu uropeas, debíu alos constantis confliutus entri potencias uropeas, mejorun notablementi. Si bien Uropa tenía una puebración mu inferiol a China o India, i tamién una produtividad menol (hacia 1500, Orienti Meyu, China i India concentraban el 60 % dela produción mundial), los recursus provenientis d’América i la su tenología militá sedríen un factor emportanti a partil dela segunda metá del sigru XIX, quandu diversas potencias uropeas tuvun choquis armaus cun China i India.
Un factor que influiría decisivamenti ena espansión dela coltura uropea (religión, lengua, etc.) fue la llamá espansión uropea que tuvun una primera ola nel sigru XVI n'América i en dos olas posterioris hizun con que gran parti d’Asia, África i Oceanía tamién estuvieran controlás políticamenti por paísis uropeus.
Edá Contemporánea
Los processus económicus i el desenvolvimientu científicu i tecnológicu s’acelerarun en desmedru d’otrus continentis de manera muchu más notoria duranti la Edá Contemporánea, produciendu tensionis por competiencias que desencadenun más guerras (cumu las Guerras Napoleónicas i las Guerras Mundialis). Ogañu los procesus tendentis ala unificación se procuran pacíficamenti, tal es el casu dela Unión Uropea, el cual origin se remonta ala Declaración Schuman de 1950.
Uropa es el continentí que a teníu más influenci política, militá i económica ena estoria del mundu enos dos últimus sigrus. Sin embargu, antis del sigru XIX, China i India eran demográfica i económicamenti más importantis que Uropa: hacia 1500, Orienti Meyu, India i China concentraban cerca del 60 % dela producción mundial; i pocu antis de 1800, el 80 %.[16][17]
Remove ads
Geografía física
Uropa, el segundu continentí más chiquinu del mundu tras Oceanía, tien una estensión de 10 530 751 km², representandu el 7 % delas tierras emergias.
Palrandu estrictamenti en términus de ciencia geográfica moerna, Uropa, cumu Oceanía, dejan d’estal categorizás cumu continentis i son considerás macro-unidais geográficas (MUG); ya que en efectu, nel casu d’Uropa esta macrounidá geográfica es una prolongación ocidental del continentí euroasiáticu. Caracteriza a Uropa, tantu eno geográficu (cun mucha incidencia ena climáticu cumu ena su geografía umana), la elevada cantidá meya de costas marítimas i oceánicas debía ala presencia d’abondus penínsulas, golfus, maris interioris i islas. Estu i el influju dela corrienti del Golfu i la prossimidá delos desiertus cálidus d’África i Asia determinan qu'en Uropa preponeri, pessi alas latitudis, un climi templau escepcionalmenti benignu pa la abitabilidá umana. Porotra parti la abundancia de costas i idrovías a permitíu i permiti el tránsitu de puebracionis i endispués el su establecimientu dendi finis del pleistocenu (quandu los Homo sapiens sustituyun alos Homo neandertalensis).
Tamién es Uropa, si se la considera de mo tradicional cumun continentí, el continentí más chanu, cuna artura meya de 230 metrus. La mássima espresión destas planiciis es La Gran Chanura del Norti, que s’estiendi 2000 km dendi las costas atlánticas francesas ata los montis Uralis, la hunti física más oriental cun Asia. Los puntus más artus son el monti Elbrus (Rusia) n'Uropa oriental (5642 m), el Shkhara (Georgia) (5204 m) i el Mont Blanc (Francia-Italia) en Uropa ocidental (4807 m).
.JPG)
Al sul, Uropa está assepará del continentí africanu pol mari Mediterráneo, rayavque se reduci a unus pocos quilómetrus enel estrechu de Gibraltar, al sulesti los límitis cun Asia tamién están daus pol Mediterráneo i los sus maris subsidiarius, el mari de Mármara i el mari Negru. Si bien se observa, el mari Mediterráneo i la su cuenca más que un límiti (sigún los momentus estóricus) es un nexu d’unión clos otrus «continentis» (las macrounidais geográficas d’Asia i África), resultandu los verdaderus límitis colturalis i étnicus las extensas regionis desérticas que s’ubican al otru lau del Mediterráneu. Considerandu a Islandia cumu parti d’Uropa i a Groenlandia cumu parti d’América, se puei observal que las distancias entri Uropa i el continentí americanu son tamién bastanti exiguas.
Uropa es el únicu continentí sin desiertus áridus tropicalis. Los bosquis, que cubrían práticamenti toa Uropa, an cedíu bastante terrenu produtu dela atividá umana. Ena actualidá, los paísis con mayol cantidá d’ectáres de bosquis son Rusia, Francia, Ucrania, España i Suecia (que son tamién, amás dela uroasiática Turquía, los más estensus territorialmenti). Los prencipalis ríus que pola su navegabilidá tienin mayol trascendencia económica son el Volga, el Danubiu, el Rin i el Loira, entri otrus, siendu amás algunus delos más estensus d’Uropa.
Entri los golfus d’Uropa destacan el golfu de Vizcaya (Francia i España), el de Cádiz (España i Portugal), el de Dardanelos i el del Bósforo (Turquía), el de Mesina (Italia) i el de Oresund (Dinamarca i Suecia), entri otrus.
Las sus prencipalis penínsulas son la Escandinava (Suecia, Noruega), ibérica (España, Portugal, Andorra i Gibraltar), itálica (Italia, San Marinu i Ciá del Vaticanu), balcánica (Grecia, Albania, Bulgaria, Macedonia del Norti, Serbia, Croacia, Montenegru, Bosnia-Herzegovina, Eslovenia i Rumania); amás delas penínsulas de Kola (Rusia), Jutlandia (Dinamarca), Bretaña (Francia) i Crimea (disputau entri Rusia i Ucrania).
Las sus prencipalis islas son Gran Bretaña (Inglaterra, Escocia i Gales), Islandia i Irlanda (República d'Irlanda i Irlanda del Norti), ubicás nel norti d’Uropa. Tamién Sicilia i Cerdeña (Italia), Córcega (Francia) i Creta (Grecia), nel sul d’Uropa (Mari Mediterráneo), entri otras.
Geografía política
Uropa está dividía políticamenti en cincuenta Estaus soberanus, cincu Estaus cun limitau reconocimientu i seis territorius dependientis. En el continentí se hallan algunus delos Estaus nación más antigus del mundu.
Organizacionis internacionalis i regionalis
Tolos los Estaus uropeus soberanus son biembrus de plenu derechu delas Nacionis Unías (ONU), i se alcuentran entri las sus filas dozi paísis uropeus cumu fundantis. A nivel económicu, los Estaus uropeus forman parti del Fondu Monetariu Enternacional (salvu Andorra, el Vaticanu, Mónacu i Liechtenstein), inque algunus nu cumplin col artículu VIII cumu son Bosnia i Herzegovina i Albania. Nel casu dela Organización Mundial del Comerciu s'integran tos salvu el Prencepau de Mónacu i San Marino, amás de paísis cumu Andorra, Azerbaiyán, Bielorrusia, Bosnia i Herzegovina, la Ciá del Vaticano i Serbia que tienin el estatus d'observantis. El potencial económicu d’Uropa haizi que quatru paísis uropeus (Alemaña, Francia, Italia i Reinu Uniu) estén entri las prencepalis economías del mundu. Estas potencias suelin unil-si enos llamaus G7, G12 i G20. Recientementi, s'unió la Unión Uropea cumu miembru permanenti.
En materia de justicia i seguridá, tolos los paísis uropeus están integraus ena Interpol. Nel casu dela Corti Penal Enternacional, quatru paísis nu an firmau ni ratificau el Estatutu de Roma (Rusia, Azerbaiyán, Turquía i Vaticanu). Mientris que son tres los firmantis que entavía nu lo an ratificau (Ucrania, Armeña i Mónacu). Rusia, pola su parti, firmó el Estatutu, peru en 2016 retiró la su firma.[18] Nel restu de paísis s'acepta la jurisdición dela Corte Penal Internacional pa juzgal casus de críminis contra la umanidá.
En casu del Movimientu de Paísis No Alineaus (1961) so dos nacionis uropeas (Bielorrusia i Azerbaiyán) forman parti desta organización en favol dela neutralidá.
Dessistin otras organizacionis de tipu transcontinental cumu la OCDE en 1961 (paísis americanus, uropeus i asiáticus) ala que se aderierun ventiquatru paísis uropeus. Cumu organizacionis transcontinentales entri Uropa i América alcuentramus l'Organización pala Seguridá i la Coperación n'Uropa (1975) pa fomental la democracia, los derechus umanus, el control d'armas i la seguridá. Tamién la organización militár OTAN (1949), ala que pertencin veintiséis Estaus uropeus (dos potencias nuclearis cumu el Reinu Uníu i Francia). D’igual modu l'OTAN mantien dendi 1994 un programa pa estrechal laçus cun Estaus dela antigua Unión Soviética i otrus paísis uropeus, la Asociación para la Paz.
Rusia mantien una alianza militar contrapuesta ala Organización del Tratau del Atlánticu Norti, i es la Organización del Tratau dela Seguridá Coletiva dela que forman parti seis nacionis (Rusia, Armeña i Bielorrusia por parti uropea más Kazajistán, Tayikistán i Kirguistán).
A nivel de investigación destaca l'Agencia Espacial Uropea (1975), ala que pertenecin ventidós Estaus uropeus, que fomenta la esploración espacial i el programa de satélitis uropeus.
La mayol parti delos paísis uropeus dau el su pesu políticu i financieru están presentis en abondas organizacionis mundialis i regionalis (fuera d’Uropa) en caliá de biembrus permanentis o biembrus observantis cassu del Bancu Asiáticu de Desenvolvimientu (1966), con quarenta i ochu paísis regionalis i diecinuevi nu regionalis, o el Bancu Asiáticu d'Inversión n'Infraestrutura, a iniciativa dela Repúbrica Populal de China en 2014, qu'engloba a trenta i un Estaus asiáticus i algunus uropeus cumu España, Alemaña o Francia.
L'organización regional más antigua d’Uropa es el Conseju d'Uropa (1949), que es una organización enternacional de ámbitu regional destiná a promovel, medianti la coperación delos Estaus d’Uropa, la configuración dun espaciu políticu i jurídicu común nel continentí, sustentau sobri los valoris dela democracia, los derechus umanus i el imperiu dela lei. Constituiu pol Tratau de Londres el 5 de mayu de 1949, l'única qu'integra nel su senu a tolos los Estaus uropeus, cola salvedá de Bielorrusia, Kazajistán i la Ciá del Vaticanu, excluyíus por sel los sus regímis políticus incompatiblis colos prencipius que sostriban la pertencia al Conseju.
El Conseju d’Uropa a perdíu pesu ena actualidá, ya que la pulítica uropea vien marcá pola existencia dun enti al qual pertenecin ventisieti paísis d’Uropa. Se trata dela Unión Uropea (creá en 1958 cumu Comunidad Económica Uropea). L'Unión Uropea fomenta la integración delos sus miembrus medianti una serii de mecanismus cumu la cesión de competencias ala Unión Uropea, supeditación delos Estaus a leis uropeas, Justicia uropea u política esteriol única i consensuá. Amás, los Estaus biembrus dela Unión participan a través delas institucionis comunitarias cumu el Consejo de la Unión Uropea, la Comisión Uropea o el Parlamentu Uropeu entri otras. L'Unión trabaja en varius organismus regionalis tantu pa los Estaus biembrus cumu pa los paísis nu pertencientis ala Unión Uropea:
- Mercau Únicu Uropeu:
Es unu delos instrumentus d’integración económica dela Unión, consistenti nel establecimientu dun mercau común entri los Estaus biembrus. Nesti mercau únicu circulan libramienti los bienis, servicius i capitalis i las pressonas i, nel su interirol, los ciudadanus dela Unión puein vivil, trabajal, estudial o hazel negocius con libertá.
- Espaciu Económicu Uropeo (1994): Acuerdu entri los biembrus dela Unión Uropea (UE) i dela Asociación Uropea de Libri Comerciu (AELC), escetu Suiça. La su creación permitiu alos paísis dela AELC participal nel mercau interiol dela Unión Uropea sin tenel que adheril-si ala UE.
- Unión Aduanera dela Unión Uropea: es una unión aduanera entri tolos los Estaus biembrus dela Unión Uropea i quatru Estaus nu biembrus (Andorra, San Marino, Mónaco i Turquía) más las dependencias británicas n'Uropa (salvu Gibraltar). A diferencia dela çona de libri comerciu, los biembrus dela unión aduanera imponen una tarifa común alas mercancías esteriolis qu'entran ala unión.
- Acordanza de Schengen (1995): Que suprimi los controlis fronteiriçus interioris en favol dela libri circulación.
- Urozona (1999): Creá polos paísis dela Unión, ogañu 19, que acetun l'euro cumu moneda i toman las decisionis a través del Bancu Central Uropeo. Amás otrus quatru paísis fuera dela Unión gastan el euro medianti un acuerdu prevíu (Andorra, San Marinu, Mónacu i Vaticanu) i dos lo hazin sin acuerdu prevíu, Kosovu i Montenegru).
- Sistema Uropeo de Bancus Centralis: L'objetivu primordial que s'asigna al SEBC es el de mantenel l'estabilidá de precius, sin perjuici del qual «apoyará las políticas económicas generalis dela Comuniá».
Fueraparti de sel un atul prencepal dentru del continentí uropeu, l'Unión Uropea, mantien relacionis con otrus organismus continentalis: mantien reunionis con paísis d’Asia (ASEM), cuna CELAC medianti las Cumbri CELAC-UE i con Estaus d'África, del Caribe i del Pacíficu (ACP) pa, a través de varius acuerdus (el más recienti Acuerdu de Cotonú del añu 2000) luchal contra la pobreza juntu con la Unión Uropea que trabaja por meyu del Fondu Uropeu de Desembolvimientu. L'Unión Uropea trabaja a través dela firma de acuerdus económicus.
La prencepal alternativa uropea en bloqui económicu ala Unión Uropea fue la Asociación Uropea de Libri Comercio (EFTA n'ingrés) fundá en 1960 cumu contrapesu ala CEE. Nostanti col pasu del tiempu muchus delos sus biembrus abandonun la organización pa ingresal ena CEE (Reinu Uniu i Dinamarca en 1972, Portugal en 1986, Finlandia, Austria i Suecia en 1991) dejandu el bloqui cun quatru biembrus (Suiça, Liechtenstein, Noruega i Islandia). A nivel políticu alcuentramus el Estau dela Unión (1997) una unión entri Rusia i Bielorrusia.
DEssistin otrus organismus de caráter regional cumu el NB8 (8 Nórdicu-Bálticu), organismu de cooperación entri Estaus nórdicus i bálticus. Estas dos árias tienin amás las sus propias organizacionis cumu el Conseju Nórdicu (1952) i la Asamblea Báltica (1990). Una delas más antiguas es la unión política-económica de Bélgica, Paísis Baxus i Luxemburgo, conocía cumu Benelux, que fue fundá en 1948.
Las islas británicas (compuestas por Irlanda i el Reinu Uníu) estaban integrás ena Unión Uropea. En 2020, se produxu la salia del Reinu Uniu dela Unión Uropea mientris que Irlanda permaneci ena Unión. Dambos dos paísis están por fuera del espaciu Schengen. Porotra parti, entri ambos mantienin dendi 1923 una área de libri circulación que permiti alos ciudadanus d'ambus paísis movel-si enas islas sin control de pasaportis.
Ena çona oriental d’Uropa dessistin tamién otras organizacionis regionalis cumu el Grupo de Visegrado (1991) pa fomental la cooperación entri Ungría, Poloña, la Repúbrica Checa i Eslovaquia. O la Coperación Económica del Mari Negru (1992) con paísis biembrus ribereñus del mari Negru más Albaña, Serbia, Moldavia, Azerbaiyán i Grecia. Destaca tamién el Acuerdu centruropeu de libri chambu (CEFTA) fundau en 1992 palos paísis orientalis d’Uropa similal ala EFTA i ala CEE. Nel su mássimu esplendol estuvu compuestu por catorci Estaus inque ohañu lo conforman seis (quatru dela Antigua Yugoslavia más Moldavia i Albaña), otrus Estaus l'abandonun pa ingresal ena Unión Uropea:
- Poloña, Ungría, Repúbrica Checa, Eslovaquia i Eslovenia (2004)
- Rumania i Bulgaria (2007)
- Croacia (2013)
En 2013, fue un grupu informau llamau EuroMed el qual ámbitu es de creal una alianza del sul pa represental la singularidá delos sus biembrus. Los biembrus son: Chipre, Croacia, Eslovenia, España, Francia, Grecia, Italia, Malta i Portugal.
Rusia tieni una fuerti influenci en paísis uropeus dela antigua órbita soviética, dellu se desprendi la creación dela Comunidad de Estau Independientis (1992), que inclui a Azerbaiyán, Bielorrusia, Moldavia i Armeña. Finalmenti, pa contrarrestal esta influencia rusa, se creó en 1997 GUAM entri quatru paísis relacionaus cuna Comunidá de Estaus Independientis: Georgia (antigu biembru), Ucrania (Estau observadol), Azerbaiyán, i Moldavia.
Remove ads
Nel sigru XIX, se realiza la primera integración moerna dela economía de varius Estaus uropeus a través dela Unión Aduanera de Alemaña. Duranti essa época se consolida el poderíu económicu uropeu i Uropa a finalis del sigru XIX llegó a sel la macrorregión con mayol renta per cápita del mundu, siendu ogañu un continentí ondi se colocan la mayol parti de paísis de renta alta.
Inqui siendu la renta meya uropea alta, dessisti una gran disparidá ena riqueza económica delos distintus paísis uropeus, asín, mientris qu'enas cincu prencipalis economías el PIB per cápita supera los 50 000 USD por pressona, Moldavia ábati sobrepasa los 2000 USD. El FMI estima que el PIB (PPA) uropeu pa 2022, fue de $32,25 billonis de dólaris, un 21,2 % del PIB mundial.
Estória económica
Si bien dessistierun n'Uropa dendi la Antigüedá grandis imperius qu'eran potencias militaris i las sus sociedais tenían un grau d’especialización i complejidá económica superioris a otras partis del planeta, ni duranti la Edá Meya ni duranti la Edá Moerna l'economía uropea fue superior ala de otras regionis d’Asia. Duranti la Edá Moerna, Asia entavía siguió siendu el continentí económicamenti más produtivu. Acia 1500, Oriente Meyu, India i China concentraban cerca del 60 % dela produción mundial, i pocu dantis de 1800 el 80 %. Duranti el sigru XVIII, los textilís d’India se esportaban estensivamenti a Francia i Inglaterra. I gran cantidá de produtus industrialis chinus estaban presentis, tantu ena América colonial dendi el sigru XVII, cumu n'Uropa. S’estima que un 75 % dela plata extraía polos españolis en América acabó en China a cambiu dela compra de produtus manufaturaus en China.[16][17] La revolución industrial uropea alteró esti equilibriu, i medianti conquista militá gran parti d’Asia i África pasarun a estal controlás por potencias uropeas, duranti la segunda i tercera oleás dela Espansión uropea.
Duranti el sigru XX, Uropa i algunas delas sus escolonias n'América pasun a sel las regionis más produtivas i con mayol renta per cápita en el mundu. Inqui enos añus 1920, Estaus Uníus superaría ya alos paísis uropeus más desenvolvius en renta per cápita. Aún assín, Uropa a seguíu siendu unu delos prencepalis polus económicus del mundu ata el sigru XXI, con nivelis de renta so igualaus por Estaus Uníus, Canadá, Australia, Nueva Zelanda, Japón i Corea del Sul. Sin embargu, la nueva realidá dela economía mundial se a consolidau nel transcursu delas tres últimas décadas, marcá prencipalmenti pola desintegración dela Unión Soviética i el vertiginosu crecimientu dela Repúbrica Populal China i otras regionis d’Asia.
Unu delos factoris más notorius dela dinámica económica uropea dendi 1970 fue la materialización dela unidá económica de güena parti d’Uropa. Assín, la dinámica económica del continentí a estau supeditá al funcionamientu dela Unión Uropea. Ogañu, venti Estaus uropeus compartin una mesma moneda, el euro (€). Otra delas particularidais dela economía uropea es el hechu de que varius estaus de poca estensión territorial, sin mayoris recursus naturalis i sin poseel costas, cuentan con economías prósperas i con un elevau niveli de via. Tal es el casu d’Andorra, Luxemburgo, Suiza o Liechtenstein, asín cumu Mónaco, inque esti úrtimu posee costas nel Mediterráneu.
La dinámica dela economía uropea s'a vistu afetá enos últimus cinquenta añus por dos chambus emportantis ena economía mundial. El primeru dellus a siu la globalización. Por ella, gran parti dela atividá industrial a pasau a Estremo Oriente, i por esso Uropa a basau un porcentaji ca vezi más mayol dela su economía en setoris d'alta tecnología i servicius financierus. Estu a provocau en gran parti la financiarización dela economía produtiva, que por una serii de malus diseñus i mala regulación desencadenó la Gran Recesión de 2008 que fue especialmenti aguzá en muchas regionis d’Uropa i tuvo efetus políticus i el crecimientu del rechazu ala profundización dela unión política ena Unión Uropea. Assín en 2016, s'aprobó la salia del Reinu Uniu dela Unión Uropea, hechu que diu credibilidá al euroescepticismo notrus paísis uropeus.
Remove ads
La puebración uropea actual es, ena su imensa mayoria, fenotípicamenti caucásica, i está dividía en tres grandis grupus:
- Los germánicus, que suelin tenel una pigmentación de piel blanca clara i rosá, cabellu rubiu, rojizu o castañu claru i los ojus azulis, verdis i miel-avellana. Abitan prencepalmenti n'Escandinavia, Alemaña, islas británicas, Austria, Suiça, Paisis Baxus, nortis de Francia i Italia, etc.
- Los grecolatinus, que ena su mayoria tienin la piel blanca cun ligeru rubol (mejillas semirrojas) nel rostrol, cabellu oscuru, que puei dil dendi el negru ata el castañu claru. Se dan los ojus marronis, verdis, grisus u azulis. Abitan España, Italia, Francia, Portugal, Rumania i Grecia.
- Los eslavus, que ocupan mayoritariamenti el esti d’Uropa (Rusia, Bielorrusia, Ucraña, Estoña, Letoña, Lituania, Poloña, Chequia, Eslovaquia i algunus paísis delos Balcanis). Inque enas regionis intermeyas entri estus tres grupus, s’alcuentran muchas puebracionis que apresentan caraterísticas de tos.
Tamién vivin otrus grupus de puebración que nu pertencin a estus tres mayoritarius cumu los judíus, los albanesis, los gitanus, los turcus, los laponis, etc.
Fuerun varius los grupus étnicus que, a lo largu delos sigrus, invadierun el continentí uropeu, entri ellus destacamus alos íberos, celtas, germanus, vikingus (germánicus), latinus u romanus (itálicus), etruscus (itálicus), helénicus, eslavus, etc. Consideraus endispués autótunus de dichu continentí, alos qualis se suma la migración dendi el continentí asiáticu: fenicius, árabis, judíus i gitanus entri otrus.
Ogañu dessistin otrus tipus d’inmigrantis, entri ellus los asiáticus del lejano orienti i los provenientis d’África, Centroamérica i Sudamérica.
Características dela puebración
Con respetu ala situación demográfica, destaca el hechu de cómo nel continentí uropeu la mayol parti delos sus abitantis correspondi a una puebración adulta entri los 30 i 50 añus de edá, cun avejantamientu progressivu i una marcá disminución dela puebración juvenil. Esta situación ya resulta preocupanti en varius paísis uropeus, cumu Alemaña, Austria, Francia, Suiça, Bélgica, Paisis Baxus, España, los paísis escandinavus, Dinamarca, Grecia i el Reinu Uniu, enos que se produci una pirámidi puebracional invertía cuna escasa puebración juvenil i sobri tó infantil. Esti fenómenu tamién se da n'Uropa Oriental, ondi, ena década de 1990, la caída del comunismu provocó un colasu dela natalidá, ya de por sí baxa dentru delos paísis comunistas uropeus, juntu cun un bruscu aumentu dela mortalidá. Enos últimus añus, la caída dela natalidá nel antiguu bloqui comunista se a amortiguaú, lo que a permitíu una recuperación dunus indicis de natalidá más próximus ala estabilización dela puebración ena atualidá (1,5 hijus por mujel).[19] En paísis cumu Irlanda, Italia, Portugal i Islandia, el procesu davejantamientu tamién s’instaló ena sociedá, lo que provoca con que la puebración destus paísis decrezca anualmenti i ni la inmigración logra cubril esta problemática. Juntu con Japón (Asia), estus úrtimus encabezan enos paísis cun las demografías más avejantás del mundu. Nostanti la situación con respetu ala diferencia entri la natalidá i mortalidá ya se a equilibrau últimamenti.
Uropa del Sul i Uropa Ocidental son las regionis cun mayol promediu de pressonas mayoris nel mundo, ogañu comprendin el 21% dela puebración, con más de 65 añus de edá.[20] Las proyeccionis apuntan a que en 2050 Uropa alcanzará el 30 %.[21] Estu se debi al hechu de que la puebración a teníu hijus por debaju del niveli de reemplazu dendi la década de 1970. Las Naciones Unidas predicin que Uropa disminuirá la su puebración entri 2022 i 2050 en un -7 por cientu, sin cambial los movimientus d’inmigración.[22]
Otru rasgu caraterísticu dela demografía uropea es la elevá tassa d’inmigración. En esti aspetu destaca España enos últimus añus: de tenel una puebración estranjera inferiol alos 100 000 habitantis en 1999, s'a passau a varius millonis, ya por cima del 10 % dela puebración i s'a convertíu nel primel recetor uropeu d’inmigración, superandu inclusu alos paísis que tradicionalmenti fuerun los recetoris dela inmigración, cumu Alemaña, Francia u el Reinu Uniu. Nel casu d’España, se pasó de 39 millonis d’abitantis en 1999, i cuna pronuncia caída dela puebración dendi los 42 millonis que se había dau enos añus prevíus a 1999, a 45 millonis en 2006, sin incluyil la inmigración ilegal; esti hechu sirvió al gobiernu español pa aumental el pesu dentru del parlamentu uropeu, al recibil más escañus pola su puebración.
Los problemas asociaus al avejantamientu dela puebración puein sel resumíus en dos partis, un menol crecimientu económicu polos desequilibrius del sistema social i por un rasgu de menol innovación dentru delas sociedais avejantás, i el mantenimientu del sistema de pensionis, cuya balança de pagus queda seriamenti dañau quandu el númeru de pensionistas supera al de trabajantis. Por estas dos raçonis, por consideralsi un complementu delos sistemas d’ayua enternacional, i pola política de hechus consumaus, algunus gobiernus uropeus an sostribau la inmigración n'épocas de bonanza económica u pa paliar los problemas antis citaus.
Puebración por sessu
Ena mayol parti delos paísis del continentí las mujeris superan alos hombris en cantidá, esceutu Andorra, Albaña, Islandia i la colonia británica de Gibraltar. Nestus paísis, la puebración masculina es mayoritaria, si bien dessistin ciertas variacionis entri Uropa Ocidental i Uropa Oriental. Las pressonas de sessu masculinu inferiol a 65 añus son mayoria prencipalmenti en paísis cumu Alemaña, Austria, Bélgica, Dinamarca, Francia, Grecia, Ungría, Irlanda, Reinu Uniu, Paísis Baxus, los paísis escandinavus i otrus. Amás nestus paísis, la cantidá porcentual de varonis s’alcuentra en crecimientu i col passu del tiempu podríen igualal u superal alas mujeris. En paísis cumu España, Italia i Portugal, la puebración de dambus dos sexus s’alcuentra ábati equilibraá, sobri tó ena etapa juvenil, seguía dela de adultez i dela tercera edá. Ena mayol parti delos paísis d’Uropa Oriental, cumu ena antigua Unión Soviética i el restu delos Balcanis, las mujeris menoris de 65 añus i mayoris de 64 añus son mayoria, i los varonis son minoria por varias décimas porcentualis. Estu se debi alas guerras desatás enos Balcanis, pues los varonis son forçaus al serviciu militá obligatoriu, lo qual a provocau que declinin bastanti. El su crecimientu solu dependerá entoncís del númeru de nacimientus.
Diversidá de géneru i omosexualidá
N’Uropa s'apresenta más influyenti la comunidá LGBT qu'en qualquiel otra región del mundu. Sigún un estudiu del Eurobarómetru, ena mayol parti delos paísis d’Uropa Occidental entri el 70 i 98 % delos ciudadanus por diferenti país aceta l'omosexualidá i el matrimoñu igualitariu, entri los qualis figuran Paisis Baxus, Suecia, Dinamarca, España, Irlanda, Bélgica, Luxemburgu, Francia, Reinu Uniu, Alemaña, Finlandia, Portugal, Austria i Malta.[28] Nel lau opuestu, enos paísis d’Uropa Oriental menol del 55 % por ca país tien la mesma opinión,[28] siendu Lituania, Eslovaquia, Rumanía, Letonia i Bulgaria.[29] Diversas encuestas an estimau que en varius paísis uropeus la tasa d’homosexualis i lesbianas son un segmentu visibli a pesal de sel minoria; por exemplu, estus componin el 22 % delos neerlandesis, el 14 % delos francesis[30] i el 8,5 % delos británicus.[31] D’igual horma, n’Uropa están los primerus paísis ondi el matrimonio entri pressonas del mesmu sexu se hizu legal, dessistendu actualmenti cumu tal en Países Bajos, Bélgica, España, Dinamarca, Noruega, Suecia, Islandia, Portugal, Francia, Austria, Malta, Alemania, Finlandia, Irlanda, Luxemburgo, i el Reino Unido. En otrus delos paísis occidentalis i algunus orientalis dessisti solamenti la unión civil.[32]
Luenguas
So el 3 % de tolas luenguas del mundo es autótona d’Uropa, polo qu'el continentí es una delas regionis cun menol diversidad lingüística del mundu.[33] Aún assín Uropa es una región cuna cierta diversidá lingüística, ya que dessisti un elevau númeru de luenguas regionalis, que pertencin a diferentis grupus filogenéticus. Entri las lenguas uropeas están:
- Del grupu indoeuropeu:
- Lenguas bálticas: letón i lituano.
- Lenguas celtas: bretón, córnico, gaélico escocés, galés, irlandés i manés.
- Lenguas eslavas: bielorruso, serbocroata, búlgaro, checo, eslovaco, esloveno, macedonio, montenegrino, polaco, ruso, bajo sorabo, alto sorabo i ucraniano.
- Lenguas germánicas: alemán, danés, feroés, frisón, inglés, islandés, luxemburgués, neerlandés, noruego i sueco.
- Lenguas romances (procedentis del latín): aragonés, asturleonés u bable, catalán, corso, dálmata, español, francés, gallego, galoitálico, italiano, ladino, latín, napolitano, occitano, portugués, retorromance, rumano, sardo, siciliano, i valón.
- Otras lenguas indoeuropeas: albanés, armenio, griego i romaní.
- Del grupu túrquico: azerí, kazajo i turco.
- Del grupu ugrofinés: estonio, finés, húngaro i lapón (sami).
- Dotrus grupus lingüísticus:
Georgiano
Maltés
- Lenguas planificás: esperanto (en tolus los paísis del continentí), intereslavo (enos paísis eslavus), ido, interlingua i volapük por algunas pressonas.
Sigún datus d’Ethnologue[34] las cincu lenguas maternas más palrás n’Uropa son el ruso, l'alemán, el francés, l'ingrés i el italiano. Nostanti, por el númeru total d’ablantis (lengua materna más segunda lengua), las cincu lenguas más palrás n’Uropa son l'ingrés, el francés, el ruso, l'alemán i l'español. Assimesmu, las cincu lenguas uropeas más palrás nel mundu (lengua materna más segunda lengua) son l'inglés, l'español, el francés, el ruso i el portugués.
Amás los procesus migratorius que cobrun emportancia a partil dela segunda metá del sigru XX, hizun con que n’Uropa s’instalun importantis minorías de pressonas cuyas luenguas tienin un origen alótonu. Entri las lenguas alótonas destacan las luenguas de África (en particulal delos grupus semíticu, bereber) i Níger-Congo) i las luenguas de Asia (en particulal las indoiranias i las siníticas, que tamién son las más numerosas dela propia Asia). Por paísis, s’aprecia que los paísis uropeus cun passau estóricu colonial destacau tiendin a recebil inmigrantis procedentis delas sus escolonias, polo que tamién se palran un ciertu númeru de lenguas minoritarias palrás enas escolonias.
Religión
miniatura|Religiones d’Uropa.
Conjuntus religious:
- Uropa del Norti protestanti (Reinu Uniu, Escandinavia, norti de Alemaña, norti de Suiça, Estoña i Letoña).
- Uropa del Esti ortodoxa (Grecia, Rusia, Bielorrusia, Bulgaria, Ucrania, Georgia, Rumania, Macedonia del Norte, Moldavia, Montenegro, Serbia, Armenia).
- Uropa del Sul, del Oesti i del Centru católica (Ciudad del Vaticano, Portugal, España, Irlanda, República Checa, Eslovaquia, Eslovenia, Andorra, Mónaco, San Marino, Luxemburgo, Restu de Suiza, Italia, Francia, Bélgica, Lituania, Bielorrusia, sul de Alemania, Polonia, Austria, Croacia).
Los católicus son mayoritarius en 23 paísis,Prantilla:Cita requerida los protestantis en 13, Prantilla:Cita requerida los ortodoxus en 11Prantilla:Cita requerida, los musulmanis suníis en tres (Albania, Bosnia-Herzegovina, Turquía) más la República Turca del Norte de Chipre i los musulmanis chiíis en Azerbaiyán.
Dessistin minorías religiosas dentru destus grandis conjuntus:
- Los judíus están presentis n’Uropa dendi los tiempus del Imperiu romanu, an siu perseguíus dendi la Edad Meya i sufrun una política d’esterminación total duranti la Segundera Guerra Mundial.
- El islam está presenti enos Balcanis, antiguamenti sometíus al Imperiu otomanu (Albania, Bosnia i Herzegovina, Kosovo, Macedonia del Norti), en Turquía (tantu en el su 97 % asiáticu cumu en el su 3 % en continentí uropeu), en Rusia (Tatarstan, Baskortostán, repúblicas del Cáucaso Norti), Azerbaiyán i, cumu consecuencia dela inmigración, en Francia, Reino Unido, Alemania, España, Países Bajus, Bélgica, etc.
- Las religionis d’extremo orienti: sintoísmo, budismo, hinduismo, confucionismo. La única región mayoritariamenti budista d’Uropa es la Repúbrica de Kalmukia, en el suroesti dela Rusia Europea.
- Dessistin comunidais florecientis dela fe bahá'í en tolus los paísis.
- El ateísmo es minoritariu (peru crecienti): sigún la obra de J. Baudérot, Religión i laicidá ena Uropa delos 12, 1994, página 259: un cuartu dela puebración dela UE sedría «no religiosa» i el 5 % delos uropeus sedrían ateus. Una encuesta llevaá a 21 paísis sobri 21 000 pressonas i publicá en diciembri de 2004 anunció que el 25 % delos uropeus del esti se declaran ateus contra un 12 % enos paísis d’Uropa Central i Oriental. En el casu delos paísis excomunistas d’Uropa Oriental, el ateísmo se mantieni u se reduxu dendi la década de 1990 ata agora, casu contrariu, en Uropa Central i prencipalmenti Nórdica el ateísmo s’a elevau en el mesmu períodu. Sigún algunas encuestas religiosas hechas por el Wall Street Journal, el Eurobarómetro, etc., el ateísmo i agnosticismo se distribuyin desta manera: 1 % en Turquía, 6 % en Rumanía, 6 % en Irlanda, 8 % en Grecia, 9 % en Suiza, 10 % en Bulgaria, 11 % en Polonia, 14 % en Escocia, el 14 % en Italia, 17 % en Irlanda, 20 % en Ucrania, 22 % en Noruega, 23 % en Austria, 24,9 % en España, 26 % en Alemania, 27,8 % en Bélgica, 29 % en Inglaterra, 32 % en Finlandia, 34 % en Francia, 36 % en Rusia, 41 % en los Países Bajus, 44 % en Dinamarca, 46 % en Suecia; i finalmenti en Chequia i Estonia representan más dela metá siendu el 51 % en el primeru i el 55 % en el segundu, dambos dos juntus con China (52 %) encabezan entri los paísis más ateus u menus creyentis del mundu.
Remove ads
Palral de coltura uropea es difícil porque n’Uropa s’an siu sucediendu muchas culturas (i, a menú an asimilau contribucionis no uropeas) duranti milis d’añus. Una definicion dela coltura d’Uropa debi necesariamenti tenel en cuenta los límitis geográficus del continentí.
Premio Nobel
Festival de la Canción de Eurovisión (ABBA)
Academia de Cine Uropeu
Liga de Campeonis dela UEFA
Agencia Espacial Uropea
Arquitetura
Dendi la Antigüedad, muchas delas prencipalis corrientis arquitectónicas se desarrollarun por toa Uropa, ata más allá delas sus rayas. En el primer mileniu antis de Cristu, los griegus fundarun colonias por tou el Mediterráneo, seguíus polos romanus; exportarun la su arquitectura, la su escultura i la su literatura alos paísis que ocuparun. Ena periferia destus territorius se desarrollarun movimientus artísticus originalis, en contactu conas civilizacionis celta, ibérica... Peru el lugal desta coltura es más importanti en el mundu mediterráneu (el Mari Nostrum) que ena propia Uropa (el arti grecorromanu está particularmenti bien representau en África del Norte i Oriente Medio). En el norti, los arquitetus están influyíus pola coltura celta, que tuvu un notabli dominiu delos metalis i el cobri.
Sin embargu, la civilización romana sobrepasó la costa mediterránea endispués dela guerra de las Galias, alcanzó el Rin i los límitis d’Escocia. Las invasionis del final del Imperio romano perturbarun la situación: el arti grecorromanu s’extinguió cola decadencia delas grandis ciais, mientris que se difundió un arti d’inspiración germánica, más ásperu i rústicu, relacionau col arti celta. Sin embargu, puestu que el Imperio bizantino permaneció en el Esti, los sus cánonis arquitectónicus, i el gastu del mosaico se desarrolló en Italia; esti país permaneció abiertu alas influencias bizantinas ata la toma de Constantinopla por parti delos turcus islámicus procedentis d’Asia en 1453, inque los mesmus invasoris turcus otomanus desarrollarun «el su propiu arti islámicu» a partil del arti bizantino con obras cumu la Mezquita Azul debia al convertíu Sinan, quien en gran mediá se basó ena iglesia bizantina medieval de Santa Sofía.
Con respetu a rascacielus i grandis edificacionis, comenzarun a construilsi n’Uropa endispués dela Segunda Guerra Mundial debiu al desenvolvimiento económicu dela mayoria delos paísis d’Uropa occidental. Nostanti, pocas ciais del continentí uropeu tienin una concentración de rascacielos tan alta cumu las grandis ciais d’Estados Unidos i China. De hechu, Uropa no cuenta cun ningún rascacielos ena lista delos 10 edificius más altus del mundu.[35]. Las ciais uropeas cun más rascacielos estóricamenti an siu París, Londres, Madrid i Fráncfort del Meno, sin embargu, están siendu reemplazás por Moscú i San Petersburgo, cuyo desenvolvimiento enos últimus añus a favoreciu la construcción d’edificius de gran altura. Ogañu, 8 delos 10 rascacielos más altus d’Uropa s’alcuentran ubicaus en Rusia.
Desportis
Furbo
Uropa es la cuna del fútbol moernu.[36] A mediáus del sigru XIX se crearun las reglas en Inglaterra, i unus añus más tardi s’estendió por tou el continentí gracias a estudiantis, ingenierus, marinerus, soldaus i empresarius. Entri las organizacionis futbolísticas uropeas s’incluyin la Liga de Campeonis dela UEFA, la Liga Uropa dela UEFA, la Liga Uropa Conferencia dela UEFA, la Recopa d’Uropa, la Supercopa d’Uropa i la Copa Intertoto.
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads