Trentino-Adige Garaia

Trentino-Adige Garaia edo Trentino-Hego Tirol^[1] (Trentino-Südtirol alemanez, Trentino-Alto Adige italieraz, Trentin-Südtirol ladineraz) estatutu berezia duen Italiako eskualdeetakoa da, estatuko ipar-ekialdean dagoena.

Trentino-Adige Garaia / Trentino-Hego Tirol Trentino-Südtirol (de) Trentino-Alto Adige (it) Trentin-Südtirol (ld)
Administrazioa
Estatua	Italia
Hiriburua	Trento
Probintziak	Bozen-Hego Tirol Trento
Udalerriak	339
Geografia
Koordenatuak	46°23′N 11°25′E
Azalera	13.619 km²
Demografia
Biztanleria	962.464 biztanle (2004)
Dentsitatea	70,7 bizt/km²
www.regione.taa.it

Lurralde honek oso desberdinak diren esparru batzuk hartzen ditu: iparraldean Hego Tirol alemanduna eta hegoaldean Trentino italieraduna. Horrez gain, bi esparru hauetako zenbait haran Ladiniakoak dira. Bere lehen eskualde kontseilua 1948ko hauteskundeetan aukeratu zuten.

Mugakideak

Iparraldean Tirol eta Salzburg (Austria), hegoaldean Veneto eskualdea, ekialdean Tirol eta Veneto berriro eta mendebaldean Grisonia Kantoia (Suitza) eta Lonbardia mugakide ditu.

Probintziak

• Bozen-Bolzanoko probintzia autonomoa: alde alemanduna, Hego Tirol alegia. Gherdëina eta Gran Ega haranak ladiniarrak dira.
• Trentoko probintzia autonomoa: alde italieraduna, Trentino alegia. Fascia harana ladiniarra da.

Hizkuntzak

• Italiera: biztanleen %60 inguruk hitz egiten dute.
• Alemana: %35.
• Ladinera: %5.

Erreferentziak

1. Euskaltzaindiak biak onartzen ditu euskararako; lehena gehiago nabarmentzen badu ere. Hala ere, Alto Adige Mussoliniren garaietan bultzatutako izena da eta bertako biztanleek Hego Tirol kontzeptuarekin atxikimendu zabalagoa dute.

Ikus, gainera

• Ladinia
• Tirol

Kanpo estekak

• (Alemanez) (Italieraz) Webgune ofiziala.
• (Ingelesez) Eskualdeko gobernuaren gaineko azalpena.

• Datuak: Q1237
• Multimedia: Trentino-South Tyrol / Q1237