Tolosaldeko Arraun Kluba

Tolosaldeko Arraun Kluba, labur TAK Oria izenez ere ezaguna, 2005. urtean Tolosan (Tolosaldea, Gipuzkoa) sortutako arraun elkartea, bere jardueretarako Oria ibaiak Tolosan zehar egiten duen ibilbidea baliatzen duena^[1]. Instalakuntza nagusiak Tolosako Zerkausiaren azpian daude, ibaiaren ondoan eta 2009 urtean eraikitako presa puzgarritik gertu, arraunketarako ur maila metro bat igo zuena.

Tolosaldeko Arraun Kluba
Sorrera	2005
Herria	Tolosa, Gipuzkoa
Lehendakaria	Sabino Alijostes
Entrenatzailea	Ramon Erostarbe
Patroia(k)	Laiene Izagirre Maialen Amondarain
Kolorea(k)	urdina, horia eta beltza
Trainerua	Tolosaldea
Palmaresa	0 Kontxako Bandera 1 Euskotren Liga 2 Gipuzkoako Liga 2 ETE Liga 4 Euskadiko Txapelketa 2 Gipuzkoako Txapelketa
2024: Kontxa	4.a
2024	2.a (Euskotren Ligan)
Webgunea	www.arraunatolosa.blogspot.com.es

Getaria-Tolosa, 2010ean.

Tolosaldea, emakumezkoen trainerua, 2019ko ETE Ligan.

Tolosaldea, emakumezkoen trainerua, 2020ko ETE Ligan.

1977 eta 1980 artean gizonezkoen batelek maila bikaina izan zuten eta Espainiako txapelketak ere irabazi zituzten. Tolosaldeko Arraun Kluba sortu zenean arraunketa bultzatzea zuen helburu eta harrobia sortzea. Emakumezkoen traineru indartsua eratu zuten getariarrekin batera eta Getaria-Tolosa Ligako txapeldun izan zen eta Kontxan bigarren egin zuen birritan. 2018an traineru propia osatu zuen eta Liga nagusian egiten du arraun.

2024ko martxoan Espainiako Arraunketa Federazioak Kantauriko aulki finkoaren saria eman zion modalitate guztietan aritzeagatik eta bereziki emakumezkoen arraunketa bultzatzen egindako lanarengatik^[2].

Batelak

Elkartea 2005ean sortu bazen ere, Tolosako arraunlariek bateletan hainbat garaipen izan zituzten 1970eko hamarkadaren amaieran, beste elkarte batzuen izenpean. 1975ean, Emendek elkarteak Gipuzkoako txapelketa irabazi zuen; eta 1976 eta 1980 artean, S.R. La Veletak Espainiako txapelketa bi, Euskadiko bat eta Gipuzkoako hiru irabazi zituen. Tolosarren palmaresa, beraz, honako hau da:

• Espainiako Batel Txapelketa (2): 1977, 1980
• Euskadiko Batel Txapelketa (1): 1980
• Gipuzkoako Batel Txapelketa (4): 1975, 1976, 1977, 1980

Emakumezkoen batelek ere irabazi dituzte txapelketak:

• Euskadiko Batel Txapelketa (4): 2006, 2008, 2009, 2010
• Gipuzkoako Batel Txapelketa (3): 2006, 2007, 2008

Emakumezkoen trainerua

2008an emakumezkoen trainerua atera zuen Tolosaldea izenarekin eta Euskadiko eta Gipuzkoako txapelketetan hirugarren egin ondoren Kontxako Banderara sailkatzeko zorian egon ziren, sailkapen estropadan bosgarren egin baitzuten.

Getaria-Tolosa puntako trainerua

Sakontzeko, irakurri: «Getaria-Tolosa»

2009an Getariarekin batera Getaria-Tolosa eratu zuen eta euskal trainerurik onenetakoa izan da, emaitza aipagarriak lortu baitituzte. Tartean Euskadiko eta Gipuzkoako bina txapelketa, 2011eko Liga nagusia^[3] eta 2010 eta 2011ko Kontxako bigarren postuak. Getaria-Tolosaren ibilbidea 2012 denboraldiaren amaieran bukatu zen.

Tolosaldea bakarka

2018an bakarkako ibilbideari ekin zioten Zarautzekin ituna lortu ondoren. Zarauztarrek trainerua eta hainbat arraunlari eman zizkioten. Lehenengo bandera ere eskuratu zuten, Errenteria Hirikoa. Irailean Kontxako Banderarako sailkatu zen eta zortzigarren egin zuen. 2019an ere ETE Ligako ohorezko txandan ibili zen eta Colindresko Bandera irabazi zuen.

2020an Sanpedrotarrarekin egin zuen hitzarmena. Pedreñarena zen "Seve Ballesteros" traineru beltza eskuratu zuen eta branka morez margotu zuen. Bi jardunaldiren faltan matematikoki ETE Liga irabaztea lortu zuen. Kontxako Banderan ere sartu zen sailkapen estropadan bigarren denbora eginaz. Azkenean laugarren postua eskuratu zuen. Play-offetan ez zuen mailaz igotzerik lortu, bigarren jardunaldian egindako akats bat tarteko^[4]. 2021ean ere nagusitasun osoz irabazi zuen ETE Liga^[5] bigarrenez jarraian eta play-offetan Euskotren Ligara igo zen.

Euskotren Ligan

2022. denboraldian Euskotren Ligako debutaria da eta traineruan klubaren kolore urdina berreskuratu zuen. Liga txukuna bete zuen, azken estropadararte play-offa sahiesteko aukerarekin. Kontxako Banderara sailkatu zen, sailkapen proban hirugarren denbora eginez, eta Banderan laugarrena izan zen, hirugarren izan zen Donostiarratik 3 ehunenekotara^[6]. Play-offetan ez zuen arazorik izan mailari eusteko^[7].

2023an ohorezko txandako trainerua izan zen eta laugarren amaitu bazuen ere estropada pare bat irabaztear egon zen. Arazorik gabe sailkatu zen Kontxako Banderarako eta lehenengo jardunaldia irabazi zuten^[8]. Bigarren jardunaldian ordea eskasago ibili ziren eta laugarren postua eskuratu zuten^[9]. 2024an puntan ibili zen eta bigarren egin zuen Euskotren Ligan, Arraun Lagunakek irabazi ez zuen estropada bakarra eskuratuz.

Kontxako Bandera

• Txapelduna (0)
• Bigarrena (2): 2010 eta 2011.
• Hirugarrena (2): 2009 eta 2012.
• Laugarrena (5): 2020, 2021, 2022, 2023 eta 2024.
• Sailkapen estropada (2): 2010 eta 2011.
• Sailkatua (10): 2009, 2010, 2011, 2012, 2018, 2020, 2021, 2022, 2023 eta 2024.

Emakumezkoen Traineru Liga

• Txapelduna (1): 2011.
• Bigarrena (1): 2024.
• Hirugarrena (1): 2012.
• Laugarrena (1): 2022.
• Irabazitako estropadak (2024 barne): 5
• Parte hartzeak (5): 2011, 2012, 2022, 2023, 2024
• Gipuzkoako Liga (2): 2010 eta 2011.
• ETE Liga (2): 2020, 2021.

Txapelketak

• Espainiako Txapelketa (0): bigarren 2011an.
• Euskadiko Txapelketa (4): 2009, 2010*, 2011 eta 2012.
• Gipuzkoako Txapelketa (2): 2009 eta 2011.

Gainontzeko banderak

Handiak	Zarauzko Ikurrina (1): 2011. Getxoko Bandera (1): 2011.
Etxekoa	Tolosaldeako Ikurrina (2): 2020, 2021.
Gipuzkoan	Txingudi Bandera (3): 2009, 2010, 2011. Donostiarra Bandera (2): 2009, 2010. Orioko Bixigu Eguna (2): 2009, 2010. Getariako Bandera (1): 2010. Debako estropada (2): 2010, 2011. Pasaiako Bandera (1): 2011. Zumaia, Gipuzkoako Ligakoa (2): 2009, 2011. Oriako Traineru Jaitsiera (1): 2011 San Pedroko Bandera (1): 2011. Zarautz Arraun Elkartearen Ikurrina (2): 2012, 2021. Errenteria Hiriko Bandera (2): 2018, 2020. Zumaiako Ikurrina (2): 2020, 2021. Adegi Bandera (2): 2020, 2021.
Lapurdin	Donibane Ziburuko Estropada (2): 2020, 2021.
Bizkaian	Isuntzaren Bandera (1): 2011. Bilboko Bandera (1): 2011. Ondarroako Bandera (2): 2020, 2021. Bilbo Hiriko Bandera (1): 2020. Erandioko Ikurrina (2): 2020, 2021. Sestaoko Bandera (1): 2021. Uribarren Abaroa, Lekeitio (1): 2021. Ane Aizpuru Basterretxea memoriala (1): 2021.
Kantabrian	Marina de Cudeyoko Bandera (3): 2010 (Gipuzkoa), 2011, 2021. Colindresko Bandera (1): 2019. Comercio Castro Urdiales (1): 2020.

Trainerillak

• Euskadiko Txapelketa (0): bigarren 2007an
• Gipuzkoako Txapelketa (1): 2023
• Loiolatarraren 100. urteurrena: 2024.

Batelak

• Euskadiko Txapelketa (4): 2006, 2008, 2009, 2010
• Gipuzkoako Txapelketa (3): 2006, 2007, 2008

Denboraldiak

Dendoraldiak
Euskotren	8
ETE	4
2025 barne.

Getaria-Tolosa
Urtea	Liga	Kontxa
2009	Gipuzkoa, 2.a	3.a
2010	Gipuzkoa, 2.a	2.a
2011	Emakumezkoen Liga, 1.a	2.a
2012	Emakumezkoen Liga, 3.a	3.a
2013- 2017	-	-
Tolosaldea
Urtea	Liga	Kontxa
2018	ETE Liga, 4.a	8.a
2019	ETE Liga, 4.a	-
2020	ETE Liga, 1.a	4.a
2021	ETE Liga, 1.a	4.a
2022	Emakumezkoen Liga, 4.a	4.a
2023	Emakumezkoen Liga, 4.a	4.a
2024	Emakumezkoen Liga, 2.a	4.a
2025	Emakumezkoen Liga,

Erreferentziak

1. «TAK Tolosaldeko Arraun Kluba - Komunitatea - Tolosaldeko ataria» ataria.eus (Noiz kontsultatua: 2024-05-18).
2. «Tolosaldea Arraun Klubak jaso du Kantauriko aulki finkoaren saria - Tolosa» Tolosaldeko ataria (Noiz kontsultatua: 2024-03-22).
3. «Getaria-Tolosak irabazi du Euskotren liga, ikuskizuna emanez» Berria 2011-08-16 (Noiz kontsultatua: 2024-05-18).
4. lehenetsia, Gune. (2020-09-20). «Euskotreneko plaza Hondarribiarentzat, gaurko garaipena Hibaikarentzat» Bidasoko Hitza (Noiz kontsultatua: 2024-05-18).
5. «Hamargarren bandera eta liga eskuratu dituzte - Tolosaldea» Tolosaldeko ataria (Noiz kontsultatua: 2024-05-18).
6. «Orio, Kontxan garaile hirugarren aldiz» EITB 2022-09-11 (Noiz kontsultatua: 2024-05-18).
7. adibide. (2022-10-06). ««Azken estropadara arte erakutsi dugu borrokatu dugula mailari eusteko»» Goierriko Hitza (Noiz kontsultatua: 2024-05-18).
8. «Tolosaldeak eta Urdaibaik abantaila txikiak dituzte Kontxan; bigarren jardunaldiak erabakiko du dena» EITB 2023-09-09 (Noiz kontsultatua: 2024-05-18).
9. «Arraun Lagunakek irabazi du emakumezkoen 2023ko Kontxako Bandera» EITB 2023-09-10 (Noiz kontsultatua: 2024-05-18).

Kanpo estekak

• Datuak: Q12268034
• Multimedia: Tolosako Arraun Kluba / Q12268034