Sabino Bilbao

Sabino Bilbao Líbano (Leioa, 1897ko abenduaren 11 – Getxo, 1983ko urtarrilaren 20a) bizkaitar futbolaria zen, Athleticen erdilari moduan jokatu zuena.

Sabino Bilbao
Bizitza
Jaiotzako izen-deiturak	Sabino Bilbao Líbano
Jaiotza	Leioa, 1897ko abenduaren 11
Herrialdea	Bizkaia, Euskal Herria
Heriotza	Getxo, 1983ko urtarrilaren 20a (85 urte)
Hezkuntza
Hizkuntzak	gaztelania euskara
Jarduerak
Jarduerak	futbolaria
Ibilbidea Taldeak Urteak J G Athletic 1916 / 1925 Espainiako futbol selekzio nazionala 1920 / 1920 2 0
Parte-hartzailea football at the 1920 Summer Olympics – men's tournament (en)
Posizio edo espezialitatea	erdilaria

Ez nahasi Sabin Bilbao Loiuko futbolariarekin.

Biografia

Sabino Athleticen beheko mailetan trebatu zen 1916an lehen taldera igo arte. Zuri-gorriekin zelai erdian 9 denboraldiz jokatu zuen, Errege Kopako hiru finalean arituz eta 2 txapelketa irabazi zituelarik, 1921ean eta 1923an hain zuzen ere.^[1]

Espainiar futbolaren historiografian, Sabino, nagusiki, historiako lehen konbinatu espainiarreko partaideetako bat izateagatik gogoratzen dute,^[2] 1920ko Anberesko Olinpiar Jokoak jokatu zituena eta zilarrezko domina lortu zuena.

Espainiako selekzioan txapelketa hartako bi partida jokatu zituen, 1920ko irailaren 1ean Suediaren aurkako partidan debutatuz (txapelketako hirugarrena) eta hurrengo partida Italiaren aurka ere jokatuz. Suediarren aurkako partidan izandako anekdota ospetsu batengatik gogoratzen da, bere taldekideak (bai selekzioan, bai Athleticen), Jose Maria Belaustek «A mi el pelotón, Sabino, que los arrollo» esan omen zuen, Suediako selekzioari gola sartu aurretik.^[3][4] Orduan espainiar amorruaren (gaztelaniaz: la furia española) mitoa jaio omen zen.^[5] Hala ere, litekeena da Belaustegigoitiak hori ez esatea, baizik eta «Sabino, aurrera!», euskaraz.^[6] Izan ere, Espainiako selekzioan ziharduten beste euskal herritar futbolariak adoretzeko, askotan oihukatzen zien «aurrera, aurrera!».^[7]

Ibilbidea

Kluba	Urtea(k)
Athletic Club	1916-1925

Tituluak

Eskualdeko Txapelketak

Txapeleketa	Kluba	Urtea
Iparraldeko Eskualdeko Txapelketa	Athletic Club	1920
Iparraldeko Eskualdeko Txapelketa	Athletic Club	1921
Bizkaiko Herrialde Txapelketa	Athletic Club	1923
Bizkaiko Herrialde Txapelketa	Athletic Club	1924

Errege Kopak

Titulua	Kluba	Urtea
Errege Kopa	Athletic Club	1921
Errege Kopa	Athletic Club	1923

Nazioarteko tituluak

Titulua	Kluba	Urtea	Saria
1920ko Olinpiar Jokoak	Espainiako selekzioa	1920	Zilarrezko domina