From Wikipedia, the free encyclopedia
Gereziondo-aranondoa (Prunus cerasifera) Prunus generoko zuhaitza da. Prunus generoak 200 espezie baino gehiago ditu, eta guztien berezitasun nabarmena da loraldi goiztiarra eta ikusgarria (neguaren amaieran, eta hostoak sortu aurretik).
| Gerezi-aranondo | |
|---|---|
 | |
| Iraute egoera | |
 Daturik gabe (IUCN 3.1) | |
| Sailkapen zientifikoa | |
| Erreinua | Plantae |
| Ordena | Rosales |
| Familia | Rosaceae |
| Leinua | Amygdaleae |
| Generoa | Prunus |
| Espeziea | Prunus cerasifera Ehrhart, 1789 |
| Datu orokorrak | |
| Gizakiak ateratzen dizkion produktuak | cherry plum (en)  |
Prunus da basaranaren izena latinez; cerasifera izena ere latinetik eratorria da, eta «gerezi» esan nahi du (basagereziondoaren fruituarekin duen antzagatik).
Hosto erorkorreko zuhaitz txikia da gerezi-aranondoa, 8 m garai nekez gainditzen duena. Zuhaitzaren adaburua zabala eta goranzkoa da.
Gerezi-aranondoaren azala leuna eta marroi iluna da.
Hostoak sinpleak, txandakatuak, obalatuak eta meheki horzdunak dira, purpura kolorekoak.
Martxotik maiatzera loratzen da gerezi-aranondoa. Loreak -zuriak edo arrosak- bakarka edo multzo txikitan sortzen dira, hostoak baino lehen.
Fruituak udan heltzen dira, eta gerezi txikien antzeko drupa gorriak dira.
Jatorriz, Asiako mendebaldekoa da gerezi-aranondoa, baina beste herrialde askotan kultibatu dute espezie apaingarri gisa.
Lorategiak eta parkeak apaintzeko erabiltzen da: gerezi-aranondoaren hostoek kolore purpura dute, eta loraldia -Prunus generoko beste zuhaitzetan bezala- goiztiarra eta ikusgarria da.
Fruituak gordinik jan daitezke, edo marmeladak eta jeleak egiteko erabili.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
