Parafina kloratu

Parafina kloratuek konposatu organokloratuen multzo bat osatzen dute. Normalean alkano lineal kloratuen nahaste bat dira. Karbono-katearen luzeraren arabera 3 azpimultzotan banatzen dira:

• Kate motzeko parafina kloratuak, (SCCP), 10 eta 13 karbonoz osatutakoak
• Kate ertaineko parafina kloratuak, (MCCP), 14 eta 17 karbonoz osatutakoak
• Kate luzeko parafina kloratuak, (LCCP), 17 karbono baino gehiago dituztenak

Parafina kloratu
Formula kimikoa	NA
Mota	konposatu kimiko
Identifikatzaileak
CAS zenbakia	63449-39-8
ZVG	491130
EC zenbakia	264-150-0
ECHA	100.058.300
CosIng	55264

2,3,4,5,6,8-hexakorodekanoa kate motzeko parafina kloratua

Katearen luzeraren eta kloro-edukiaren arabera parafina kloratuak likido edo solido kolorgeak edo horixkak dira^[1].

Kloro-edukia % 48 baino gehiago dituzten kate motzeko parafina kloratuak poluitzaile organiko iraunkorrak dira eta Stockholmeko Hitzarmenak fabrikatzea eta erabiltzea debekatu zituen 2017an hainbat salbuespenekin, pintura eta itsasgarrietan usatzea adibidez^[2].

2,5,6,7,8,11,15-heptakloroheptadekanoa kate ertaineko parafina kloratua

Sintesia

Parafina kloratuak kloro gasa alkano linealekin erreakzionaraziz 80-100 C-tan sintetizatzen dira. Argi ultramoreak prozesua laguntzen du haibat kasutan. Erreakzioa exotermikoa denez hozte-sistema egokia paratu behar da. Desiatutako klorazio-maila lortzen denean, erreakzioa gelditu egiten da erreakzio-ontzira iristen den kloro-fluxua etenaz^[3].

C_xH_(2x+2) + y Cl₂ → C_xH_(2x−y+2)Cl_y + y HCl

Alkanoaren katearen luzeraren arabera klase batekoak edo bestekoak erdietsiko dira.

2013an mundu osoko parafina kloratuen produkzioak 1.000.000 tona gainditu zuen^[4].

Erabilera

Parafina kloratuek aplikazio-eremu zabala dute industrian: sua atzeratzeko agente, plastifikatzaile edo gehigarri gisa metalurgian, pinturetan, ehungintzan edo gainestalduretan^[2].

Ingurumen-eragina

SCCPek joera azkarra dute lurzoruarekin eta sedimentuekin lotzeko eta bertan iraun dezakete denbora luzez- Halaber biosferan nonahi aurkitu dira: uretan, uretako eta lehorreko ugaztunetan eta elikagaietan. Partikularki, ur-ingurunean iraupen luzeko eragin kaltegarria izan dezakete.

Gizakiengan begien eta larruazalaren narritadura eragin dezakete sarri aplikatuz gero^[2].

Erreferentziak

1. (Ingelesez) Wiley-VCH, ed. (2003-03-11). Ullmann's Encyclopedia of Industrial Chemistry. (1. argitaraldia) Wiley  doi:10.1002/14356007.o06_o02. ISBN 978-3-527-30385-4. (Noiz kontsultatua: 2024-10-23).
2. Chlorinated parafins. Stockholm Convention on Persistent Organic Pollutants.
3. Brooke,D.N.; Crookes, M.J. & Merckel, D. (2009). [https://assets.publishing.service.gov.uk/government/uploads/system/uploads/attachment_data/file/290855/scho0109bpgr-e-e.pdf Environmental risk assessment: long- chain chlorinated paraffins. ] Environment Agency UK, 24 or..
4. (Ingelesez) Glüge, Juliane; Schinkel, Lena; Hungerbühler, Konrad; Cariou, Ronan; Bogdal, Christian. (2018-06-19). «Environmental Risks of Medium-Chain Chlorinated Paraffins (MCCPs): A Review» Environmental Science & Technology 52 (12): 6743–6760.  doi:10.1021/acs.est.7b06459. ISSN 0013-936X. (Noiz kontsultatua: 2024-10-23).

Kanpo estekak

• Datuak: Q417632
• Multimedia: Chlorinated paraffins / Q417632