Orhi

Orhi^[1] mendia (zubereraz: Ohi phünta; 2.017 m), mendebaldetik hasita, 2.000 metro baino gehiago duen Pirinioetako lehen tontorra da. Zuberoa eta Nafarroa arteko mugan dago, Iratiko oihanaren ekialdean.

Orhi
Datu orokorrak
Garaiera	2.017 m
Prominentzia	603 m
Mota	mendia
Geografia
Koordenatuak	42°59′23″N 1°00′18″W
Mendikatea	Orhiko mendilerroa
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Akitania Berria
Departamendua	Pirinio Atlantikoak
Probintzia	Zuberoa
Mendizaletasuna
Ohiko bidea	Larrainetik
Luberri	Luberri

Abiapuntuak

Orhi Gaztarriatik.

Igoerarik errazena eta ohikoena Larraineko mendatetik abiatzen da, tunelaren ondoko aparkalekuan autoa utzita. Halaber, horixe da Zaraitzuko ibarretik Atharratzeko Kantonamendurako igarobidea.

Orhiko xoria

Hainbat euskal esaera zaharretan azaltzen da Orhi mendia. Hauek nork bere jatorriarekin duen loturari egiten diote erreferentzia.

• Orhiko xoria, Orhira tira nafarreraz
• Orhiko xoria, Orhin laket zubereraz

Jean Gorostarsu Haroztegi idazleak XIX. mendeko Etxeko xokoa poeman Orhiko txoriari buruz idatzi zuen.

Mitologia

Mariren bizilekuetako bat da eta honen magalean dagoen Iratiko Oihanean bizi da Basajaun.

GR 11 ibilbidea

Pirinioetako hegoaldeko isurialdea alderik alde zeharkatzen duen GR 11 ibilbidea gailurreko izen bereko mendatetik igarotzen da.

Ikus, gainera

• Iratiko eski estazioa
• Nafarroa Garaiko mendiak
• Zuberoako mendiak