idazle ukrainarra From Wikipedia, the free encyclopedia
Olha-Maria Fedorivna Franko[1][2] (ukraineraz: Ольга-Марія Федорівна Франко), jaiotzez Bilevytx, (ukraineraz: Білевич; Vyriv, 1896ko uztailaren 24a – Lviv, 1987ko martxoaren 27a) ukrainar idazle eta sukaldaria izan zen, Ukrainako lehen errezeta-liburua sortzeagatik ezaguna.
| Olha Franko | |
|---|---|
.jpg) | |
| Bizitza | |
| Jaiotza | Viriv (en)  , 1896ko uztailaren 24a |
| Herrialdea |  Austria-Hungariako Inperioa Mendebaldeko Ukrainako Herri Errepublika Ukrainako Herri Errepublika |
| Heriotza | Lviv, 1987ko martxoaren 27a (90 urte) |
| Familia | |
| Ezkontidea(k) | Petro Franko |
| Jarduerak | |
| Jarduerak | sukaldaria, idazlea eta cooking researcher (en) |
1896ko uztailaren 24an jaio zen Vyriv herrian, Teodor Bilevytx apaizaren eta haren emazte Olharen lau seme-alabetatik gazteena[2][3]. Buskeko Markian Xaxkevitx ikastetxe pribatuan ikasi zuen[2]. Gero sukaldaritza ikasi zuen Vienako Nekazaritza Goi Eskolan bi urtez[4].
1929an, Praktitxna kukhnia errezeta-liburua argitaratu zuen Kolomyian. Galitziako errezetetan zentratu zen. Ukrainako lehen errezeta-liburuetako bat omen zen[5][6]. 1991n, liburu hau berrargitaratu zen[5][7] eta 2019an berriro, Marianna Duxarren hitzaurrearekin[8].
1937an, bigarren liburua argitaratu zuen, Vsenarodna kukhnia[4].
Sobietar Batasunean Olha Frankoren liburuak ez ziren inoiz argitaratu literatura «burgesa» gisa[9].
1987an hil zen, 90 urte zituela[5].
15 urte zituela, Petro Franko ezagutu zuen, bere nebaren laguna[3]. 1919ko otsailaren 4an ezkondu ziren Polonytxni herrian[2]. Ivan Franko idazlearen errain bihurtu zen[5][7]. Senarra 1941ean hil zuten arren, Olhak ez zuen inoiz horren berri izan[4].
Bi alaba izan zituen: Vira-Maria (1923-1996) eta Ivanna-Oleksandra (Asia, 1925-1978)[2].
Olha Franko bere amaginarrebarekin nahasten da askotan, biek izen bera baitzuten[2][7].
2021-2024 urteetan, Olha Frankori buruzko film bat sortu zuten Ukrainan: Smak svobody. Frankoren papera Irma Vitovskak antzeztu zuen[10][11]. 2024ko martxoaren 7an estreinatu zen[11].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
