O Brother, Where Art Thou? (euskaraz Oi Anaia, Non Hago?) 2000. urtean Coen anaiek (Joel Coen eta Ethan Coen) zuzenduriko filma bat da. Bere istorioa Depresio Handiaren garaian kokatzen da, 1937ko Mississippi estatuan hain zuzen ere. Filma honen hasierako izenburuetan aipatzen den bezala, Homeroren Odisea kontakizunan oinarritzen da, bide batez, Estatu Batuetako Hegoaldearen usadiozko topikoak astintzen ditu. Bere garaian filma honetako "Man of Constant Sorrow" ("Atsekabe Etengabeko Gizona") abestia nahiko entzutetsua izan zen.
| O Brother, Where Art Thou? | |
|---|---|
| Jatorria | |
| Sortzailea(k) | Joel Coen |
| Argitaratze-data | 2000 |
| Izenburua | O Brother, Where Art Thou? |
| Jatorrizko hizkuntza | ingelesa |
| Jatorrizko herrialdea | Frantzia, Ameriketako Estatu Batuak eta Erresuma Batua |
| Banatze bidea | deskarga digitala eta eskatu ahalako bideo |
| Ezaugarriak | |
| Genero artistikoa | Buddy filma, film komikoa, altxor bilaketa filma, liburu batean oinarritutako filma, krimenezko filma, musika-filma eta Road moviea |
| Iraupena | 103 minutu |
| Kolorea | koloretakoa |
| Deskribapena | |
| Oinarritua | Odisea |
| Kokapena | |
| Bilduma | New Yorkeko Arte Modernoaren Museoa |
| Zuzendaritza eta gidoia | |
| Zuzendaria(k) | Joel Coen Ethan Coen |
| Gidoigilea(k) | Joel Coen Ethan Coen |
| Antzezlea(k) | |
George Clooney (Odiseo) John Goodman (Polifemo) John Turturro Tim Blake Nelson (mul)  Holly Hunter (Penelope) Charles Durning (W. Lee O'Daniel (en) , Zeus)Michael Badalucco (Baby Face Nelson (mul) )Wayne Duvall Ed Gale Ray McKinnon Daniel von Bargen (Poseidon) Chris Thomas King (Tommy Johnson (en) , Robert Johnson)Stephen Root (Homero) Frank Collison Musetta Vander (en) John McConnell Lee Weaver (Tiresias (en) )Gillian Welch (mul) | |
| Ekoizpena | |
| Ekoizlea | Joel Coen Ethan Coen |
| Konpainia ekoizlea | Mike Zoss Productions (en) Touchstone Pictures Working Title Films (en) StudioCanal (en) Universal Studios |
| Ekoizle eragilea | Tim Bevan Eric Fellner |
| Edizioa | Joel Coen Ethan Coen Tricia Cooke (en) |
| Ekoizpen-diseinatzailea | Nancy Haigh |
| Bestelako lanak | |
| Musikagilea | T Bone Burnett (en) |
| Argazki-zuzendaria | Roger Deakins |
| Jantzi-diseinatzailea | Mary Zophres (mul) |
| Fikzioa | |
| Kontakizunaren tokia | Mississippi |
| Argumentu nagusia | kartzelatik ihes egitea, errantry (en) , Depresio Handia, sirena eta Ku Klux Klana |
| Historia | |
| Nominazioak | Europako Zinemaren Saria, Europaz kanpoko Film Onenarentzakoa 13th European Film Awards (en) Joel Coen, Ethan Coen Egokitutako gidoi onenaren Oscar Saria 73. Oscar Sariak Ethan Coen, Joel Coen Argazkigintza onenaren Oscar Saria 73. Oscar Sariak Roger Deakins |
| studio.go.com… | |
           | |
O Brother, Where Art Thou? filmak ihes egin berri duten hiru presoen istoria azaltzen digu: Ulysses Everett McGill, Everett gisa ezaguna (George Clooney); Pete (John Turturro) eta Delmar O’Donnell (Tim Blake Nelson). Hiru hauek preso talde batetik ihes egin berri dute, Everett esanaren arabera, berak auto blindatu batetik ohostu eta bere espetxeratzea baino lehen lurperatutako 1,2 milioiko altxorra berrezkuratzeko asmoz. Helburu hau lortzeko lau egun besterik ez dituzte, altxorra kokatzen den harana lasterrera proiektu hidroelektriko baten ondorioz urperatu eta Arkabutla aintzira bihurtuko baita. Ihesaldia hastean, trenbideko eskuzko gurdi batean doan itsu batekin topatuko dira. Gurdira igo eta Homeroren Odiseako igarlearen antzera itsuak etorkizuna iragarriko die.
Hirukotea altxorraren bilaketari ekingo dio, eta ibaitik hurbil fededun kongregazio edo lagunarte batekin topo egitean, Pete eta Delmar bataiatu egingo dira. Bidaia jarraitzearekin bat, hiruak Tommy Johnson gitarjolea adiskide egingo dute (Chris Thomas King blues musikariak antzeztua). Iheslariek musikariari ezerezean geldirik dagoen zergatiaz galdetzean, honek bere arima deabruari saldu ziola erantzuten die, betiere gitarra trebeziaz jotzeko trukean. Filmako une honek akleptismo elementu bat ezartzen du, Estatu Batuetako Hegoaldeko folklorean oso ohikoa den gaia sartzen baitu: deabruari bere arima saltzen dion musikariarena. Honen adibide argienetakoa Robert Johnson da.
Lauak euren buruei "The Soggy Bottom Boys" ("Hiru Ipurdi Bustiak", zinez errealitatean existitzen den musika taldea) musika talde izena ipini eta irratietxe batean "Man of Constant Sorrow" abestia grabatuko dute. Nahiz eta hasiera batean abestia diru erraza lortzeko asmoz abestu izan, gerora estatu osoan ospetsu bilakatuko da. Beren ibilgailua poliziak aurkitu ostean hirukotea Tommyrengandik banandu eta abentura euren kaxaz jarraituko dute. Izango dituzten topaketa ugariren artean, George Nelsonekin burututako auto bidaia eta banku lapurreta, hiru gizasemeen taldea sorgindu, lokartu arte hipnotizatu eta Pete itxuraz apo bilakatuko duten hiru lamien topaketa (Odiseako teknikaren antzekoa erabiliz), eta Big Dan Teague biblia saltzaile begibakarrarekin duten topaketa izango dira.
Istorioa korapilatzen doan heinean Odisea oroitarazten duten pertsonaiak irudikatzen dira, adibidez, Dan Teagle (John Goodman), biblia saltzaile begibakarra Ulises eta bere adiskideen bidaian agertzen den ziklopearen parekidea da; Ulysses Everett McGillek bere emazte den Penny (Penelope) eta alabekin duen berrelkarteratzea; edota hiru iheslariei euren ibilbidetik alboratzea lortu eta abere bilakatzen dituzten hiru erreka lamiak.
Aldiz beste pasarte batzuk hegoaldearen ikuspuntu kritikoa eskeintzen dute, esate baterako, Ku Klux Klan erakundearen ospakizun odoltsuak, suziz osaturiko topaguneak, sugarrezko gurutzeak, mozorrodun arrazistak, etab.
- George Clooney: Everett
- John Turturro: Pete
- Tim Blake Nelson: Delmar
- John Goodman: Big Dan Teague
- Holly Hunter: Penny
- Chris Thomas King: Tommy Johnson
- Charles Durning: Pappy O'Daniel
- Michael Badalucco: George Nelson
- Wayne Duvall: Homer Stokes
- Ed Gale: The Little Man
- "O Brother, Where Art Thou?" filmaren fitxa. (Ingelesez)
- "O Brother, Where Art Thou?" filmaren trailer edo aurreikuspen ofiziala ikusgai. (Ingelesez)
- Benetazko The Real Soggy Bottom Boys taldea Man Of Constant Sorrow abestia zuzenean joaz. (Ingelesez)
- Filmaren zati bat ikusgai. (Ingelesez)
Datuak: Q501874
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
