Nilo Zuria

Nilo Zuria^[1][2] (arabieraz: al-Nahr al-Abyad [النهر البيض] edo al-Nahr el-Jebel [انهرل الجبل]) Afrikako ipar-ekialdean zehar doan ibai handia da.

Nilo Zuria (al-Nahr al-Abyad [النهر البيض] - al-Nahr el-Jebel [انهرل الجبل])
Datu orokorrak
Garaiera	350 m
Mota	ibai
Luzera	2.620 km
Geografia
Koordenatuak	0°24′55″N 33°11′44″E
Honen parte da	Nilo
Hidrografia
Ibaiadarrak	ikusi Bahr el Ghazal (ibaia) Sobat River (en) Bahr el Zeraf (en) Achwa (en) Adar River (en) Kidepo River (en) Ora River (en) Kafu (en)
Arroaren azalera	1.059.000 km²
Arro hidrografikoa	Niloren arroa
Ur-emaria	878 m³/s
Lakuak	Victoria, Albert eta No aintzira
Iturburua	Victoria
Bokalea ()	Nilo

Bi zatitan banatzen da. Lehenengoak, Nilo garaia edo al-Nahr el-Jebel deitua, Albert lakuan du hasiera eta zenbait urjauzi ditu. Aurrerago, lautadan, Sudd padurak eratzen ditu eta No aintziran Bahr el Ghazal ibaiarekin batzen da. Zehazki hitz eginez, hortik aurrera hartzen du al-Nahr al-Abyad edo Nilo Zuria izena. Khartumen Nilo Urdinarekin elkartzen da, Nilo ibaia eratuz.

Geografo batzuen arabera ez da berez ibai bat, baizik eta Hego Sudan eta Sudandik pasatzerakoan Nilok berak hartzen duen izena. Arro honetako ur emaririk handiena berak ematen du. Uganda eta Sudandik igarotzen da, eta bere ibaiadarrak Burundi, Ruanda, Tanzania, Kenia eta Kongoko Errepublika Demokratikotik zehar igarotzen dira.