Mycena adonis

Mycena adonis Mycenaceae familiako onddo espezie bat da,^[1] Ez da jatekoa.

Mycena adonis
Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Mycenaceae
Generoa	Mycena
Espeziea	Mycena adonis Gray, 1821
Basionimoa	Agaricus adonis
Mikologia
orriak himenioan   kono-formako txapela   himenioa adnatua da   hanka biluzik dago   espora zuriak dauzka   saprobioa da   ez da jangarria Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Sinonimoak: Agaricus adonis, Hemimycena adonis, Marasmiellus adonis, Atyheniella adonis.

Deskribapena

Kapela: 0,5 eta 2 cm bitarteko diametrokoa, hasieran koniko-kanpai itxurakoa, bukaeran gutxi-asko lautu egiten da, askotan titiarekin. Azal leuna, kolore gorri eder batekoa edo arrosa-koral kolorekoa, ertza gardentasunez ildaskatua, ale zaharretan izurtua izan daiteke eta koloregabetu egiten da.

Orriak: Zabal samar adnatuak eta koska batez dekurrenteak, zurixkatik zertxobait arrosa kolorerakoak, ertz zuriarekin.

Orri dekurrenteak: Hanka ukitzeaz gain, beherantz jarraitzen duten orriak.

Hanka: 1,4 eta 3,5 cm bitarteko garaierakoa eta 0,1 eta 0,2 cm bitarteko lodierakoa, hauskorra, zilindrikoa, leuna, ez du sustrai antzekorik, kolore zurixkako hialiano, esfumatura arrosekin.

Haragia: Oso urria, arrosa edo laranja kolorekoa, usain berezirik gabea eta zapore meleka.^[2]

Etimologia: Mycena terminoa latinetik dator, perretxikoa, onddoa, esan nahi du.

Jangarritasuna

Ez du interes gastronomikorik.^[3]

Nahasketa arriskua

Mycena acicula delakoarekin nahas daiteke baina hau txikiagoa da eta izokin-laranja kolorekoa.

Sasoia eta lekua

Udazkenean. Leku ireki, heze eta belartsuetan hazten da, batez ere mendiko basoetan, pinudietan eta izeidietan, ale askoko taldeetan. Ez da arrunta.

Banaketa eremua

Kanada, Ameriketako Estatu Batuak, Europa, Errusia, Himalaiako eremua, Japonia, Australia.^[4]