Myōkoku-ji
From Wikipedia, the free encyclopedia
From Wikipedia, the free encyclopedia
Myōkoku-ji (japonieraz: 仁和寺 ) , Sakai (Osaka) hirian dagoen tenplu budista da. 1868ko Sakaiko istiluengatik da ezaguna.
Myōkoku-ji | |
---|---|
Kokapena | |
Estatu burujabe | Japonia |
Japoniako prefekturak | Osaka prefektura |
Izendaturiko hiria | Sakai |
Koordenatuak | 34°34′52″N 135°28′53″E |
Nichiko Shoninek sortu zuen 1592 urtean. 1615ean suntsitu egin zuten Toyotomiren gudarosteek Osakako gaztelua erre eta Tokugawa Ieyasu bertan zegoela entzuna zutenez mendeku bila. 1628an berreraiki zuten. Bigarren aldiz 1945ean suntsitu zen Bigarren Mundu Gerrako bonbaketetan eta 1973an berreraiki zen. Ordukoak dira beraz gaur egungo eraikinak.
Tradizioak dioenez 1.100 urte dituen zuhaitza dago tenpluan. Misterioa ere badu, izan ere Oda Nobunagak 1580an Azuchi gaztelura aldatu zuen baina gauero ahots batek Itzul nazazu Myōkokujira esaten zuen eta Azuchiko biztanleak urduri zeuden. Nobunagak zuhaitza bota zuen eta odola ateratzen hasi zitzaion suge baten forman. Oda Nobunaga beldurtu egin zen eta azkenik zuhaitza Myōkokujiko tenplura itzuli zuen.
1868ko martxoaren 8an 100 marinel frantses Sakaiko kaira iritsi ziren. Hirira sartu ziren bisitan eta tenpluan lo egin zuten. Sakaitarrak izuturik zeuden atzerritarren aurrean eta tenpluaren zaintzaileak ziren Tosa leinuko gerlariak ez ziren gai haiekin komunikatzeko. Frantziar batek Tosa leinuko bandera bat hartu zuenean samuraiek tiro egin ta hamairu hil zituzten. Frantziarrek erantzun egin zuten eta itsasuntzira itzultzen saiatu ziren. Istilu hauek diplomazia arazoa eragin zuten.
Frantziak isun handia ordainarazi zion Japoniari eta hogei samuraik "seppukua" (harakiria) egintera kondenatu zituzten. Frantziar lekukoak ere bertan ziren eta hamaikagarrenak seppukua egiterakoan hauek atera egin ziren ikuskizuna aguantatu ezinik. Ekitaldia gelditu egin zuten baina gainerako 9 samuraiak erbesteratu egin zituzten.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.