Miguel Indurain

Miguel Indurain Larraia (Atarrabia, Nafarroa Garaia, 1964ko uztailaren 16a) txirrindulari profesional ohia da, historiako kirolari onenetakoa. Frantziako Tourra bost urtez jarraian irabazi zuen (1991tik 1995era), eta Italiako Giroa bitan (1992 eta 1993). 1992an kiroletako Asturiasko Printzea saria^[1] eman zioten.

Miguel Indurain
(2009) Irudi gehiago
Bizitza
Jaiotzako izen-deiturak	Miguel Induráin Larraya
Jaiotza	Atarrabia, 1964ko uztailaren 16a (60 urte)
Herrialdea	Nafarroa Garaia, Euskal Herria
Familia
Haurrideak	ikusi Prudencio Indurain
Hezkuntza
Hizkuntzak	gaztelania
Jarduerak
Jarduerak	txirrindularia
Ibilbidea
Taldeak	Urteak
Movistar Team (ikaslea)	1984ko irailaren 7a-1984ko abenduaren 31
Movistar Team	1985-1996
Parte-hartzailea Frantziako Tourra Ziklismoa 1996ko Olinpiar Jokoetan - Gizonezko erlojupekoa 1990 UCI Road World Rankings (en) (4.) 1991 UCI Road World Rankings (en) (2.) 1992 UCI Road World Rankings (en) (1.) 1993 UCI Road World Rankings (en) (1.) 1994 UCI Road World Rankings (en) (2.) 1995 UCI Road World Rankings (en) (3.) 1987 UCI Road World Rankings (en) (97.) 1988 UCI Road World Rankings (en) (79.) 1989 UCI Road World Rankings (en) (20.) 1996 UCI Road World Rankings (en) (14.)
Pisua	76 kilogramo
Altuera	188 zentimetro
Jasotako sariak	ikusi Ohorezko Legioko zalduna Kiroletako Asturiasko Printzesa Saria  (1992) Urrezko Bizikleta  (1993) Urrezko Bizikleta  (1992) Knight Grand Cross of the Order of Sports Merit Meritu Zibileko Ordenaren Gurutze Handia  (1995)

Kirol ibilbidea

Zortzi urtez C.C.Villavés amateur taldean aritu eta gero, 1984an egin zen txirrindulari profesional, Reynolds taldearekin kontratua sinatzean.

1985ean lehen aldiz Frantziako Tourrean^[2] parte hartu zuen, eta Espainiako Vueltan elastiko horia jantzi zuen lau egunez.

Hurrengo urteetan, Frantziako Tourrean bere taldekide Pedro Delgado, 1988ko irabazlea, laguntzen aritu zen. 1989an Paris-Niza irabazi duen lehen euskal txirrindularia izan zen eta Tourreko lehen etapa garaipena lortu zuen.

Bere lehen Frantziako Tourra 1991n irabazi zuen, erlojupeko bi etapa garaipen lortu ondoren. Aurretik Espainiako Vueltan bigarren postua lortu zuen. 1992an etapakako bi bira handiak, Frantziako Tourra eta Italiako Giroa, irabazi zituen: Italiako Giroa irabazten zuen lehen euskalduna izan zen. Gauza bera lortu zuen 1993an.

Miguel Indurain, 1993ko Frantziako Tourrean

1994an Tourra irabazi zuen laugarren aldiz jarraian, baina Italiako Giroan Eugeni Berzin Errusiarrak garaitu zuen. Urte bereko irailean Orduko Errekorra lortu zuen, Chris Boardmanek zuen aurrekoa gaindituz eta berria 53.040 km-an utzirik. Proba horretarako Espada izeneko bizikleta iraultzaile eta modernoa erabili zuen. Hala ere, hilabete geroago Tony Rominger suitzarrak marka hobetu zuen. 1995ean bere azken Frantziako Tourra (bosgarrena jarraian) eta munduko erlojupeko txapelketa irabazi zituen.

Bere azken denboraldian ez zuen bere nahi nagusia lortu, hots, seigarren Tourra irabaztea, hamaikagarren postuan geratu baitzen. Atlantako Joku Olinpikoetan^[3] erlojupeko proban urrezko domina lortu zuen. Haren azken lasterketa Espainiako Itzulia izan zen, baina Covadongako aintziretan helmuga zuen etapan erretiratu zen.

1997ko urtarrilaren 2an iragarri zuen txirrindularitzari agur esango ziola.^[4][5]

Kirol lorpenak

1983

• Toledoko Itzuliko etapa bat
• Salamancako Itzulia

1984

• Etorkizuneko Tourreko etapa bat
• 2. Nafarroako Itzulian eta 2 etapa
• Bizkaiko Birako 2 etapa

1985

• Etorkizuneko Tourreko 2 etapa
• 2. Andaluziako Itzulian

1986

• Etorkizuneko Tourra eta 2 etapa
• Murtziako Itzulia eta etapa bat
• 5. Andaluziako Itzulian

1987

• Murtziako Itzuliko etapa bat
• Meatze Haranetako Itzulia eta 3 etapa
• Nafarroako Foru Erkidegoko Saria
• 3. Setmana Catalanan eta 2 etapa
• Txitxarrora igoera, eta etapa bat

1988

• Kataluniako Volta, eta etapa bat
• Kantabriako Itzuliko etapa bat
• Galiziako Itzuliko etapa bat
• 6. Donostia Klasikoan

1989

• Paris-Niza
• Nazioarteko Kriteriuma, eta etapa bat
• Frantziako Tourreko etapa bat
• 5. Nafarroako Foru Erkidegoko Sarian
• 7. La Flèche Wallonnen

1990

• Paris-Niza, eta etapa bat
• Donostia Klasikoa
• Frantziako Tourreko etapa bat
• 2. Asturiasko Itzulian
• 3. Espainiako errepideko txirrindularitza txapelketan
• 3. Euskal Herriko Itzulian eta etapa bat
• 3. Burgosko Itzulian eta etapa bat
• 4. La Flèche Wallonnen
• 9. Valentziako Erkidegoko Itzulian eta etapa bat

1991

• Vaucluseko Tourra, eta etapa bat
• Frantziako Tourra, eta 2 etapa
• Kataluniako Volta, eta etapa bat
• 2. Espainiako Vueltan
• 3. Euskal Bizikletan eta 2 etapa, Arrateko Igoera barne
• 3. Munduko Errepide Txirrindularitza Txapelketan
• 3. Boucles de l'Aulnen
• 4. Lieja-Bastogne-Liejan
• 2. UCI Sailkapenean

1992

• Italiako Giroa, Intergiroko sailkapena barne eta 2 etapa
• Espainiako errepideko txirrindularitza txapelketa
• Frantziako Tourra, eta 3 etapa
• Gaztela Leongo Itzuliko etapa bat
• Kataluniako Volta
• Boucles de l'Aulne
• 2. Romandiako Tourrean eta etapa bat
• 3. Paris-Nizan
• 1. UCI Sailkapenean

1993

• Murtziako Itzuliko etapa bat
• Italiako Giroa, eta 2 etapa
• Meatze Haranetako Itzuliko 2 etapa
• Frantziako Tourra, eta 2 etapa
• Gaztela eta Leongo Itzulia eta etapa bat
• Clásica a los Puertos de Guadarrama
• 2. Munduko Errepide Txirrindularitza Txapelketan
• 2. Espainiako errepideko txirrindularitza txapelketan
• 4. Kataluniako Voltan
• 1. UCI Sailkapenean

1994

• Tour de l'Oise eta etapa bat
• Frantziako Tourra, eta etapa bat
• Gaztela Leongo Itzuliko etapa bat
• 2. Valentziako Erkidegoko Itzulian eta etapa bat
• 3. Italiako Giroan
• Orduko errekorra: 53.040 km
• Espainiako errekorra (5 km): 5' 43" 947
• Espainiako errekorra (10 km): 11' 20" 097
• Espainiako errekorra (20 km): 22' 38" 510
• 2. UCI sailkapenean

1995

• Errioxako Itzulia, eta etapa bat
• Midi Libre
• Dauphiné Libéré, eta etapa bat
• Frantziako Tourra, eta 2 etapa
• Erlojupeko Munduko txirrindularitza Txapelketa
• Galiziako Itzulia, eta etapa bat
• Aragoiko itzuliko etapa bat
• 3. Meatze Haranetako Itzulian eta etapa bat
• 3. Asturiasko Itzulian eta 2 etapa
• 2. Munduko Errepide Txirrindularitza Txapelketan
• 3. UCI Sailkapenean

1996

• Alentejoko Itzulia, eta 2 etapa
• Asturiasko Itzulia, eta etapa bat
• Euskal Bizikleta, eta etapa bat
• Dauphiné Libéré, eta 2 etapa
• 1996ko Atlantako Joku Olinpikoetan urrezko domina erlojupeko proban
• 2. Burgosko Itzulian
• 2. Clásica a los Puertos de Guadarraman

Itzuli handiak

Itzuli handia		1984	1985	1986	1987	1988	1989	1990	1991	1992	1993	1994	1995	1996
	Italiako Giroa	—	—	—	—	—	—	—	—	1.	1.	3.	—	—
	Frantziako Tourra	—	UT	UT	97.	47.	17.	10.	1.	1.	1.	1.	1.	11.
	Espainiako Vuelta	—	84.	92.	UT	UT	UT	7.	2.	—	—	—	—	UT

Beste itzuliak

Itzulia		1984	1985	1986	1987	1988	1989	1990	1991	1992	1993	1994	1995	1996
	Paris-Niza	—	—	—	—	42.	1.	1.	—	3.	—	35.	—	—
	Tirreno-Adriatiko	—	—	—	—	—	—	—	43.	—	—	—	—	—
	Kataluniako Volta	—	—	—	—	1.	—	—	1.	1.	4.	—	—	—
	Euskal Herriko Itzulia	—	—	22.	—	—	—	3.	—	—	54.	—	—	—
	Romandiako Tourra	—	—	—	—	—	—	—	—	2.	15.	35.	—	—
	Dauphiné Libéré	—	—	—	—	—	—	—	—	—	—	—	1.	1.
	Suitzako Itzulia	—	—	—	—	—	10.	—	—	—	—	—	—	—

Klasikoak, txapelketak eta Olinpiar jokoak

Lasterketa		1984	1985	1986	1987	1988	1989	1990	1991	1992	1993	1994	1995	1996
	Milan-San Remo	—	—	—	—	—	43.	—	124.	167.	123.	31.	132.	115.
Amstel Gold Race		—	—	—	—	—	—	19.	—	—	72.	—	31.	26.
La Flèche Wallonne		—	—	—	—	40.	7.	4.	17.	—	—	—	—	—
	Lieja-Bastogne-Lieja	—	—	—	—	—	10.	12.	4.	—	51.	—	—	—
Donostia Klasikoa		—	—	—	28.	6.	36.	1.	14.	—	—	41.	9.	12.
Olinpiar Jokoak (errep.)		UT	X			—	X			—	X			26.
Olinpiar Jokoak (erlojup.)		X				X				X				1.
Munduko txapelketa (errep.)		—	—	—	64.	UT	UT	12.	3.	6.	2.	—	2.	—
Munduko txapelketa (erlojup.)		X	X	X	X	X	X	X	X	X	X	—	1.	—
Espainiako errepideko txapelketa		—	—	—	—	—	—	3.	—	1.	2.	—	—	—

—: Ez zuen parte hartu
UT: Utzi, ez zuen amaitu
X: Ez zen jokatu

Fundazioa

1998an sortutako Fundación Miguel Induráin izeneko elkartearen ohorezko presidentea da. Nafarroako Gobernuak eta Espainiako Batzorde Olinpikoak bultzatua da, eta helburu nagusitzat probintziako goi-mailako kirolariak sustatzea du.

Iruditegia

• 
• 
• 
• 
• 
• 
• 
• 
• 
•