1. Sinfonia (Beethoven)

Ludwig van Beethovenen Lehen Sinfonia do maiorrean op. 21 konpositore honen bederatzi sinfonietatik lehena da. Vienan idatzia izan zen 1799 eta 1800 artean eta Gottfried van Swieten baroiari eskeinia izan zen, melomanoa eta Wolfgang Amadeus Mozarten laguna zena.

1. Sinfonia (Beethoven)
Irudi gehiago
Jatorria
Sorrera-urtea	1799
Argitaratze-data	1801
Estreinaldi-data	1800ko apirilaren 8a
Izenburua	1. Sinfonie in C-Dur
Ezaugarriak
Zatiak	4 mugimendu
Tonoa	Do maior
Nori eskainia	Gottfried van Swieten
Egile-eskubideak	jabetza publiko
Deskribapena
Honen parte da	list of compositions by Ludwig van Beethoven by opus number (en) list of symphonies by Ludwig van Beethoven (en)
Bestelako lanak
Musikagilea	Ludwig van Beethoven

Harizko instrumentuek, bi zehar txirulak, bi oboek, bi klarinetek, bi fagotek, bi tronpak, bi tronpetak eta perkusiozko instrumentuek osatutako orkestra batentzat idatzia dago.

1800eko apirilak 2an estreinatu zen Vienako Burgtheaterren. Egitura oso klasiko bat duen arren, lan hau bere izaera berritzaileagatik kritikatua izan zen: obertura ez zen tonalitate nagusiarekin (do maior) hasten, modulazio ugari zituen, hirugarren mugimendua (faltsuki menuetto deitua) azkarregia zen etab. Mozarten 41. Sinfoniarekin, Jupiter ezizena duena, edo Joseph Haydnen beste sinfonia batzuekin antzekotasun gehiegi izatea egozten zitzaion.

Mugimenduak

Lau mugimendu ditu.

• Adagio molto - allegro con brio

• Andante cantabile con moto

• Menuetto - Allegro molto e vivace

• Finale - Adagio, allegro molto e vivace

Azterketa

Lehen sinfonia, nolabait, Beethovenek ondoren idatziko duenaren guztirako sarrera bat da: izatez, sarritan kontrastatuak diren ostertz ugari esploratzen ditu. Hala, bata bestearen atzean, lirikoa eta lasaia (azken bi mugimenduetan), iluna eta apasionatua (sarrera motelean), tentsoa eta dramatikoa (hasierako allegroan) eta patetikoa (mugimendu motelean) bezala definitzen da. Bestalde, Hirugarren eta Zazpigarren sinfonietako mugimendu motelen premonizio bat dirudi. Amaierarako Haydnengan oinarritu zen, honen eragina interpretazio azkarretan nabarmenago egiten delarik; izan ere, lan honetako mugimendurik berritzaileena hirugarrena da, scherzo bat dena, bizia eta arina, Beethovenek ordutik aurrera ohiko minuetoaren ordez erabiliko zuena.

Kanpo estekak

• Datuak: Q163493
• Multimedia: Symphony No. 1 (Beethoven) / Q163493

Aurrekoa Lehena izan zen

Beethovenen Sinfoniak 1799-1800

Ondorengoa Bigarren Sinfonia