idazle, kazetari eta aktibista suediarra From Wikipedia, the free encyclopedia
Kajsa "Ekis" Ekman (Stockholm,1980ko uztailak 25) kazetari, idazle eta ekintzaile suediarra, prostituzioaren abolizionismoaren alde egiten duen ahots nabarmenetako bat da.[1] Klimax Klima Aldaketaren Ekintza Sarearen sortzaileetako bat da.[2]
| Kajsa Ekis Ekman | |
|---|---|
_01.jpg) (2023) | |
| Bizitza | |
| Jaiotzako izen-deiturak | Anna Kajsa Helena Langemar Ekman |
| Jaiotza | Maria Magdalena parish (en)  , 1980ko uztailaren 25a (44 urte) |
| Herrialdea |  Suedia |
| Hezkuntza | |
| Hizkuntzak | suediera gaztelania ingelesa greziera |
| Jarduerak | |
| Jarduerak | idazlea eta kazetaria |
Parte-hartzailea
| |
| Jasotako sariak | ikusi
|
  | |
Kajsa Ekis Ekmanek Dagens Nyheter egunkari suediarrerako idazten du, eta op-ed zutabegilea da ETC ezkerreko egunkarian. The Guardian, TruthDig eta Feminist Current-erako ere idazten du. Finantza-krisiari, emakumeen eskubideei eta kapitalismoari buruzko hainbat lanen egilea da.[3]
El ser y la mercancía (Ediciones Bellaterra, 2017) liburuak sexu-industria eta haurdunaldi subrogatua alderatzen ditu, eta biek emakumeen gorputza merkantilizatzen dutela adierazten du. «Sexuaren lanaren» ideia kritikatu du, eskuin neoliberalaren eta ezker postmodernoaren arteko aliantza zitala delako, sexuaren industria legitimatzeko erabilia. Halaber, "Sexu-langileentzako sindikatuak" askotan proxenetek, estatuek eta akademikoek finantzatzen dituztela salatu du, eta oso zerikusi gutxi dutela langileen borrokarekin. Izenburuak pertsonaren izatearen edo "niaren" eta bere gorputzaren arteko disoziazioari egiten dio erreferentzia, liburu osoan kritikatzen duena. Disoziazio horrek lan sexuala eta haurdunaldi subrogatua beste edozein lanetik bereizten dituela kontatzen digu, disoziazio hori ez baita existitzen edo ez baita hain argia. Liburua frantsesera, ingelesera, gaztelaniara eta alemanera itzuli da.[4]
Stolen Spring (Udaberri lapurtua) liburuak euroaren krisia deskribatzen du, eta Atenastik ikusita, nola eragin dion Greziako ekonomiari. Krisia Greziako langileek eragin zutela kritikatu du Ekmanek, eta kapitalismoaren aldaketei egotzi die. 2016ko "urteko Suediar-Grekoa" saria eman zioten, Greziarekin elkartasuna adierazteagatik.[5]
Ekman 2014ko Ideia Arriskutsuen Jaialdiko hizlari nagusietako bat izan zen.
Ted hitzaldian, "Mundu guztiak hitz egiten du kapitalismoari buruz, baina zer da?", merkatu libreari buruz hitz egiten du tresna erabilgarri gisa, baina kapitalismoa moralaz, erantzukizunaz eta klimaz, herrialdeaz edo munduaz planifikatzeko kanpoko indar gisa deskribatzen du. Finantza-sektorea arautzea proposatzen du, krisiak saihesteko, eta demokrazia proposatzen du gizarteko sektore guztietan, lantokian barne.[6]
2018an, genero-identitateari buruzko artikulu bat idatzi zuen Aftonbladet egunkarian, eta bertan bere buruari galdetzen zion gizarteak generoaren definizioa aldatzak zer ondorio izan zitzakeen, generoa ez dadin izan gorputzaren sexuak definitutako zerbait, gizabanakoak berak erabakitako zerbait baizik, eta identitate sexuala bere buruak izendatua izan dadin.[7] TERFez (Feminista Erradikal Trans-Baztertzailea) akusatu zuten eta ordutik heriotza-mehatxupean bizi da.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
